يوم تاني من ايام ربنا.....زعيق و صريخ...ماما...و بابا طبعا زي كل يوم بابا يرجع سكران و ماما تبتدي تزعق لغاية الصبح و انا بقفل باب اوضتي عشان احاول ابعد الاصوات ديه عني شوية و بلبس هدومي و اروح المدرسه...هو في ايه تاني اعمله؟ ولا حاجه صحيت الساعه 6 الصبح ده كان اول يوم ليا في الجامعه صحيت على صوت ماما و بابا بيزعقوا فضلت باصه في الصقف لمدة خمس دقايق و بعدين قومت من السرير و دخلت الحمام غسلت وشي و سناني و بعدين اخدت شاور خرجت من الحمام و وقفت قدام الدولاب اخدت فستان رمادي و عليه ورد ابيض
لبست هدومي و بعدين قعدت قدام المرايا عشان احط ميك اب حطيت ماسكارا و خط رفيع من كحلي الاسود و روج خفيف و كده خلصت
اخدت شنطتي و نزلت و بابا مكنش في البيت زي العاده...دخلت المطبخ لقيت ماما قاعده على الكرسي و حاطه ايدها على دماغها قولتلها صباح الخير بصتلي و عينها كانت حمرا اووي...كانت بتعيط "ماما انا..انا.." بدأت اتكلم و هي قاطعتني "امشي" كان باين من صوتها انها كانت بتعيط بصيتلها بحزن رغم كل حاجه فا هي في الاخر امي
اخدت مفاتيحي و شنطتي و روحت الجامعه مشي عشان انا لسه مجبتش عربيه بس بحلم اني اجيبها كنت بفكر و انا ماشيه في الجامعه و ياترى هيبقى شكلها عامل ازاي ديه كانت اول سنة ليا و انا مكنتش خايفه بس كنت تعبانه انا معرفش اي حد في الجامعه بس اتمنى ان يبقى ليا اصحاب انا نوعا ما مش البنت الاجتماعيه بس هحاول....
و اخيرا وصلت الجامعه كانت بجد كبيرة كنت واقفه ببص على المبنى الكبير و كان في حد بيجري على ما اعتقد و خبطني مش عارفه هو ولا هي بس على العموم هو او هي مكنوش يقصدوا "اسفه انا مقصدتش اني اخبط انا كنت بجري و...." ديه بنت هي اللي كانت بتجري و كانت بتاخد نفسها بصعوبه و هي بتتكلم بس انا قاطعتها "ولا يهمك بجد اهدي...في ايه؟" سألتها بصوت واطي و انا بحاول اهديها "انا كنت بجري عشان كنت فاكره اني اتأخرت" البنت ديه جميله جدا كانت عامله شوية تاتوهات مش كتيرة اوي بس رقيقه و كانت لابسه بنطلون اسود مع تيشرت ازرق في ابيض "انا تيلا...اسمك ايه؟" سألتها و كنا لسه واقفين قدام المبنى "انا بيري...بيري ادوارد" قالت و هي مبتسمه "يلا ندخل" قالت و مسكت ايدي عشان ندخل
دخلت انا و بيري و كانت الجامعه كبيرة اووووي انا بجد فخورة بنفسي اني هنا "انا هشرحلك شوية حاجات عن الجامعه" قالتلي بيري هي نوعا ما غريبه بس في نفس الوقت مضحكه اعتقد ان هيبقى ليا مستقبل معاها
-------------------------------------
طيب انا و رنا صحبتي قررنا اننا ننزل "The One That Got Away" بالعربي و لاانجليش دي كانت مجرد فكرة و عجبتنا ولو عجبكوا البارت دة ظبتونا .. ظبتونا ؟؟ ظبتونا خلاص ؟؟ مساء الفل
YOU ARE READING
The One That Got Away (Arabic Version)
Fanfiction"The One That Got Away" الكاتبين: رنا محمد- رنا حازم ديه قصه هتشوف فيها ايه اللي هيحصل لتيلا لما تقابل هاري في الجامعه و ازاي هيغير حياتها او هي هتغير حياته اقروا قصتنا عشان تعرفوا اللي هيحصل اكتبوا رأيكم في كومنت و اعملوا فوت
