ကျနော်ကိုယ်ကျနော်လည်းသိတယ်။ မနေ့ကတစ်နေ့လုံးပင်ပန်းထားတဲ့အရှိန်ကြောင့် အားမရှိတော့ဘူးဆိုတာကို။
အနီးအနားမှာရှိတဲ့ဆိုင်မှာ ရေတစ်ဗူးဝယ်လိုက်ပြီးတော့တစ်ငုံ၂ငုံမော့သောက်လိုက်တယ်
ရေဗူးဖွင့်တဲ့လက်တွေတောင်တုန်နေတာကိုသတိထားမိလိုက်တဲ့အချိန်မှာမှ ကျနော်ဘယ်လောက်ထိအားနည်းနေလည်းဆိုတာကိုရိပ်မိတယ်။
ပထမတော့ စိတ်စောနေလို့ကိစ္စမရှိပါဘူးလို့တွေးခဲ့ပေမယ့် အခုတော့လက်တွေတုန်ပြီး ခေါင်းတွေတောင်ကိုက်နေပြီ။
တစ်သက်နဲ့တစ်ကိုယ် ဘယ်တော့ကမှဒီလောင်ထိရင်မခုန်ဖူးတဲ့ကျနော်ဟာ အခုတော့ရင်ခုန်တတ်ပြီလားလို့တောင်ကိုယ့်ဘာသာ ပြန်မေးမိတယ်။ ရင်တွေခုန်ပြီးလက်ထဲကရေဗူးကိုဘယ်နှစ်ခါသောက်လို့သောက်မိမှန်းမသိဘူး။ ထပ်မော့သောက်လို့မှ ရေပါးစပ်ထဲမဝင်တော့မှပဲရေဗူးထဲကရေကုန်သွားပြီဆိုတာသိလိုက်ရတယ်။
ဟိုနားရပ်ရပ် ဒီနားရပ်ရပ်နဲ့ထိန်းလို့မရအောင်ခုန်နေတဲ့ရင်ဘတ်ကိုမနိုင်နိုင်ဖိရင်းစောင့်နေရာကနေ အလိုလို ၉နာရီထိုးသွားတယ်။ ၉နာရီထိုးသွားတာနဲ့ အပေါက်ဝမှာစောင့်နေကြတဲ့ fan တွေအကုန်လုံးကိုဝင်ခွင့်ပေးလိုက်တယ်။
သိပ်မကြာခင်အချိန်လေးမှာ Taeyongနဲ့တွေ့ရတော့မယ်ဆိုတဲ့အသိစိတ်လေးသာ ကျနော့်မှာမရှိခဲ့ရင် အဲ့နေရာမှာတင်ကျနော်မေ့လဲသွားမယ်ဆိုတာသေချာတယ်။ ဘာလို့လဲဆိုတော့ကျနော်အရမ်းပင်ပန်းပြီးအားနည်းနေပြီလေ ။ အရေအတွက်ကန့်သတ်ထားတာတောင်မှပဲအတော်များတဲ့ fan တွေရဲ့လက်ထဲမှာ album တွေရော လက်ဆောင်တွေရော ကိုယ်စီနဲ့ပေါ့လေ။
ကျနော့်လည်း album နဲ့ဝက်ဝံရုပ်လေးကိုတင်းတင်းကိုင်ရင်းနဲ့မျှော်ကြည့်ရင်တောင်အဆုံးမရှိတဲ့ လူတန်းရှည်ကြီးရဲ့ ၃ပုံ ၂ပုံလောက်မှာတန်းစီနေလိုက်တယ်။ တန်းစီနေတဲ့ခြေထောက်တွေတောင် မြေပြင်နဲ့ထိနေရဲ့လားလို့တောင် မသင်္ကာလို့ပြန်ပြန်ကြည့်ရလောက်အောင်ကို အသိစိတ်လွတ်နေခဲ့ပြီ။ ခေါင်းထဲမှာလည်းအတော်လေးစူးရှပြီးပြင်းထန်တဲ့ခေါင်းကိုက်ဝေဒနာကလည်း နဂိုကတည်းကမှမရှိတဲ့အားအင်ကိုဆုတ်သထက်ဆုတ်အောင်ကူညီပေးနေသလိုလိုပါပဲ
YOU ARE READING
Fan Boy Is Just A Fan Boy
FanfictionThis fic is written in both UNICODE and ZAWGYI versions of Burmese language. Unicode Fan boy တစ်ယောက်ရဲ့ feel နဲ့ကြီးမားတဲ့အချစ်အကြောင်းပုံဖော်ထားတဲ့ Jaeyong fic လေးပါ By Mhuu Zawgyi Fan Boy တေယာက္ရဲ႕ feel နဲ႕ ျကီးမားတဲ့အခ်စ္စစ္အေျကာင္းကိုပုံေဖာ္ထ...
Fan Boy Is Just A Fan Boy Ch-3
Start from the beginning