أخر شوية ليل

Part 3

و فردت شعرى و خرجتلو و روحنا

وصلنا ودخلنا بما ان باب الڤيلا كان مفتوح لقينا ناس كتير قاعدة ف دخلنا و سلمنا عليهم كلهم و سيلين جت حضنتنى ، روحت قعدت جمب ولد شعرو منكوش كدة بس شعرة حلوو اوى لفت نظرى بصراحه .. لقيتو اتكلم

... : ازيك 😄
انا : كويسه ☺

حسين : انا حسين السيد و بلعب ف الاهلى

انا : ا.ا تشرفنا ي كابتن والله بس sorry مش متابعه كورة

حسين ضحك : عادى .. قوليلى انتى تقربى لسيلين وحسام ايه

انا : انا بنت عم سيلين و حضرتك ؟

حسين : انا ابن عم حسام 😂

انا : بس انا مشفتكش ف الفرح خالص !

حسين : كنت مسافر مع النادى بتاعى
انا هزيت راسى : اة

ضحكنا لبعض و بعدين كل واحد فينا سكت و انا قمت من جمبه طلعت لسيلين الى بقالها 3 ايام بتللبس ، بس كنت مستغربه اوى انا اول مرة اعرف اتكلم مع ولد .. بس شدنى ليه اوى

طلعت و خبط و قالتلى انى ادخل لقتها قاعدة بتلبس الحلق

انا : هو انتى رايحه تتخطبى خلصى ي بنتى

سيلين : اهو خلاص هو حسام فين ؟

انا : تحت

سيلين : هاتيلى فردة الحلق دة من ع السرير ونبى 😂

انا روحت اجيبه وقولت اسالها على حسين

انا : سيلين انتى تعرفى حسين السيد دة ؟

سيلين ضحكت : اكيد ..انتو اتقابلتو 😉
انا : اة تحت انا حتى مكنتش اعرف انو بيلعب ف الاهلى

سيلين : قمور صح

انا و مش عرفه ازاى اتجراءت وقولت كدة : اة اووى

انا برقت و حطيط ايدى على بوقى و سيلين فضلت تضحك جامد

سيلين : حسين مش خاطب على فكرة

انا : سيلين احترمى نفسك

ضحكت و نزلنا قعدنا كلنا ع السفرة و من الصدفه الباحته مكنش فى مكان غير جمب حسين 😂 ف قعدت جمبو و سيلين بصتلى و ضحكت .. انا ازاى بعمل كدة !

سيلين : ي جماعه عايزين نقولكو حاجه
كلنا : ايه ؟؟

سيلين : انا حامل ومسكت ايد حسام وضحكو لبعض

انا فرحت عشانهم اوى ،، فضلنا نباركلهم وبتاع و كملنا اكل

و ريحه ال Perfume بتاعتو هتتجننى ي جماعه ☺ .. خلصت اكل و بعدين قمت و وانا قايمه دوست على رجلو غصبن عنى ف بصلى وضحك يالهوي اكيد فكرنى عايزاة ييجى ورايا ؟! 😳

ف قمت جريت ع الحمام .. انا مش متعودة اتحط ف مواقف زى دى !! طب هو لو لقيتو قام وجيه ورايا هقولو ايه ! اكيد هيقول عليا شمال !! يوووة بقاا