أحببتك منذ الصغر

٤

باوعتله بخوف شفته مبتسم من شفت غمازته بانت
تلاشه خوفي مشاعر الحب والأعجاب طغت على خوفي .
گتله رامي گول گلي ريتاج تدرين اني بهذي السنين كلها مرحتي عن بالي تعرفين انتي الهوه الي اتنفسه
اني انبلع صوتي اريد اطلع ال اي متطلع
گلي تدرين لو متدرين تدرين انتضرج تكبرين واعوضج واعوض نفسي بيج تدرين روحي من الدنيا انتي انتي بنيتي انتي حب الطفوله وعد الصغر الي راهنت عليه يبقه وياي للموت الوعد الي مااخلفه شرط موافقتج
اني اريدج الي مره اريدج تكونين سعادتي ودنيتي تدرين ماعندي شي غيرج اقوى طموح عندي تصيرين الي درست وشفت اشكال ومرت عليه اشكال ولا وحده بيهن هزت مكانتج بگلبي ولج اني مسودن ادري مسودن من عشگتلي طفله اكوو واحد يعشگله طفله .
انتي بت عمي ومني وبيه اخاف عليج حته من روحي الكلام الي اگلج عليه هسه مااريد منج رد اريدج تفكرين ويمته ميعجبج تردين ردي مااضايقج ولااجبرج انطيج كل الأحس بيه والقرار يمج تبقين انتي غاليه واغلى من روحي شماقررتي
ريتاج
اني من سمعت كلامه طرت واني بمكاني يربي اني بحلم بعلم معقوله اسمع هالحجي من رامي يعني اني جنت اباله طول هاي الفتره يعني احساسي صح
گوه سيطرت على دموعي وحاولت اهدئ بس عيوني لمعن وشفتي فضحتني رجفت شفتي وگلبي يريد يطلع اريد بس نوصل وصلنه
ونزلنه اباب العروس ركضت نزلت وضيعت نفسي الكل يرگص وفرحان واني ابالي كلماته ترن
بالرجعه مارجعت وياه حشكت نفسي وي البنات وعاتبتهن ليش تركتني گالن والله عبالنه صعدتي بس مو ويانه مو سيارات هواي عذرينه رتوجه فدوه مو تزعلين گتلهن لا عادي
بگلبي ولجن على شنوو ازعل الخاطر الله لو بيدي ابوسجن
اباوع للولد رگصو رگص مصاير اباب اهل العروس شفت رامي على جها واگف ومبينه عليه الفرحه بس يحرك بأيديه ضلت عيني عليه الحد مالمحني وغمزلي وركص وياهم
اني خجلت ودنگت وگمت اسرق نضرات واسوي نفسي ممهتمه
رامي ..
من شفتها تدور عليه بعيونها عرفتها تبادلني الشعوور وحبيت اطلع فرحتي وفرحة عرس اخويه كرار رگصت وحسيت الدنيا حلتلي
رجعنه والكل فرحان واحسها عيونها تلاحگني ومن اباوعلها تتهرب مني حسيتها طفله متعرف تضم مشاعرها بس حلوه كلشي بيها حلوو شخصيتها حلوه تحاول تبيين نفسها ممهتمه .
من رجعنه وكمل العشه الكل بده يعزل زفينه العريس والاقارب راحت والبيت هدأ بقينه احنه نعزل والبنات الوالده تعبت ووراها تعب الأيام التجي والخطار گتلهم الشباب انتوو تعزلون البره واني والبنات نغسل صواني العشه صحت رسل گتلها عزلي البيت وخلي امي ترتاح وصيحي ريم الي خل تجي وياي
من اجت ريم گتلها لتخلين ريتاج وحدها خل تعزل وياج واني اساعدكم .
اجت ريتاج وعيني تراقبها بكل مكان
شويه وگلت الريم گتلها جيبي هتفوني تلگيه بغرفتي فوگ ارد اسمع .
راحت ريم .گتلها ريتاج صح گتلج براحتج جاوبي بس مو بيدي الفضول دمرني ومشاعري وگلبي اذني ارحمي بحالي بنت گلبي .
هيه رفعت عينها بعيني وگلتلي رامي اني مو بس احبك اني اموت عليك وشردت
من سمعتها گعدت على حيلي تركت البيدي تركت شغلي اريد واحد يضربني السمعته صح لو متوهم
لا اني سمعت لك رامي صح السمعته لك الدنيا ضحكتلك گمت مااشوف گدامي يمكن بذاك اليوم لو ينطوني قصر مگلوب اسوي تحفه من الواهس
انطتني ريم الهتفون سمعت صغيره جنت وانت صغيرون ورحت بعالم ثاني هالمره حسيتها هيه الي تتكلم هيه الي تخاطبني بأغنيه ..
ريتاج ..
من شفت عيونه تراقبني وحسيته صادق وياي ليش لا ابن عمي وخوش ولد واني من صغري وهوه ابالي ليش اصعب الأمور ليش اعيشه بقلق مثل قلقي اسنين الفاتت من گلي ارحميني انتهيت حسيته منتضر مني حجي والحجي يقرر مصير سعادته
گتله اني مو بس أحبك اني أموت عليك
گلتها وانهزمت فرشتلي فراش وغطيت نفسي وسويت نفسي نايمه مااريد اسمع كلام غير كلامه اريد بس حجيه يبقه براسي
ضلن كلماته يرنن براسي الحد مانمت مااعرف الوجه الصبح يله گدرت انام .
رامي من كملت شغل واني تعبان بشكل ايام واحنه نحضر راح التعب كله ضليت اعيد بكلماتها واسمع شعر الحد اذان الفجر صليت حسيت براحه عجيبه گتله ربي توكلت عليك اريدها منك تسهل اموري وكلشي يمر بسهوله
هنا صار للعرس اسبوع وباجر يرجعون وهيه تتجنبني والصراحه اني مااريد انفرد وياها اخاف عليها حته من نفسي اريدها حلالي لو حلالي لو مااجيس طرف منها
باليوم الي قررو يرحون احس روحي راحت وياها سلمت على علي وگتله ابو حسين على وعدنه
گلي وعد رجال بعد اخوك وين اكوو احسن منك باوسته وصيته وطلعوو من طلعوو روحي طلعت وياها
وللحكايه بقيه