ليش تزفوني لقبري؟؟

10

ذياب : سعيد نحن بنطول فبريطانيا شو رايك تخلص شغلك وتخاوينا ؟
أم سيف : هيه ياوليدي تعال ويانا .
أم الريم : يالله عاد يا سعيد قول هيه ولا تخلي شي فخاطر عمتيا .
سعيد : إن شاء الله يالوالده أول ما بخلص شغلي بييكم .
أم سيف : الله يرضى عليك يا سعيد .
أم الريم : يالله عيل نجوفك عخير .
سعيد : آميين وانتبهوا ععمركم .
الكل : إن شاء الله .
سعيد : عبود إنتبه ععمرك .
عبيد : أنا طبعا .
عبدالله : لا أنا ........صح سعود ؟؟؟
سعيد ) يظحك : ولا واحد فيكم .
الريم كانت تتقبل تشوفه دقايق وبعدين خاطرها تجتله .
في الدرجه الأولى :
أبو الريم + أبو عبدالله + أبوسيف + عبيد + راشد .
في الدرجه الثانيه :
أم الريم + أم عبدالله وأم أم + الريم + فلاح + عبدالله + أحمد + مانع + نافع + شهاب + ذياب .
في الدرجه الثالثه :
محمد + أسامه + الخدامات الثلاث.
الريم فالطياره كانت ترمس أحمد بالإشارات .
فلاح : ريام.
الريم ) كانت مغمضه عيونها : هلا ياعيون ريام .
عبدالله : اصطلبي .
الريم : كيفي والله حاله .
فلاح : خرام عليج لا ترمسينه جي .
الريم : خله يستاهل .
فلاح ) الله يعينا عليكم .
الريم : فلاح تبا شي فديتك ؟
فلاح : هيه .
الريم : شو تبا ؟
فلاح : يوم بنسير بريطانيا مو تنسيني .
الريم : أنساك ؟؟؟؟؟؟؟؟؟؟؟؟
فلاح : هيه تراهم بيرقدوني فالمستشفى أسبوع .
الريم : لا توصي برقد عندك لين ما تلوع جبدك مني .
فلاح : وبنلعب ورق وبنسهر .
الريم : وبنجلب المستشفى لين نكرههم فالعرب .
فلاح : وبنخبل بالممرضات .
الريم : وما بناكل من أكلهم اللي يلوع الجبد .
فلاح : وبنخلي الخدامه تسوي قهوه عربيه فمطبخهم .
الريم : وو .......................... شو بعد ؟ ( عفست ويها أونها ادور شي تقوله بس موب رايمه .
فلاح + الريم : ههههههههههههههههههههههه.
أم عبدالله : الله لا حرمنا من هالضحكات .
فلاح + الريم : ولا حرمنا منج .
شهاب : يمكن لوتسمحين الكونتيسه ريام والدوق فلاح تكرمونا بسكوتكم .
الريم + فلاح ) طالعوا بعض وابتسموا : هيه عمي عادي .
مرت الساعات ووصلوا بريطانيا .
فيصل : بروك موب جنهم تاخروا ؟
مبارك : ماعرف ...................... ميود هم قالوا الساعه كم بجون ؟
مايد : أظني قالوا الساعه وحده باليل توقيتنا بيوصلون .
فيصل : موب هذاك ريل خالتي أسيل ؟
مبارك : ايواا هذا هو سيف عيل هم وصلوا .
وساروا الشباب صوبهم .
فيصل ................. 25 سنه ................... ولد إخت أسيل وعهود أكبر واحد بين خوانه الخمس .......... ماعنده خوات .......... أبوه مطلق أمه قبل ماتتوفى ................... وهو عايش فبيت أمه وما يعرف عن أبوه شي .
مبارك ..................... أخو أسيل وعهود يعني خال العيال ........ 24 سنه ..................... طيب ................. عايش من حوالي 7 سنسن فبريطانيا ............... قاعد فبريطانيا بعد ما خانته بنت عمه وكره القعده فالكويت .
مايد .................... 22 سنه ............ ولد خال فيصل وعيال حمد وسيف ................ ربشه ........... هاي ثاني سنه له فبريطانيا .
فيصل : هلا والله بهل الإمارات ................. شلونكم ؟
الكل : الحمدالله بخير .
فيصل : شلونج أمايا ؟
أم سيف : الحمدالله يا وليدي بخير ............. عساك طيب ؟
فيصل : الحمدالله كلنا بخير .
وفي الفيلا مالتهم .
الريم ) انسدحت في الصاله ورقدت .
ذياب : سمعت إنه علي هني فلندن.
شهاب : ماعرف صراحه .
ذياب : كل ما ادقله ما ايود وياي الخط وهو من اربع سنين ما يا البلاد .
