Imperfectly Perfect

Chapter 18

"Why don't you transfer to my room, Alana? Two beds naman iyon." Untag ni Caevhen sa kanya habang naglalakad sila papasok ng hotel.

"Hmmm. Regarding that, Caevhen, hindi ko magagawa iyon. I promised Rio na magiging PA niya ako hanggang sa may mahanap na siyang kapalit ko." Which is hindi totoo. Walang napag usapang ganoon ang dalawa. "Ginagawa ko rin naman iyon sa pagtanaw ng utang na loob sa kanya sa mga nagawa niyang kabutihan para sa akin. Lalo na sa pagtulong sa akin na makalayo sa bahay ni Mr. Stermon at makatakas sa mga humahabol na goons sa akin."

Napatigil sa paglalakad si Caevhen, sandaling nag isip at hinarap si Alana. "Just make sure na iyon lang ang reason mo for staying with him. Maybe its much better kung sasama ka na sa akin pabalik ng Manila. Haharapin natin iyong sindikatong sinasabi mo."

"No!" Walang kagatol-gatol na sagot ni Alana dito. "I mean hindi pa ngayon, Vhen. Hindi ko pa alam ang totoong identity ni Mr. Stermon. Hindi pwedeng basta-basta na lamang akong babalik ng Manila. Kailangang malaman ko muna ang tunay na pagkatao niyong si Mr. Stermon at saka ako babalik ng Manila para maipakulong na siya. I hope you understand. Hindi ko pwedeng irisk ang buhay ko ng ganoon-ganoon nalang. Hindi ko pa kilala kung sino ang kalaban ko."

Napabuntong-hininga ito. "Hmmm. Sige. For the meantime dumito muna tayo. Pero bukas na bukas din ay tatawagan ko ang contacts ko na maaaring makatulong sa atin para malaman na natin kung sino ba iyong Mr. Stermon na iyon."

"Thank you, Vhen. Tatanawin kong malaking utang na loob sa'yo kapag naipakulong ko na ang hayop na iyon."

"Welcome. Tara na at lalamig ang pagkain." Nakangiting baling nito sa kanya.

***
Akala ni Alana ay isang simpleng dinner lang ang inihanda ni Caevhen para sa kanya. Pero pagpasok nila sa kwarto nito ay bumungad sa kanya ang mga rose petals na nasa sahig at ang malamyos na tugtog mula sa isang stereo. Ang medyo madilim na kwarto na ang tanging maliwanag na bahagi lang ay ang lamesang may mga pagkain na naiilawan ng tatlong malalaking kandila.

"Wow. Dinner by candle-light ha?" Puna niya. Ngumiti lamang ito sa kanya at inakay na siya papunta sa lamesa at ipinaghila ng upuan.

"I want this night to be special for the both of us." Nangunot ang noo niya sa sinabi nito pero ipinagwalang bahala din niya at naupo na lamang. Marahil ay namiss lang siya nito dahil ilang linggo rin silang hindi nagkita.

They silently ate at ng matapos ay saka pa lamang ito nagsalita.

"You want some dessert, Hon?" Nakangiting tanong nito.

"Hmmm. Meron ba?"

"I brought us some cake. 'Iyong favorite mong carrot cake." Actually black forest ang favorite ni Alana pero iniinsist nitong si Caevhen na iyon ang mas makakabuti sa health niya. Palagi siya nitong dinadalhan at kinakain nalang niya para hindi ito magtampo. Kapag tinatanong siya nito kung nagugustuhan niya ay omoo nalang din siya.

Kinain nalang niya para wala ng gulo. Pero nagulat siya ng makagat ang isang matigas na bagay. Inilagay niya ito sa tissue at nilinis para lang matigilan. Isang 24-carat diamond ring ang nasa tissue.

Kaagad itong kinuha ni Caevhen at nilinis ng mabuti bago lumuhod sa harapan niya.

Nanlaki ang mga mata ni Alana at hindi malaman ang gagawin. Alam niya ang ibig sabihin nito.

"Alana, alam kong hindi pa tayo matagal. Halos 6 months palang tayong magkakilala at tatlong buwan bilang magkasintahan. But I know and i'm sure na ikaw na ang babaeng nais kong iharap sa dambana. I imagine the future with us together. Please spend your whole life with me. Build a family with me, Alana. Please marry me."