شـــــلة بنــــاات الشـــــرقيــــة

8

ليان : لا والله مو عشان كذا والله هذا الصدق .. شوفي اذا تبين اخطبي له هديل لكن ما اضمن لك اياها لأنها عندها عم اللي هو ابو شهد و احنا من عاداتنا البنت لولد عمها فما ادري ..

ام ليان : طيب احنا بنجرب بنخطبها و بنشوف .. و ش رايك يا نواف ؟

نواف : الله يقدم اللي فيه الخير ..

------------------------------------------------------------------------

" في المدرسة كانت المعلمة تشرح و إلهام أبدا ما كانت معها لدرجة ان المعلمة نادتها و هي ما سمعت .. و بعدها طلعوا عالفسحة "

ليان : لهو وش فيك اليوم ما كنتي مركزه ابد ؟

إلهام : ما ادري اش اقولك أنا كلمت ابوي امس و قلت له اني ابي اروح لكندا بس مو أكيد قلت له ان وحده من خوياتي عندها اخت و عزمتني حبيت اني اروح معها ..

ليان : هاا .. وش قال رفض ؟ هذا اللي تفكرين فيه ؟

إلهام : لاااااااااااا .. الله لا يقولها و يرفض لا هو وافق على طول و قال ما في أي مشكلة بس كنت قاعده افكر باللحظة اللي بشوفه فيها و اش راح اقولها من امس وانا افكر .. تصدقين حتى اني مواصلة ما نمت ..

ليان : إلهام حبيبتي ترى بقى للإختبارات النهائية اسبوعين و هي اللي بتحدد مستقبلنا تكفين طلبتك ركزي بهالفترة شوي هذي فترة مراجعات و هي مهمة كثير و لا تنسين لسا عندنا القدرات و التحصيلي انسي سالفة إبراهيم هذي شوي ..

إلهام : ما اقول غير .....

ألهانـي عـــن حبــــك دنيـــاي و زمــــانــي

يــالغـالـــي ترانــــي مـــا غيــــرك حبيــــت

دوم الحــــزن ساكنـــي مــدري اش بلانـــي

بغيبتك يا عمري نسـيت الدنيــا و سـهيـــت

ابيـــك ترجـــع لـــي ابيــك بـس عـــشــانـي

و إن كنت ادري انك مـا تبينــي ولو رضيت

حبيتـــك مـــو بــإيدي لا تـعذبنـــي كفـانـــي

انـا مـــا اشكــي الحــال غير لنفسي شكيـت

وأدري انــك مــا تـذكرني عشــان تنسانــي

مــا الومــك لــي صــديت عنــي او اجفيــت

مــا عمـــرك حبيتني يــوم و لا رح تهوانـي

ادري والله لا تــقـــول لـي اشلـــون دريـــت

انــا اللــي تمــنـيـــت اشــوفــك لــو ثوانــي

انــا اللــي عشـت لاجــل حبـك و مــا نسيـت

حظـــي الــعاثــر بطريــقـــك انــت رمــانــي