فيصل : هو أكبر عن عبود بسنه ونص ليش قاعد هنا ؟
ذياب : قاعد هني مع أبوه وأمه لأنه أبوه سفير .
فيصل : كذا يعني .
مايد : لا ادشون الصاله .
ذياب + شهاب : ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مايد : من دون ليش .
أحمد ) نقع من الضحك : والله إنك غبي .
مايد : فعينك الثنتين .
أحمد : ولد العم ترا اللي فالصاله بنت عمتك .
مايد : أها هاي هي الريم شيخة كل الحريم ؟
أحمد : هيه .................. هاي هي .
مايد : ماانتبهت الها يوم كنا فالمطار .
مانع : انتبه تسمعك بتهزبك هزبه محترمه .
مايد : ليييييييييييييش؟؟؟؟؟؟؟؟؟؟
مانع : بتقولك سير جيك على معدل النظر عندك .........أنا النور كله شقا ما جفتني ( وبرطم ) .
مايد : ما عندها واحد اثنين في الوجه بتعطيك .
مانع : بنت أخوي وانا عمها وعيناويه ..............نحن العيناويين ما نلف واندور .
فيصل : بدينا في الخقه .
ذياب : وما بننتهي .
عبدالله ) نازل من فوق وهو حامل أخوه تيم اللي عيونه غاديات شرات الدرهم ما شاء الله ).
أم أم : دادي نذلني ( عبادي نزلني ).
عبدالله : لا يعني لا ( ويضحك ) .
أم أم ) لوى على عبدالله ) : دادي أنا أحبك نذلني .
عبدالله : سوووووووووووووووووووري أنا أحبك أكثر عسب جي ما بنزلك .
أم أم ) جتف إيدينه عبعض : داااااااااااادييييييييييييييييي.
كل اللي قاعدين عطرف الصاله نقعوا ضحك .
عبدالله : أم أم .
أم أم : ثو تبا فكني ؟ ( شو تبا فكني ؟ ) .
عبدالله : منو تحب أكثر أنا ولا فلاح ؟
أم أم : مي نفاع فناح موذود ؟ ( عمي نافع فلاح موجود ؟ ).
نافع : لا حبيبي مش موجود .
أم أم : خناث أنا أحبك بس نا تخبر فناح إني أحبك أكثر أنه لأني قتله إني أحبه أكثر . ( خلاص أنا أحبك أكثر بس لا تخبر فلاح إني أحبك أكثر لأني قتله إني أحبه أكثر .
مايد : لا عبها الحبيب .
أم أم : انحين بتنذلني ولا شو ؟ ( الحين بتنزلني ولا شو ؟ ) .
عبدالله : وين بتسير ؟
أم أم : إند نيامي ......... فكني .
عبدالله ) فديتها والله : إنزين خلاص ,,,,,,,,,,,, وهه نزلناك .
أم أم ) يزاعج : قثيت عنيك بنوح عند ماما بثحيها هي وبابا .
عبدالله : والله إنك تحفه .............. أول شي أوصل فوق بعدين إرمس .
أم أم ) سار عند ريام وقعد فوقها : نياااااااامي ............. حنااااااااتي ................... نوحي .................... قلللللللللللللبي ............... بعد كلللللللللللللللللللي .
( ريامي ..........حياتي ............ روحي ........... قلبي ......... بعد كلي ).
مانع : ويا هاللسان من وين يبتها هالمصطلحات كلها ؟
أم أم ) يسوي حركه يسكت فيها مانع ) : أوث ونا كنمه ... هي يوم تثحيني جي تقول نا تتطنذ ( أوش ولا كلمه ....... هي يوم تصحيني جي تقول لا تطنز ) .
المهم قعدوا الشباب يسولفون لين الساعه أربع وبعدين كل واحد سار يرقد .
شهاب دق تلفونه يعلن وصول مسج .
شهاب : ذياب جوف منو ؟
ذياب قعد يقرى المسج ( هلا والله بهل البلاد ............. ياهلا ومرحبا مليون ولا يسدن بذمتيا ........... حمدالله عالسلامه ..... باجر لا تظهرون من البيت قبل لا أييكم ............. باجر إن شاء الله أجوفكم ............ وسلمولي عالمفعوصه .............. ولدكم : علاو .
ذياب : واخيرا .
شهاب + مانع : شو ؟
ذياب : علاو باجر بيينا .
شهاب : حياه الله البيت بيته .
نافع : أسميها ريام بتتينن .
ذياب : هيه والله من متى تبا تشوفه .
نافع : كم كان عمرها يوم جافته آخر مره ؟
مانع : أظني إحدعش أو اثنعش سنه إذا ما كنت غلطان .
