حب ولامبالاه

البارت 1

شعاع بسيط من الضوء يتسلل إلى عيناها السوداء وبدأت تفتح عيناها ببطء

داده امينه: صبا حبيبتى قومى يلا هتتأخرى على الجامعه

صبا: يا داده سيبينى شويه

امينه: قومى بلاش كسل وانا هعملك نسكافيه يفوقك

صبا: حاضر هقوم اهو ، صباح الخير  يا داده

امينه:صباح النور على احلى عيون

وخرجت امينه من الغرفه

واخذت صبا تتملل فى فراشها ثم قامت و ذهبت إلى الحمام
                                                         ...................................
و على الجانب الأخر

عزيزه:عمر ياعمر قوم ياحبيبى هتتأخر وانت باليل قولتلى انك عندك اجتماع

بدرى قوم يلا علشان ماتتأخرش

عمر: فى ايه يازوزو على الصبح كده مش كنت فضلت فى كندا احسن

الإجتماعات كانت بتدأ من 12 مش بدرى اوى كده

عزيزه: قوم وخلص وبطل زوزو دى ماشى

عمر:ايه يازوزو مش البت بتاعتى ومن حقى ادلعك

عزيزه: قوم بقى واتلم . صباح الخير

عمر: صباح العسل ياماما يا احلى زوزو فى الدنيا

حاضر اهو هقوم

وقام من فراشه وذهب ليغتسل
                                   ......................................
وبعد فتره نزل عمر إلى الأسفل والقى التحيه على والده

عمر :صباح الخير يا بابا

صلاح : صباح النور ياعمر

احنا معزومين النهارده عند عمك هادى انت ماشوفتهوش بقالك كتير علشان كنا

مسافرين واحنا رجعنا وانت فضلت هناك فى كندا علشان تخلص دراستك وهو

عزمنا النهارده علشان يشوفك ويرحب بيك

عمر : ما تشوف اى حجه يابابا انا الصراحه ماليش مزاج اروح فى اى حته

صلاح: انت هتستعبط يا عمر الراجل عزمنا علشانك نروح من غيرك ازاى

هتيجى يعنى هتيجى مش عايز اسمع كلام فى الموضوع ده تانى

عمر: فى ايه يا عم صلاح ما تصلى على النبى كده واهدى هحضر الإجتماع

وهروح معاكم
صلاح: وانا هخلص فطار وهحصلك على الشركه

عزيزه: انت ما فطرتش ياعمر

عمر:  هاكل فى الشركه يا ماما سلام

عزيزه: سلام ياحبيبى
                                               ......................................................
وعوده مره اخرى الى صبا

انتهت صبا من ارتداء ملابسها واستعدت للذهاب الى جامعتها

سعاد: صباح الخير ياصبا تعالى افطرى

صبا:صباح الخير يا ماما انا هاكل فى الجامعه

سعاد:صبا ماتتأخريش عندنا ضيوف النهارده

صبا:ضيوف مين يا ماما

سعاد: عمك صلاح ومراته وابنهم

صبا: ابنهم !
سعاد : عمر. كان عايش فى كندا بيدرس ولسه راجع مش فاكراه

صبا: لا مش فاكراه

سعاد: المهم ما تتأخريش فاهمه

صبا: فاهمه ياماما باى

سعاد:باى
                                                .....................................
خرجت صبا وركبت سيارتها وفى طريقها للجامعه اصطدمت بسياره

نزلت صبا من السياره وهى غاضبه من ذلك الغبى

صبا:انت مجنون انت كنت هتموتنى

اعجب عمر بتلك العيون السوداء التى سحرته من اول نظره دون ان ينتبه إلى صراخها
صبا:انت حمار مش شايف قدامك

عاد عمر الى الواقع وانتبه الى اهانتها له

عمر:انتى بتشتمى مين

صبا: وهو فى غيرك

عمر:اتلمى يابت انتى انا مش راضى اغلط علشان انتى بنت بس واسكتى بدل ما امد ايدى عليكى

صبا: وهو انت تقدر انك تعملها انا هعرفك مقامك

وبدون ان تنتبه الى نفسها وجدت يديها استقرت على خده

عمر قد احمرت عينه من شده الغضب

وصبا لم تستوعب ما فعلته

وركبت سيارتها وانطلقت فى طريقها

عمر اخد يتوعد لها على هذه الصفعه

وكان قد اخذ نمرة سيارتها

وركب سيارته وانطلق إلى الشركه حتى لا يتأخر على الإجتماع

اما صبا فهى الى الان لم تستوعب ما فعلته هل صفعته حقا؟