(الحب المستحيل ) قصة عراقية واقعية

البارت3

قرر علي انو يروح يتقدم لزينب بس خايف ميقبلون بيه لان ماعندة وظيفة شلون راح يوافقون  ومن جهة ثانيه خايف انو زينب متحبه وتعبره اخ اله بعده خصم الموضوع وراح يروح يخطبه وراح يعترفله قبل متروح امه تخطبلياه  تزل علي الى والديه وشافهم كاعدين بالصاله ودخل عليهم          

علي: السﻻم عليكم شلونكم
الاب والام: وعليكم السلام الحمدلله انت شلونك
علي: والله بخير ااا رايدكم بموضوع
ابو علي: تفضل ابني انشالله خير ام علي: ابني صاير وياك شي خوفتني
علي بتنهيده : خخخير خير ااااا اني قررت اتزوج
ام علي: اي وأخيراً اكو وحدة كدرت تاخذ كلبك منية بنت منو نعرفة ما نعرفة
ابو علي: اي وأخيراً هاي الساعة المباركة بس من بيت منو  نعرفهم  لو ﻻ

علي: ااا اي تعرفوه وعز المعرفة ااا زينب بنت ابو زينب جيرانة
ام علي: اي والله ابني خوش ناس والنعم منهم زينب ماشالله اخلاق واية من الجمال
ابو علي: اي والله والنعم منهم احسن اختيار اختاريت بس شوكت تريد نخطبلك ياها
علي: اليوم انشالله
ابو علي: مو بعد وكت خليها تخلص السادس
ام علي: لا وين بعد وكت اني ما صدكت شوكت يتزوج  ابني اليوم راح اخطبلك ياها
علي :اي والله امي أكون احسن اليوم
ابو علي: هههههه مثل ما تريد ابني شكلك مستعجل اليوم راح احجي ويا ابو زينب

في مكان اخر

عند زينب طبعا رجعت من الدوام شافت ابوها  يم الباب سلمت عليه وطبعا نشطت غراضه لان تعبانة وراحت كبل للمطبخ

زينب :هلووو ماما شلونج ماما شنو مسويه غدة لان ميته من الجوع
ام زينب: هلوات بنتي سويت سمج روحي بدلي وصلي وتعاي ساعديني تنصب الغدة
زينب: ماشي ماما 
راحت زينب بدلت ملابسه وصلت ونزلت وساعدت امه وتغدت وبما انو تعبانه امه غسلت المواعين عنه وصعدت على غرفته وتمددت على السرير وكعدت تتملعب بموبايله شافت رساله من علي زينب :شيريد اخاف صاير شي
علي :السلام عليكم  شلونج زنوبه
زينب : وعليكم السلام بخير الحمدلله انت شلونك
علي: الحمدلله بخير زينب اريد احجي وياج بموضوع
زينب: تفضل صاير شي خوفتني
علي: لا لا ما كو شي سلامتج  راح احجي بس لا تقاطعيني
زينب:ماشي
علي: زينب اني احبج ودزيت امي اليوم تجي عليكم تطلب ايدج واذا تحبيني وتبادليني نفس الشعور وافقي واذا ما تحبيني عادي ما اجبرج على شي
زينب مصدومة: شنووو شدتحجي انت

علي: لا تجاوبيني هسة جاوبي امي اذا تحبيني لو ﻻ
زينب: ماشي
زينب بقت تفكر ومتفاجى وخايفة مترددة وما تعرف شنو جوابها تقبل ام ﻻ بقت تفكر وبعدها نامت
اجت ام علي وابو علي
المحادثة

ابو علي: السلام عليكم شلونك اخي ابو زينب
ابو زينب: وعليكم السلام الحمدلله بخير انت شلونك شلونج اختي ام علي
ابو وام علي: الحمدلله بخير
ابو زينب: انشالله دومكم بخير
ابو علي: اخي ابو زينب احنا جا يكم اليوم بموضوع جاين نطلب ايد بنتكم لابنا علي  على سنة الله ورسوله
ابو زينب: والله والنعم منكم ما نلكة احسن منكم بس الشور الاول والاخير يرجع القرار البنية ما اكدر اجبرها
ابو علي : انشالله فكرو وردنا خبر يلا احنا نستئذنكم
ابو زينب: الله وياكم
ذهبو ابو و ام علي الى منزلهم
ابو زينب : شنو رئيج بالموضوع ام زينب
ام زينب: اني مو موافقة بعدها صغيرة بعدين وهو ما عندة وظيفة شلون راح تعيش وياه
ابو زينب : اني هم مو موافق ما راح تكدر تعيش وياه  ﻻن هواية يختلفون عنا بس اذا هي موافقة احنا ما نكدر نجبرة هسة تحضري انتي والجهال حتى نروح على بيت اهلي ﻻن عزمينا عل العشا
كعدت زينب من النوم نزلت عل الصالة  شافت امها وابوها كاعدين
زينب: سلام شلونكم
ام وينب: صح النوم عيني بعد وكت
ابو زينب: عوفيها هاي نوارت البيت نوم العوافي حبيبتي
زينب: والله ماما تعبانة كلش كلش كلش الله يعافيك باباتي
ام زينب: اي دلعها دلعها ما كبر راسها غير دلعك يالله كومي البسي حتى نروح على بيت جدج
زينب : ياي يالله عشر دقايق وشوفوني جاهزة باي
راحت زينب بدلت ملابسه ونزلت بعد ربع ساعة
ام زينب :بعد وكت جان نمتي فوك ودكوللي عشر دقايق هاي العشرة صارت ربع ساعة
زينب :اووف ماما غير ارتب نفسي قابل اروح مبهدله
ام زينب :يالله امشي وبلا لغوة زايده
راحت زينب على بيت جده وفاتو وسلمووو على الاهل وتعشوو وزينب فاتت ويا بنات  عمامه تعاونهم بالمواعين وطبعا زينب عده 3عمام ومزوجين وعدهم جهال
هدى ؛(بت عم زينب عمره 15 سنة ) زينب جدوو يصيحج
  زينب :شيريد ماكالج
هدى:لا مكال بس كال صيحي زنوبه وخليه تجي للصاله
زينب: ماشي
طبعا زينب فاتت على الصاله وشافت جده و ابوه وعمامه ولد عمامه كاعدين  وامه ونسوان عمامه يم الباب واكفين وراحت على جده
زينب : نعم جدوو كالو صحتني
الجد: تعاي بنتي رايدج بموضوع
زينب :تفضل جدوووو
الجد : طبعا اليوم اجه...............


الى هنا وانتهى البارت اشوفكم بالبارت الجاي لا تنسون التصويت والتعليق عندي بعد قصة ثانيه حقيقيه اذ شفت تفاعل اكتبه باي احبكم