ذياب : وااااااااااايد .
عبدالله : خلونا نسير نرقد باجر بنسير المستشفى .
ذياب : الله يستر .
شهاب : شو بلاك ؟
ذياب: مادري أحس شي بيستوي ؟
شهاب : أ ص أص اقطعها الرمسه .
نافع : إن شاء الله كل خير .
اليوم الثاني .
الريم ) كانت أول وحده قايمه فالبيت لبست تنوره عنابيه وقميص بيج وفلت شعرها وظهرت ............... كانت تغني وهي نازله من الدري .
علي يصفق: ماشاء الله .
الريم : يبست لأنها ماعرفت منو هو وركض عالدري .
علاو ) يضحك : ريام انا علاو .
الريم :احلف .
علاو: والله .
الريم ) نزلت ولوت عليه : فديتك من متى ما شرفت ؟
علاو : مسرع ما خذيتي علي .
الريم :رد عسؤالي ولا تتهرب .
علاو : من أربع سنين .
الريم : المره هاي أنا ييتك .......... المره اليايه لو ماييت بتبرى من أخوتك .
علاو ) يضحك : عكيفج هو ؟
الريم: لو كان موب عكيفي بيكون عكيف منو ؟
علاو : عكيفي .
أحمد ) ظاهر من الحجره : هلا والله .
علاو ) من داخله كان منقهر ............. كيف هي تظهر جدام عيال عمومها وخوالها من دون شيله ؟
علاو : هلا بك زود ........ شحالك الغالي؟
أحمد : الحمدالله بخير .
الريم : أحمد موعدنا متى ؟
أحمد : إنتي وعبدالله قسم الجهاز التنفسي بعد ثلاث ساعات .
الريم : وفلاح؟
أحمد : بعدكم بنص ساعه .
الريم : أوكي ............... عيل أنا بسير أجوف الريوق وبوعي فلاح وبييكم .
عند علي وأحمد .
علي : كيف حالها الحين ؟
أحمد : حالتها مثل ماهي بس السل بدى عندها .
علي : السل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أحمد : هيه .
علي : الله يعينها ........... ماتستاهل............ وعبود كيف حاله ؟
أحمد : عبدالله الله يسامحه وايد هامل عمره وموب مهتم لرمسة حد ............. الله يعين بس .
علي : الله يسامحه وااااااااااااايد عنييييييييييييييييد ............ وفلاح؟
أحمد : والله فلاح كل سنه ايي هني وياخذ علاج بس السنه هاي حالته مول موب عايبتنا .
علاو : أبوي إستغرب ييتوا أول الصيف دومكم تيون آخره .......... بس عسب فلاح ييتوا لا ؟
أحمد : هيه .................. عماتي ورياييلهن مول موب مطمنين .
علي : إن شاء الله ما يكون شي جايد .
أحمد : الله يسمع منك .
أم الريم وعت ونزلت .
علاو وقف يوم جافها .
أم الريم ) يوم جافته دمعت عيونها : هلا والله .
علي ) سارو لوى عليها : ياهييييي حاله ليش هالمناحه ممكن أعرف ؟
أم الريم : شسوي يا علي من متى ماجفتك يايما ؟
علي : وأنا هه عندج وبخليج من كثر ماطفربج تروغيني .
ام الريم : بسك أنا ما صدقت جفتك تقولي بروغك .
وفي المستشفى .
ظهر بو عبدالله من عند الدكتور وسار صوب فلاح ولده ولوى عليه وطاحت دموعه .
الريم ) ياربي عمي يصيح معناته فلاح بلاه شي ......... وقامت بتسير الحمامات بس صوتها وهي تصيح كان عالي .
علي : لحظه أحمد بسير بجوف ريام .
علي سار عندها : ريام .
الريم : ه................... هلا .
علي : شو بلاج ؟
علي : بلاج الغاليه ؟
الريم : علاو ................. ف ........ فلاح .......... الله يخليك سير جوف شو بلاه ؟
سار علي وهو ميت من الروعه .
سار صوب أبو الريم : أبوي ........ شو بلاه فلاح ؟
أبو الريم : خليها على الله يا علي والله يثبته فلقا ربه بعد عمر طويل إن شاء الله .
علي ) مافهم شي بس سار صوب الدكتور وسأله ) .
ظهر علي من عند الدكتور وهو موب عارف شو يقول ؟ شوبيقول للريم؟
سار علي عند ذياب وشهاب ونافع ومانع .
علي : عمي مانع .
مانع : هلا .
علي : عبدالله بعده داخل ويا أبوي ؟
مانع : هيه ..... علاو شو بلاك ؟
علي : ريام موعدها بعد عبدالله صح ؟
مانع : هيه .
