"It's fine if it's painful...
No Matter how much it hurts inside...
Whether it's pain
Or love
They're all part of my dream"
-Mitsuki, Full moon wo sagashite
"John, ito si Yumi, kilala mo na ba siya?" tanong ng director.
Tumango lamang ng bahagya si John.
"A miss Yu..." Tumingin sa akin ang director "Si John Oriel nga pala ang makakasama mo sa commercial natin."
BLANKO...
Bigla akong hindi makapagsalita.
Talaga bang nasa harapan ko si John Oriel?
"Miss Yumi?"
"Ah... opo, kilala ko siya!" sagot ko,
Doon na ko parang natauhan. Ngumiti ako sabay bow sa harapan ni John Oriel.
Inasahan ko na ngingiti rin siya, pero hindi...
Tumingin siya sa akin na parang nangmamata, yung tipong pinipilit lang ngumiti.
Grrrr. Dito ko napapatunayan kung gaano kasama ang ugali ng lalaking ito sa totoong buhay.
Hindi siya ang idol na dapat hangaan.
Siguro hanggang ngayon ang tingin niya sa akin ay isa pa ring caterpillar na nasa cocoon.
Five, four, three, two... ACTION!
Nang magsimula ang shooting ay tsaka ko lang nakita ang totoong ngiti ni Oriel. Talaga nga naman, ang galing niyang artista-sa harap ng kamera nagagawa niyang ipakita na masayahin siya, -- na mabait siya... kahit hindi!
"Para sayo..." sabi ni John (Bahagi ito ng shooting, ang senaryo bibigyan niya ko ng chocolate)
Alam kong shooting lang, pero nang mga oras na yon habang nakikita ko siyang nakangiti, naaalala ko si Mechaman... talagang magkamukha sila...
Teka, ano bang sinasabi ko, syempre magkamukha sila dahil iisang tao lang sila, pero hindi ko dapat kalimutan na si Mechaman ay isa lamang fictional character!
*
"Yaahh!" bulalas ni Kirari pagkatapos ng shooting "Proud na proud talaga ako sayo, Yumi! Bukod sa ang cute cute mo sa screen ang swerte mo dahil nakasama mo ang sikat na sikat na si John Oriel."
Nagsalubong ang kilay ko... hindi kasi ako sang ayon sa huling sinabi niya, pero hindi ko na siya pinansin, inayos ko na lang ang mga gamit ko.
"Yu... Yu..." parang natitigilang sabi ni Kirari na may kasamang pagkalabit.
"Puwede ba Kirari wag mo nga akong kalabitin," saway ko, sabay lingon sa kanya.
"Tingnan mo sa likod mo..." senyas niya.
Paglingon ko...
"Ah!"
Papalapit si John Oriel.
DOKI DOKI DOKI DOKI
Teka bakit bigla akong kinabahan?
"Hi Oriel!" bati agad ni Kirari.
"Hi!" sagot nito.
Doon lang, halos lumuha na sa kilig ang mga mata ni Kirari.
"Ikaw si Kirari, hindi ba?" tanong ni John Oriel.
"Oo ako nga, ang galing naman, kilala mo pala ko," mabils niyang sagot.
Ngumiti si Oriel "Narinig ko kasi na ikaw ang manager ni miss Yumi," Tumingin siya sa akin.
