كوني أمرأه

الجزء 5

ريم انتي قارية الامتحان اي لعد ليش مكلتيلي اقرا وياج مو انتي رحتي عرس كرايب امج مو كلتلج تعاي نقرا مقبلتي زين غششيني بالامتحان لا اخاف نهلة ماكو خوف دخلنا للصف اثناء الامتحان سحبت مني ورقتي نهلة وخلت اسمها علي وانطتني ورقتها فارغة اني انصدمت ردت احجي شفتها سلمت ورقتها وطلعت فتحت ورقتها لكيت ورقة صغيرة بيها جم جواب ردت اشكها جرتها المدرسة بيدي باوعتلي كالت متصورت انتي تغشين مو عيب اخذتني للادارة وصدر فصلي اسبوعين متت من القهر خابرو امي جتي هي وعلي اخويه كالولها ربي بنتج لا حركات مال بنات لا مؤدبة لسانها طويل وفوك هاية غشاشة رجعت لبيتنا علي محجه شي ويايه بس باوعلي بنظرات اسف وعافنه رجع لشغله اما امي كالتلي بعد متطلعين من باب البيت فضحتينا الله ياخذج انتي شلون بنية مشاكلج متخلص اللي مثلج شايلة اهلها على راسها وانتي لادراسة ولا شغل بيت وشوفي شكلج بنتي انتي بنية باوعي خولة ادب اخلاق شايلة بيتنا اللي مفروض انتي تشيلي على راسها مريحتني مقدرتني انتي بنت بطني العالم ماكله وجهي من وراج ام حسن ماكدر ارفع عيني بعينها بكل مكان تذمج ياربي انتي شنو ماعندج احساس الا اكول لعدنان يذبحج تعبت منج صعدت لغرفتي شفت خولة بيدها جهالها وتريد تنزل كالتلي خير ريم شنو مرجعج من وكت صيحت انتي شعليج حيوانة ماعليج مني رحت لغرفتي بجيت اهواية ياربي نهلة ليش هيجي سوت بيا واني ليش مدافعت على نفسي.أم عدنان تعالي انتووالولد للصالة عندي حجي وياكم زين ابو عدنان هسة اجتمعنا ردت احجيلهم سالفة فصل ريم بس جنت خايفة من عدنان لا يذبحها دمه حار ياربي شسوي ابو عدنان كال اليوم خابرني حجي صابر اي طلب ايد ريم لحسان صدك ابو عدنان اي والله وانت شنو رديت عدنان جاوب يابه ريم صغيرة وحسان رجال ناضج اخاف تفضحنا عدهم انتو تعرفون هي شلون تتصرف متتحمل مسؤولية نفسها عود زواج من هيجي ناس ماكو تكافاء بينهم حرام انورط ولد العالم بيها شون حجي هذا ابني اختك مابيها شي تتزوج تعقل بابة انت شايف تربية خولة وتعرف بنتك بعد كيفكم والله ميتحملها ساعة تبقى عدنا عانس ولا تصير مطلقة لا اني اكول نوافق هي حتى دراسة مو فالحة بيها ترى اليوم رحنا اني وعلي جبناها من المدرسة صدر امر فصلها جانت غاشة بالامتحان نعم يومه صدك علي ليش محجيتلنا اني الها ابني اكعد خلي نتفاهم اني من رأيي نزوجها لحسان ونخلص متأكدة مراح نلكي أحسن من عدهم هاهي اتفقنا .رجعت بالليل شفتهم كاعدين ويضحكون سلمت كالولي مبروك عريسنا باوعتلهم كتلهم منو تقصدون هيثم كال شبيك ترى اهل ريم وافقو باجر نروح نقرا الفاتحة بكلبي كلت عزا شسويت بنفسي قرار بلحظة ضعف خربت حياتي واني ملكيت الا اخطب ريم مخبلة شلون اعيش وياها هاي ههيييي عريسنا اشبيك صافن ممصدك حقك صرت مثل طرشي مخلل بقو يضحكون عليه واني بغير عالم خابرت خولة كالتلي اخويه انت تتزوج ريم علمود تخلصني منها اني هسة اتعودت عليها لاتورط نفسك اذا متريد كتلها شنو هذا الحجي هي اخلاقيا بيها شي كالت لا والله اصلا ماعدها سوالف بنات بس متتوالم وياك اعرفها انسانة منغلقة الله عليك فكر لاتستعجل ياتفكير باجر احنا عدكم الظاهر موافقين اهلها باركتلي وسديت منها .