القاسي العنيد

البارت 1

البارت الاول
في احدي اكبر قاعات الافراح يجلس آسر الجارحي ( من اكبر رجال الاعمال يدير مجموعة شركات الجارحي بعد مرض والدة ) وتجلس بجانبه ابنه عمه سارة الجارحى ويبدو عليها السعادة .........يمر الحفل سريعا بين تهنئة المدعوين ورقص (سلو) الي ان انتهي العرس وصعد العروسين إلي الجناج الخاص بهم فتح آسر الباب واشار لها بالدخول

آسر : ممكن نتكلم شوية
سارة بخجل واضح : اكيد
آسر : بصي يا سارة بصراحة كدة انا مكنتش عاوز اتجوز ولا كنت بفكر في الزواج اصلا
سارة بصدمة : ااية
آسر : هى دى الحقيقة بابا اصر اني اتجوزك وبسبب حالتة الصحية مقدرتش ارفض ولحد دلوقتى انا رافض فكرة الجواز
سارة بدموع : يعني انت مش بتحبني
آسر بسخرية : مفيش حاجة اسمها حب وانا مبحبش حد
لم تتحمل ساره اكثر وركضت الي غرفتها وظلت تبكي بحرقة وتتذكر اول مرة تري آسر عندما احضرها عمها لتعيش معهم بعد وفاة والديها في حادث
فلاش باااك
يدخل عز الدين الفيلا وهو يحمل فتاه جميلة لم تتجاوز الرابعة من العمر
مرفت : مين دى يا عز
عزالدين بدموع : دى سارة بنت اخويا احمد
مرفت بفرحة : اية دة هما احمد ونور رجعة من السفر
( نور تبقى ام سارة وصحبة مرفت جدا )
عزالدين بحزن ودموع : اه بس
مرفت بخوف : بس اية
عزالدين بحسرة ودموع : عاملوا حدثة وهما رجعين وتوفوا مش قاعد غير سارة
مرفت بحزن وبكاء : ان لله وان اليه راجعون لا حول ولا قوة إلا بالله وبحسرة ...الله يرحمك يا نور كنتي نعم الصديقة وظلت تبكي بحرقة على صديقتها
عزالدين :كفاية يا مرفت ادعيلها احنا دلوقت لازم نربي سارة زى ما كان نفسهم يربوها
مرفت وهى تمسح دموعها : معاك حق ثم تنظر لسارة : تعالي يا حببيتى انتي من دلوقت بنتي اللى كان نفسي فيها
عزالدين بشبح ابتسامة : ايوة كدة لازم نكون اقوي ثم امسك بيد سارة وهو ينادي على آسر وياسين آتي ياسين واقترب وهو ينظر لسارة
ياسين : مين دي
عزالدين : دي بنت عمك وهتعيش معانا هنا
ياسين بفرحة : بجد ثم امسك بيد سارة وهو يقول
ياسين : انا ياسين
سارة : وانا سالة ضحك ياسين عليها
ياسين : انا هروح انادي آسر ييجى يشوفك وذهب بسرعة
جاء آسر ونظر لها بغضب عندما وجد والدته تلعب معاها وهو يغار على والدتة بشدة .

يا ترى آسر هيعمل اية؟ ؟؟؟؟
وحياه آسر وسارة هتبقى ازاي؟ ؟؟؟
واية اللى خلي آسر كدة ؟؟؟؟؟؟