أحببتك منذ الصغر

الجزء الثاني

ريتاج
اني طفله وعيت ع الدنيا وامي مدللتني احب اخويه اعشقه رغم الطفوله بيها مشاكسات اني مشاكسه وي الكل الا اخي اموت عليه روحي من الدنيا اخاف عليه من يوگع ابجي وهوه يضحك عليه من يتعارك بالشارع اهد وياه وادري بي راح يضوج مني يگلي عيب شنوو تتعاركين وتحميني اني احميج اني رجال اني اگدر الهم شيگولون عليه احته تحميله
اعرف كلامه بس مو بيدي اتخبل من شخص يأذي هذا اني ممكن قليل مثلي بس هوه احسه روحي مو بيدي اني طفله مشاكسه وكحه عنوديه وي الكل الا علي مثل مگتلكم امي متزوجه صح بس ابد مافارگتنه تحبنه واحنه نموت عليها احبه الزوج امي يحبني يطلعني يشتريلي علاقتي بي حلوه
گمت احاول اقرب علي اله ونجحت اني العلي كلشي هوه هم يحبني ميرفضلي طلب امي ارتاحت من هالجانب بيبي ام امي مدللتني تموت علينه هيه امنه مو بيبيتنه بس .
اني اموت على عمامي احبهم من اشوفهم اشوف والدي بيهم الكل يحبونه يوم الي نروح يحتفلون بينه الكل يجتمع والهدايه تجينه والفلوس عمامي عمو احسان عنده تلث ولد وبنتين الجبير كرار والوسطاني رامي والزغير مهند ورسل وريام
وعمو عمار عنده ياسر ومحمد وبدور
وعموو احسان عنده ولدين أمجد واحمد
عمتي رنا تموت علينه واحنه نحبها تحب امنه هم ومنقطعت علاقتهم وره زواجها زوجات عمامي نحبهم الكل يعاملنه بحب واحترام
ودائما اسمع ريتاج الرامي على حجاية المرحوم رامي اكبر مني بعشر سنوات
اني هم من كلامهم وگد ميعيدون الموضوع ريتاج الرامي گمت احبه اي احبه صح طفله بس ارتاحله وهوه حلوو ابيض وعيونه كحيله احس بالأمان يمه من واحد من ولد عمي يضربني لو يأذيني اني اروح اشتكي ال رامي طبعا غير هوه سندي صح طفله اني بس وياه احس بأمان هوه جبير ويهتم بيه يشتريلي يطلعني ميقبل احد يغثني من اني طفله اروحلهم جنت واستمتع وياهم كلهم صرت خامس ابتدائي بعد مارحت علي گلي انتي بعد لتجين بس اني اروح ولو اجيتي متبقين وياي ترجعين گمت من اروح ارجع وي بيبي
بهاي الفتره هوه شاب عمري ٩سنوات هوه عمره ١٩
ياربي يخبل ولو شفته اروح بغير عالم صح طفله ومااعرف بس احبه مااعرف شنوو الحب بس مخليته ابالي هوه زوجي المستقبلي
جان يگلي بنتي اگله منوو بنتك يگلي انتي غير بنيتي ارفع حاجبي واباوعله صفح شنوو عيني شنوو بنيتك يغمزلي ويضحك يگلي جاغير انتي بنيتي ومريتي المستقبليه .
ياا فدوه ومنوو گلك اقبل بيك
فدوه للفدوه اني اگلج تقبلين وداعت عيونج الحلوات
تهي بهي شايف نفسك انت
اي شايفها بيج .