بعد ٣ ايام من فصلي جنت متمدده على فراشي شفت امي جايبتلي ريوك فرحت طكلت خلص مو زعلانة مني باستني وجانت حيل فرحانة كالتلي كومي فطري اخذج للصالون وياية شويه ارتب بشكلج ترى انتي ابد مرايحة لصالون شعرج طويل حيل وانتي دايما لافته ونسوي حواجبج كلتلها ماما يا صالون اني بيا حال كالت انسي كل شي انتي اليوم سلطميني نفسج وماعليج شكو يجون ضيوف اي حبيبتي اليوم اهل خولة يجون طالبين ايدج واحتمال يقرون الفاتحة شنو ماما انتي بوعيج شنو زواج ومن منو من اخو القروية ضربتني سمعي ولج انتي تحلمين تتزوجين واحد مثل حسان كامل مواصفات وانني يمه ولا شي صيري عاقلة كافي تمشين ورا نهلة والله اذا سويتي او حجيتي شي اخلي عدنان يموتج افتهمتي حيوانة كامت وعافتني ياربي شنو هالمصيبة خلي ابدل واروح اشوف نهلة تلكيلي حل اني ماتحمل اعيش بقرية رحت لبيت عمي تلكتني ام حسن خير شكو وجهج مكلوب من الصبح شمسوية هالمرة ماكو خالة اريد نهلة بغرفتها روحي الله يستر منج كومي نهلة شكو ريم نهلة ليش هيجي سويتي بيا اسفة ريم مجان قصدي سامحيني ميخالف اني هسة بمصيبة ساعديني شمسوية جايني خطابة واليوم احتمال يقرون الفاتحة واني مو راضية كومي كولي لاخوج بلكي يخلصني منهم واخويه شعلي شلون مو تكولين يحبني عيني روحي منا يازواج يابطيخ هو ياخذ مصروف من امي جتي ام حسن شكو تعاي ماما سمعي ريم خاتون جايتلها قسمة متريد تتزوج تريد حسن عينها على ابنج نعم عيني بس هذا الباقي ولج انتي وين ابني وين شايفة نفسج اذا ماعدكم مراية اشوفج نفسج هسة صاحت حسن ياول تعال وانتي كومي صيحي ام هاي البلوة كتلها عفية خاله اني ارجع ميحتاج فضايح جنت ارجف وابجي لزمتني كالت مترحين خلي امج تجي تشوف تربيتها شون اتوسل بيها وميفيد لحظات حسن وامي جانو يمنا امي كالت ها ام حسن شكو رايدتني باوعتلي انتي شتسوين اهنا اشجابج جاوبت ام حسن حسن انت تريد تتزوج ريم لا يمه شنو هذا الحجي يع هاي المسترجله شتزوجها عديمه التربيه اني اتزوج بنات خالاتي شفتي ريم خاتون جاية تتبلين على ابني ام عدنان اخذي بنتج وربيها عيب ادور على الرياجيل ستروها قبل متنزل راسكم امي جرتني من شعري رحنا لبيتنا جنت بس ابجي ممصدكة اشسوو بيا من حرتهم مسألو منو العريس دخلنا للصالة جانت خولة كاعدة امي كالتلها كومي روحي ويا ريم للصالون وخلي علي يكابل الجهال واني اروح للسوك فعلا رحنا استلموني حف وترتيب وتنظيف بشرة سوولي مكياج بسيط وشعري كلش جان طويل كتلهم ماريد تسريحة اريده مثل ماهو كملنا رحنا للبيت ولا حجيت شي جنت مثل المخدرة صعدت لغرفتي امي جابتلي فستان وردي لبستني حتى مباوعت لنفسي ابويه واخواني جانو يبوسون بيا ويكولون حرام عليج وين مخبيه هالجمال ممصدكين لابسة فستان اول مرة يشوفوني بيها اجوي بيت عمي وبعدهم ميعرفون منو العريس غير عمي صعدت نهلة كالتلي وهي تدمع عينها دموع تماسيح سامحيني مو بيدي تعرفين اني ماكو شي بيدي سامحتها جتي خولة كالتلي نزلي وصلو اهلي مجاوبتها نهلة كالت واهلها ليش جايين شعليهم كتلها العريس حسان لونها انخطف مستحملت وكعت على كرسي صدك لو تجذبين ريم صدك ليش اكو شي تتلعثم ها لا ماكو نزلت كملنا قراية فاتحة جانو جايبين سيد وياهم لبسنا حلقات واني ولا رفعت عيني اشوفه وحتى ماعرف شلون سلمت عليه عبالهم استحي واني مقهورة على نفسي كعدت شوية وياهم جنت اسمع مريه عجوزة تصلي وتمدح بيا واني ولا يمها كعدت شوية واعتذرت منهم صعدت لغرفتي.