التوأمتان

الحلقة الاولى

أسيل لما قربت منه سمعته وهو بيسأل على رقم أوضتها..

راحت خبطه بأيدها براحة على كتفه..

أسيل:حضرتك بتسأل على رقم اوضتى ليه ..هو حضرتك عايز حاجه منى..

هو مش مصدق عينيه أنها واقفه قصاده وكمان بتكلمه..

سيف: أنا كنت حابب أشكرك على عرض الازياء اللى كنتى فيه ..أول مرة أشوف عرض ازياءبالحلاوة والجمال ده.

أسيل: ميرسى أوى..

سيف: أنا مش مصدق نفسى ..هو انا واقف معاكى وبكلمك كمان ..

أسيل: لآ صدق..

سيف: طب أقرصينى كده عشان أصدق اللى أنا صاحى مش بحلم..

أسيل وهى بتضحك: هو انت بتتكلم بجد ..

سيف: أناعمرى ماكان كلامى جد اللى النهاردة كلامى جد الجد ..عشان خاطرى أقرصينى ..

أسيل : حاضر..وراحت مسكه أيد سيف وقرصها جامد..

سيف نبرة ألم: أه ..ده بجد ..أنتى حقيقة مش خيال..يابختك ياسيف واقف مع القمر..

أسيل : أنا أسفة لو كنت وجعتك..

سيف وهو بيمثل الالم: أه يأيدى.. هقبل أسفك بشرط واحد توافقى أعزمك على العشا النهاردة..عشان خاطرى اوعى ترفضى ..ده أنا كنت أموت فيها..

أسيل بضحكة ناعمة: أنا موافقة..

سيف وهو مبسوط: هعدى عليكى الساعة سبعة..

أسيل : وأنا هكون مستنياك..باى ..

أسيل رجعت لصحبتها وهى بتضحك: أنا وهو هنخرج نتعشا سو النهاردة..

روان: يابختك ..يارتنى كنت أنا..

أسيل: هو ألارعينى عينك كده ..يلى سلام انا طلعه أوضتى أجهز نفسى عشان أبقى زى القمر..

ومن اليوم ده وبقينا نخرج مع بعض كل يوم ..مكنتش أقدر أرفض ليها حاجة..

كانت كل اللى بتطلبو منى بيتفذ علطول ..طلبت شقة وعربية .. أشتريت ليها شقة وعربية..

وكان كل يوم لازم أشترى ليها هدية شكل ..ونتعشى برا مع بعض كل يوم ..

لحد ما جاه اليوم اللى أتقدمت ليه وقولت عايز أتجوزك..

سيف: أنا بحبك يأسيل وطلع من جيبه علبه فيها خاتم..أنا بحبك يأسيل وعاوز أتجوزك..

أسيل بضحكة كله سخرية: أنا أسيل أتجوز عيل زيك..ليه من قلت الرجالة اللى عايزين يتجوزونى ..أنا لما أفكر أتجوز هتجوز راجل هو اللى يمشى كلمته عليا .. مش أنا اللى امشى كلمتى عليه..

سيف: يعنى أنا عشان بحبك ومش بحب أزعلك وبعمل ليكى كل اللى أنت عايزها ..يبقى ضعف منى ..ده حب مش ضعف..