والكل يضحكون علينه امه تگله رامي عوفها لتكرهك انوب لتضغط عليها طفله هيه شتعرف
اني بگلبي اگول شوف هذي شتحجي اكرها شنوو غير ارد اعانده اني
گتلها اي عمه اني اكرها وبس يجي عموو اشكي
گال منوو يشكيني تقبليها عليه بهالأثناء
اجه عموو هلا عموو هلا يگلب عموو
بوسته شوف رامي يگلي انتي الي گلي ها وانتي شگلتي گتله مو بكيفك بكيفي گله رامي لك لتضايقها عوفها البنت الغالي
تدلل يابه غاليه وأنت اغلى باوعتله متخوصره ورافعه حاجبي وهوه مبتسم وغمزلي والرصعات تخبل
وتمر الأيام ع هالحال واني يمهم من ارجع اسولف البنات خالتي على سوالفه وهنه اكبر مني يگللي ولج انتي ليش مركزه عليه من دون ولد عمج هيج رامي گال وهيج حجه ولج طفله انتي شنوو والحب اگلهن دروحن غير هوه زوجي المستقبلي
الفتره الكبرت بيها گمت مااروحلهم علي كبر شويه ويفتهم وگام ميخليني وانگطعت وياهم الحد ماصار عمري ١٣سنه تزوج كرار ابن عموو ورحت للعرس بهاي الفتره الي يشوفني يگول عمري ١٦لو ١٧سنه طويله وجسمي مليان وشعري الحد خصري غمازات عندي طبعا عائلتنه اكثرها تملك غمازات
عيوني عسليه طويلات ومعانيي كلش حلوه اشبه والدتي كلش حلوه
بالفتره الي مرحت بيها اتخيل شكل رامي شلون صار هسه وشلون ملامحه هسه يذكرني نساني بعدني اباله لو كلام وخلص
دوم هوه على بالي من جان علي يروحلهم جان كل ميجي يجيبلي هديه لو گلاده لو سوار لو ساعه من رامي علي يعرف اني الرامي ومقتنع
بس ميجيب اي موضوع يمي يسوي نفسه ميعرف بهاي الفتره اريد اعرف اي شي عن رامي ياربي طفله جنت وهسه بديت المراهقه ليش ماانساه مو يگولون المراهقه تنعجب بشخص تحب الينعجب بيها اني اشوف الكل مو بعيني حته گمت انخطب لأن خشنه اگلهم مو الأبن عمي يعرفون شكوو يجون حته والدتي مقتنعه ومن يمها تگلهم الأبن عمها
البنات يفرحن بالي يخطبهم حته لو ميقبلن ومتصير بس يفرحن بفترة المراهقه اني اشوف اليمي يفرحن ويحسبن وهنه مقتنعات ميردن زواج بس رقم بالنسبه الهن اني حته هاي مااحس بيها بالي كله يم رامي ياربي رامي معقوله نساني صار شگد مشايفني فد يوم اخوي جاب تليفونه خلاه ع الشحن طبعا بيه طبيعه ابد مااجيس تليفون اخوي شفت الخلفيه مخليها صورة ولد عمي علاقته حلوه بيهم
ياربي گلبي صار گام يعزف واحس صخنت احساس مااعرفه هذا رامي اي هوه فدوه شلون يخبل لابس اسود وعيونه كحيله ابيض والرصعات يخبلن وبيده جگاره معقوله رامي يدخن بهاي الفتره اني عمري ١٣ وهوه عمره ٢٣
صار عرس كرار ورحت شايله هم شلون اشوفه الكل مشايفتهم من. زمان من جنت طفله بهاي السنين شكلي بساع تغيير من النوع الي بسرعه كبرت
طبيت ادوور بالوجوه الكل تلگانه وفرح وهلاهل وركص والكل فرحانين بينه عمتي تبووس بيه منا ومنا وعمامي يگولون هاي انتي لج رتووج شنو هالجمال شنوو هالحلاه شصايره ابالنه ذيج الطفله انتي
بوستهم كلهم عمامي ولدهم وعماتي
بهاي الهوسه واني ادوور بالوجوه اريد اشوفه گلبي يعزف اباوع بالوجوه عيني تروح منا وتجي منا
ارد اشوفه گالوو ارتاحي انتي وعلي بدلوو وغسلوو حته تتغدون وراكم رگص ويضحكون الكل فرحان
واني بالي مشغول بحبيب الطفوله