اليوم حكمت على نفسي بالمؤبد اهلي كلش فرحانين بيا ممصدكين راح اتزوج واكثر واحد هيثم من الصبح مشغلين اغاني مسوين هوسات بالبيت جدي وبيبيتي وابويه وخواتي كلهم حتى بيت عمي من الصباح جانو جايين راسي انسطر من الاغاني جانو يروحون ويجون يركصون ويجروني معاهم بالنسبة اليه ماحس بشي يمكن لان معرفتي بيها قليل بس ماحس باي فرحة امثل عليهم حتى مينقهرون هند الوحيدة اللي مجتي رحنا لبيتهم شفتها معرفتها ناعمة شعرها طويل حرام عليها وين جانت مخبيه هالجمال بريئة كلش مرفعت راسها حتى صوتها مسمعت ماعرف هاي ريم الوكيحة لو مبدليها ردت اسأل هاي شعرها لو صناعي بس استحيت من خواتي كلش عجبتني ماتخيل حياتي وياها شلون من حجي خواتي مو مرا مال مسؤولية عقلها صغير بس اللي اشوفها انثى بقمه الجمال شوية حسيت براحة وصلنا للمزرعة باركولي للمرة عشرين كتلهم اريد اصعد وانام تعبان اي عيني كول اروح احجي ويا المدام مو انام لاو الله هيثم اريد انام حتى رقمها ماعرف ولا يهمك هسة اخوك الضلع اللي ماينشلع يجيبلك رقمها فعلا مصارت ١٠ دقايق انطاني ورقة وغمزلي روح اتونس شكرته وصعدت غسلت وبدلت ثيابي ردت انام كلت خلي اخابرها دكيت ٥ مرات مشالت التليفون دزيت رسالة اني حسان جاوبي هم مجاوبت عفتها ونمت.نزعت فستاني جبت مقص كصيتها وشلت شعري ومسحت مكياج جبت بنطرون وتيشيرت لبستها واني ابجي حتى معرفت شلون جنت طالعة ميهمني اتذكر كلام ام حسن احس بكلبي غصة بحياتي ممسوية شي غلط اللي كالتها اليوم متنحمل ماعرف ليش تكرهني شفت بيدي الحلقة نزعتها وذبيتها سمعت صوت موبايلي رقم غريب مجاوبت اجتني رسالة اني حسان ردت اجاوب بس ماعرف شكوله مجاوبت نمت وثاني يوم جتي خوله كومتني جانت ساعة ٣ العصر كالتلي كومي نروح للسوك ليش حتى نشتري جهازج بعد اسبوعين زواجكم كتلها ليش بكيفج لو بكيف اخوج الحيوان وخري وطلعي برا لاول مرة صيحت عليه كالتلي كافي اللي سويتي بيا ولا مرة جاوبت وحجيت انما تحجين على اخويه فلا ماقبل والله انتي متستاهلين اخويه على شنو شايفة نفسج انتي تستاهلين واحد مثل حسن وامه يمسحون بيج الارض مو مال واحد يحترمج ويقدرج وماعليه بيج خلي امج تتفاهم وياج اني غسلت ايدي منج وانتي الخسرانة على شنو عيني قابل اخوج منو حيالله واحد مربي حيوانات لا بروفيسور ولا دكتورراحت وعافتني .خابرت خولة كتلها انطي خبر لريم زواجنا بعد اسبوعين اليوم اجيبلها فلوس المهر حتى تتجهز وخلال هالاسبوع انكمل العقد بالمحكمة كوليلها خلي تشيل التليفون دا اخابرها متجاوب كالتلي عادي يمكن تستحي منك لاتضغط عليها اخوية البنية بعدها صغيره اوك مع سلامة انداريت شفت هند بوجهي كالتلي وهي تضحك واخيرا اتزوجت ماصدك وياريت زواجه عدله وحدة بكد بنتك طول عمرك خياراتك غلط جاوبتها لا بالعكس كل خيارات صح ماعدا حبي الج جانت اكبر غلطة اما بالنسبة لزوجتي بكد بنتي فهذا احسن شي حتى اربيها بيدي واعلمها مو تكون مثل بعض ناس خبرة شتقصد انتي ادرى باللي مضى وعفتها تغلي وجانت تسبني رحت طلعت مهرة وافتر بالمزرعة واتذكر وجه هند واضحك