في ڤيلة ابو ثامر
في الصاله
كانت فاطمة طالعه من جناحهم و بتنزل تحت فرحااانه و تبي تخبر زوجها و اهله بس لما وصلت لقريب نهاية الدرج وقفت
ام ثامر:ثاامر لمتى بتبقى مخبي ع فاطمة من زواجك عليها خلاص ياولدي قول لها و جيب زوجتك الثانيه تسكن هنا ها ماحملت زوجتك الثاانيه
ثامر:لاا
ام ثامر:يلا اذا قلت لفاطمة عن زواجك عليها و جبت زوجتك الثانيه هنا بتحمل
ثامر:يمه ابي اعرف ليه زوجتيني ثانيه
ام ثامر:لاني ابي اشووف عياالك و فاطمة صار لك سنتين متزوجها وماحملت يمكن ماتجيب عياال و انا ابي اشوف عيالك عشان كذا زوجتك
ثامر:واذا فاطمة حملت قبل ما اقول لها عن زواجي عليها بطلق هذيك لاني مو طايق نفسي يمه احس اني اخوون فاطمة لما اكون مع مرام اتذكر ان فاطمة ماتدري و اقووم من عندها و اطلع من الشقة
فاطمة من سمعت الكلام نزلت دموعها و حرقت خدها و ركبت فوق و كان صوت الكعب طالع بقووه من ضربها للدرج و انتبهوا لها ثامر وامه و ثاامر قام ولحقها دخلت فاطمة الجناح و دخلت غرفتهم و طلعت شنطتها الكبيره و فتحت الدولاب و اهي تبكي و ترمي ملابسها بقوه في الشنطه
دخل ثامر
ثامر:فاااطمةة فااطمةة
فاطمة:......
ثامر راح و مسك يدها:فاطمة اسمعيني
فاطمة سحبت يدها منه :وخر عني "ومشت للسرير بس وقفها ثامر مسكها من زندها"
ثامر:طب اسمعيني
فاطمة ببكى:انت الي اسمعني"ومسكت يده و حطتها ع بطنها"اذا طلقتني البيبي الي هنا ماراح اقوول له انك ابووه و لاتحلم انك تشووفه او تشووفني
ثامر:انتي حامل
فاطمة:اي حامل و نازله اخبرك انت وامك و اسمع انك متزوج علي و الحين ياتطلقني او تطلقها اصلاً حتى لو طلقتها بكوون مجافيتك ولا اكلمك تعرف ليش"و حطت يدها ع قلبها واهي تبكي"لان ذا عاافك تعرف لو وحده مكاني كاان راحت لاهلها ولا عبرتك بس انا ببقى هنا اذا طلقتها عشاان مابي ولدي يتربى بدوون اب و مابي اترك ريم و نوره لانهم بيحزنو و بيعاتبونك و بيكونو زعلانين منك بس اذا بتطلقني ماراح تشووف ولدي ابد حتى مابخليه يحمل اسمك و الحين ذا انت عرفت اني حامل و الحين سمعت الي عندي رووح لحبيبة قلبك مرام زوجتك الثانيه "وكانت بتمشي بس ثامر مسكها و حضنها"
ثامر:مافي غيرك حبيبة قلبي
فاطمة بعدت عنه وبسخريه:اي واضح
ثامر:انا بطلق مرام
فاطمة:طلقها بس انا ببقى مجافيتك و عايفتك و الحين اتركني احط ثياابي وانقلهم للغرفة الثانيه"ومشت بتروح لجهة الدولاب بس ثامر مسكها من زندها"
ثامر:ليه
فاطمة:مابي انااام معك ع سرير كفااية اني مخدوعه فيك يالخاااين"وفكت يدها منه"
ثامر كان بينزل تحت بس شاف امه عند الدرج
ام ثامر:شصار
ثامر:يمه فاطمة حامل
ام ثامر:وانت تصدقها يمكن قالت كذا عشان تطلق مرام
فاطمة بثقة:اذا انتي ياعمتي مو مصدقه نروح المستشفى و تتأكدي بنفسك
ام ثامر:وانتي كيف عرفتي انك حامل
فاطمة:لما طلعت مع ريم و نوره اليووم و رحنا الموول و احنا راجعين بالسياره دخت عليهم و اغمى علي ورحنا المستشفى وقالت بسبب الحمل و قالت ان الدوخه بتج........ "ماكملت كلامها لان رجلها انزلقت من الدرج و طاحت من فوق الدرج لتحت"
ثامر:فاااطمةة"وركض نزل لها وحملها بين يدينه و كان تحتها شوية دم"
ام ثاامر:هـــئ فيهاا نزيف لايكوون الجنين طااح
ثاامر:يمممه جيبي عباااتها بسسرعهه
جابت ام ثامر عباية فاطمة بسرعه و طلعو للسياره و راحو للمستشفى
YOU ARE READING
ابيك فوق الكـون ابيك تحــبني وبجـنون ...!ابي حــب لاسمعته ولا شافتـه عــيون
Romanceرواية مكتمله بقلمي
