قاعدة نستنا ف ملينا تولي و يجي معاها موحة ان شاء الله ...بعد انتظار طويل جاو انا خرجت نجري نحكمو مسكين شافني ضحكة راحتلو حكمتو حكيتلو كلش بل ب و ت هو شد راسو مسكين فرحتو ما كملتش😣😣
موح : احلام واش درتي زرعتيلو كل شي...احلام ليوم موتي ليوم جانزتي (ملينا كانت دخلت لدار ها)
انا قتلو : بلاك كي تهدر معاه دورك ما يدير والو
قالي : احلام علابالك واش يقولولو هو شيطان احلام يقدر يقتلك و هو يغزر في عينيك ما يرحم حتى واحد ني كبير ني صغير 😧😲😔😔
هو كان شاد راسو خايف انا في قلبي واش داني نهدر حتى نشوفو باب دار تحل و پابلو خرج
پابلو : موح ارواح عندي هدرة معاك و هو يشوف فيا 😠
انا خفت قلت بلاك يقتلو ... موح شاف فيا مسكين و راح لقبرو برجليه انا ما لقيت ما نقول و ما عندي ما ندير من غير ما نستنى كي لعادة.
عند موح : ليوم نموت يعني انا ما لقيت شكون نحب 😣نحب خت شاف تاعي و زيد مافيا ليوم نلقى جهنم تستنى فيا. دخلني لصالون هو قاعد ف كرسي و انا مقابلو ركايبي فشلو هو قعد ساكت و من بعد قالي : اهدر.
انا جمعت قوتي قلت لموت فيها فيها نهدر و خلاص قلتلو انا ناوي ختك لحلال و جامي طعنتك في ظهرك كان ماشي احلام ليوم فضحتني ملينا ما تسمع والو جيت راح نهدر حبسني
قالي: ملينا راهي قابلة و انا ما نلقاش نسيب كيما نتا
انا راني مشوكي ما خلانيش نكمل بلي راني حاب نتزوج بيها حتى قالها هو انا فهديك دقيقة حسيت روحي نحلم هههههههه نشوف ملينا جاية و تضحك فرحانة (الحمد الله كي خرجت على خير) قعدنا كيف كيف مقابلينو قالنا اهدرو مع بعضاكم و ديسديو وقتاش لعرس علاخطش مانقبلش عفسة اخرا...... مايكون لاخاطرك شحال وانا متنيها 😍😍😍
عند احلام :
راني نستنى كي لحمارة بل وذنين.. طول موح واقيل صح قتلو 😭😭و انا زرعتلو كلش و بيعت ...خويا تخلع كي شافني ما نهدرش موالفا نحرقلو راسو بل هدرة.... انا راني قاعدة نخمم حتى نسمع لاصونات خويا راح يحل و حتى نسمع بوخنونة يضحك الله لاتربحو انا هنا حاكمتني لادياري من خلعة و قعدة نخمم كيفاه ندير طعام تاع جنازتو و هو يضحك و ضروس صفورة لي عاندو بانو و جا عرض روحو و قعد و انا قاعده نغزر واش صرا على حساب ضحك هدا ان شاء الله يكون فراها
موح : عصام نتوما جيرانا و حبابنا و ترببنا مع بعض و نعتبرك كيما خويا لكبير و كيما علابالك هنا ما عندي حتى واحد من غير نتوما من دزاير. و.......
انا: صحا بلا مقدمات ازرع ينبت علابالك ما نقدرش نصبر ادخل ديراكت..
خويا خزر فيا تاع هديك من صباح ونتي ساكتة كي وصلت لتقرعيج ما قدرتيش تغلقي فمك
موح: ههههه جامي تصبري نتي لمهم انا نعرف واحدة و رايحين نتزوجو و حبيت نتوما لاولين لي تعرفو😁😁😂😂😁😂 انا و مرت خويا غير سمعنا بدينا نزغرتو ني فرنسا ني يديك ني يجيبك ههههه مساكن لجيرانsur تشوكاو و انا طبعا لازم نخسر دعوى بل هدرة تاعي هههه
انا : عصام علابالك شكون راح يتزوج .
خويا : انا وين علابالي. نغزر ف بوخنونة😏😏😏😏😏. موح : ياخو علابالي بلي الهدرة لي راح نقولهالك ما تعجبكش مي ما تديش احكام و خليني نكمل
موح: راح نتزوج ملينا خت پابلو.
خويا و مرتو : وشنووووووو
انا: بابابابا جبتوها دربا وحدة..
موح :هههه لعرب دايمن مزروبين ما يخلوكش تكمل هدرتك لمهم ايه ختو بصح انا ما يهمنيش خوها و لعايلة تاحها انا ملينا نعرفها مليح و هي لي راح نتزوج بيها ماشي بلافامي تاعها و انا متمني ياخويا عصام تحضر لعرسي
انا : ياك ديروه قبل مانروح 😁 يخاه ماجابتش كامل حوايج تاع لعراس معايا كيفاه ندير دوركا
خويا غزر فيا تاع هديك اسكتي 😑
عصام: موح نتا راك كي خويا ونعرفك من نهار كنت ديرها في سروالك مي سمحلي انا عندي مرتي و بنتي و نخاف عليهم ما رانيش حاب لمشاكل ما نقدرش نتا دبر راسك راك كبير وتعرف مصلحتك مي انا ما رانيش حاب كامل تكون عندي علاقة معاهم ولا نهدر معاهم
انا: ياخو نورمال انا نبريزونتيكم فلعرس و مانخليش بوخنونة وحدو 😁😁😁
عصام: كي انا ما نروحش سيك نتي راح تقعدي في بلاصتك و تبلعي😡
موح : ياخو والله ما كاين والو واحد ما يدنا ليك و لايقيس لعايلة تاعك ماتخافش ما راهمش مهابل هما يعرفو لمن يدناو لمهم لعرس منا على شهر كنت حاب انه احلام تعاون ملينا مي ما كتبتش نتا زيد خمم مليح و ان شاء الله جي ومن بعد زاد قعد شويا وراح و انا مبرزيا عرس صديق طفولة بوخنونة ما راحش نحضرلو😢
عند پابلو : اول مرة نحس درت عفسة مليحة في حياتي هي انه خليت ختي فرحانة و قريب نزوجها سمعت زغاريت هادا ما يكون غير موح قاللهم لدار عصام زعمة جي احلام للعرس؟؟؟ اوف واش راني نقول جي ولا الله لا جات ما راحش تحبس دنيا..ملينا راهي فرحانة بدات تخمم من دوركا على لاروب بلانش و كامل ان شاء الله تبقى طول عمرها فرحانة بقات هكاك تهدر و تمشي ف كامل صالون حرقتلي راسي بكل معنى لكلمة لبنات ف كل لاحوال يحرقولك راسك زعفانين يكسرولك راسك بل بكا فرحانين يكسرولك راسك بل هدرة كيفاه نديرو باه يهنونا ما علاباليش هههههه بصح حنا نحبوهم ومانقدروش نعيشو بلا بيهم😘😍
أنت تقرأ
احببت من قالو عنه شيطان (بالهجة جزائرية)😍😘
Romanceيقولون ان الحياة هي ما يحدث لكم في الوقت الذي تضعون فيه الخطط يعني نظن اننا نخطط كل شئ و لكن القدر يلعب لعبته كما يرغب و نجد انفسنا في مكان لا نعرفه ابدا مثلا احيانا تاخذنا الحياة و ترمي بنا في قاع بئر و من ثم ترفعنا و فجأة فوق الغيوم لهذا سبب يجب ا...
