حب ولامبالاه

البارت 6

ظلت صبا على حالها فتره ثم قررت الذهاب الى الحفله

ذهبت صبا الى غرفة سيف وطرقت على الباب

سيف:ادخل

صبا: سيف حبيبى

سيف:اسلوب التلزيق ده فى بعده طلب. قولى يا اخرة صبرى

صبا: تعالى معايا الحفلة اللى فى النادى مش عايزه اروح لوحدى

سيف:حفله فى النادى يعنى اكيد باسل رايح

صبا:مش عايزه اروح مع باسل

سيف:ايه اللى حصل اتخنقتم ولا ايه

( سيف يعرف كل حاجه عن علاقة باسل وصبا . سيف وصبا مقربين جدا وصبا

مش بتخبى عنه حاجه، وكمان باسل ابن عمه قاله ، وسيف كان متأكد ان باسل

هيخاف على صبا ولا يمكن يزعلها بس ماكانش متأكد من انه بيعشقها بسبب

موضوع هنعرفه بعدين، اصلا سيف وباسل صحاب )

صبا:لا ماحصلش حاجه

سيف:ماهو باين عليكى ، على العموم اوك هروح معاكى روحى اجهزى يلا

احتضنت صبا سيف

صبا:انت احسن اخ فى الدنيا ،ثوانى وهكون جاهزه، ابقى قول لماما

وذهبت صبا الى غرفتها

*****************
ذهب سيف الى امه

سيف:ماما يا سوسو ياعسل انت

سعاد: تعالى ياسيف كنت عايزاك فى موضوع

سيف:قولى ياسوسو

سعاد: شوفت رانيا بنت خالك احلوت ازاى

سيف: ماما رانيا دى انا اخر مره شوفتها كان عندها 14 يعنى من 10 سنين

وبعدين ياسوسو قلتلك شيلى الموضوع ده من دماغك

سعاد: لحد امته يابنى بس

سيف: لحد اما ربنا يأذن ، وبعد انا هاخد صبا وهنروح النادى

سعاد: انت وصبا دى هتموتونى ناقصه عمر

سيف: ده انتى حبيبتى ياسوسو

سعاد: كل بعقلى حلاوه ياواد

سيف: انا هطلع علشان الحق البس

************

صعد سيف الى غرفته وارتدى ملابسه ونزل الى الأسفل وجد صبا بإنتظاره

سيف: سبحان الله اول مره تخلصى قبلى

صبا:يابنى انا طول عمرى نشيطه

سيف: هتغاضى عن الكدب ده، بس ايه النضافه دى

( فقد كانت صبا ترتدى فستان من لونها المفضل اسود من الدانتيل يصل الى

ماقبل الركبه. وتركت العنان لشعرها الأسود الغجرى الحريرى ولم تضع مكياج

فقط بعض الكحل الذى اضاف لعينيها سحر خاص )

صبا: طول عمرى نضيفه

سيف: طب يلا بينا ياختى

وذهب كل من سيف وصبا الى الحفله

**********************
فى منزل آل الشاذلى

تأنق عمر من اجل الذهاب الى الحفله ونزل الى الأسفل

عمر: يازوزو انا رايح النادى

عزيزه: بس ايه ده طقم شيك وبرفيوم يجنن

عمر: ايه يا زوزو انتى هتغيرى ولا ايه . ده انتى اللى فى الحته الشمال

عزيزه: مش ناوى تجبلى جاره فى الحته الشمال

عمر: مش انتى يازوزو اللى زعلتى من البنات اللى انا اعرفهم

عزيزه: انا عاوزه واحده تتجوزها مش اللى بتبدلهم زى الشربات

عمر: ان شاء الله يازوزو انا ماشى سلام

عزيزه:سلام

وذهب عمر الى الحفله

**********************

وصل سيف وصبا الى هناك وجلسوا وبعد فتره قليله وصل عمر

عمر: اهلا ازيك ياسيف

سيف: البشمهندس بنفسه علشان كده الحفله منوره انت ايه اخبارك

عمر: تمام.

نظر عمر الى صبا ولم يعرف ماالذى اصابه . تلك العيون ماذا تفعل فيه لقد

سحروه من النظره الأولى . عيناها خلقا للشعر

حديثك سجاده فارسيه

عيناك عصفورتان دمشقيتان

تطيران بين الجدار وبين الجدار

وقلبى يسافر مثل الحمامه فوق مياهة يديك

ويأخد قيلوله تحت ظل السوار

( نزار قبانى)

افاق من شردوه على صوت سيف

سيف: ايه ياعم عمر انت روحت فين

عمر: انا هنا اهو ، ازيك ياصبا

صبا: تمام

سيف: قوموا الأغنيه دى انا بحبها يلا نرقص

وقاموا جميعا للرقص

وبعد فترة تحولت الموسيقى الى موسيقى هادئه ووجدت صبا نفسها بين

ذراعى عمر

صبا: ايه اللى انت عملته ده

عمر: قالها ايه هنرقص بحبها انا الأغنيه دى

صبا: انت اصلا عارف اسمها ايه الأغنيه اللى شغاله دى

عمر: لا ، اصل انا لسه حببها دلوقتى

ضحك كل من صبا وعمر وضحكه عمر اظهرت غمازاتيه اللذان اذابا قلب صبا

صبا( تحدث نفسها): ياالهى ان ضحكته جميله للغايه ولكنها افاقت من شرودها

على صوته

عمر: الأغنيه خلصت ايه عايزه تكملى

ابتعدت صبا عنه وقالت له: لا طبعا وعادت وجلست مكانها

*****************