علي : ع .............. عم ............ عمي .......... عمي حمد وخالتي عهود يحتايونا .
مانع : علاو بلاك إنت من ييت من عندهم موب رايم تركبلك جمله عبعضها .
علي ) قعد : فلاح ياعمي ما بيتم ويانا .
مانع)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علي : فلاح ما بيعيش نص اللي عاشه ( وطاحت دموعه ) .
نافع : علاو إنت شو تخرف ؟
علي : ما خرف ............... أنا بروحي سرت سألت والدكتور قالي إنه خلاص كل شي باين ....... الفتره الماضيه وايد تدهورت حالته ومستشفيات البلاد مانبهت عهالشي .
مانع : الله يخليك يا علي رمستك اللي مالها داعي وطنازتك الزايده وشغل صادوه خله .
علي : .................................... ( وسار عنهم ).
شهاب + ذياب كانوا مجرد جماهير للحوار اللي دار جدامهم من اشوي .
نافع : مانع.
مانع : ها .
نافع : تعال بنسير عند بو عبدالله .
مانع : يالله .
شهاب : نافع ومانع أبا أقولكم شي .
شهاب ) كان صوته متقطع ودموعه فعيونه : فلاح حالته معروفه من هو عمره عشر سنين ليش الواحد ما يحمد ربه عالنعمه اللي هو فيها ( سكت وترك المجال لدموعه ) ..................... فلاح اللي هو المريض دايما يعرف حالته وتطورات مرضه وما يسوي اللي نحن نسوي ................... دومه مبتسم و يحاول يعيش مثل غيره ........... ما يحرم عمره من شي ................ مايحرم عمره من اللعب ويقول باجر بموت .............. مايحرم عمره من الضحك ويقول شو اللي بقى ................... يحاول يرمي عمره بين ابتسامة أبوه وضحكة أمه ويحاول يعيش بين أحظان يده ويدته ............ ما يحرم عمره من اللعب ويا تيم ولا يبعد عنه عطف الريم كل دقيقه يعيشها وهو ينتظر الدقيقه اللي تيي بعدها موب ينتظر الدقيقه اللي بيروح فيها .
نافع ) ماتحمل رمسة شهاب لأنها قويه بالنسبه للي عايش الوضع وغاص فحظن ذياب اللي حس بعمره بيصيح ) معقوله ولد أخوي يروح من بين إيدي فغمضة عين ..................... معقول ؟؟؟؟؟؟؟ لا ها كله حلم ولا لا هذا كابوس كلنا نعيشه .
صوت هادي غاص فمسامع آذان أعمامه : عمي .
شهاب ) شعر جسمه وقف : هلا .
فلاح : وين ريام ؟
شهاب : ما عرف أكيد ويا علاو ........... أظني ساروا اييبون عصير برتقال حق عبود سحبوا منه دم .
فلاح : عبيد بعده ما يا .
شهاب : ما ظني ايون الحين أكيد تراهم ظهروا قبل اشوي عندي إحساس إنه عبيد بيسير الهايد بارك .
فلاح : بقول لبوي وعمي نسير بعد ............... ليش حضرتهم يسيرون بروحهم ؟
مانع : منو قال بيسيرون اروحهم نحن بعد بنسير .
فلاح : يحيا عدل عمي مانع .
ظهروا أبو الريم وعبدالله من عند الدكتور .
مانع : بشروا .
أبو الريم : بعده ............... قالوا النتايج بعد يومين .
فلاح : وانا بيرقدوني فالمستشفى بعد أربعة ايام ............... sooooooooooo?
عبدالله : ويعني .
فلاح ) شاق الحلج : يعني نسير نهيت ونرقد فالشارع خلال هاليومين .
عبدالله : نهيت ما عليه ............ نرقد فالشارع ...... سوري الأخ عندي بيت وعندي فيه حجره وفيها شبريه ولحاف ومخده من احط راسي عليها أحلم أحلام ورديه . ( أحلم بالريم ) .
الكل : هههههههههههههههههههههههههههههههههههههههههههههههههه ههههههههههههههههههههههههه.
مر هاليوم شبه كئيب على أهل البيت وهم حاملين فقلوبهم خبر صعب الإنسان يعيش بعده بسعاده .
سارت الريم حجرتها وقعدت عالشبريه ................ وكتبت على ورقه :
تخيل ..................... تخيل بأنك تعيش اليوم وتعرف بأنك ستموت غدا .
لا تتخيل .................. لا تتخيل بأن اليوم سيمر بطيئا بل سيأتي الغد المؤلم سريعا .
تخيل ...................... تخيل بأنك في الغد سوف ترتدي ثوب الحزن المؤبد .
لا تتخيل ...................... لا تتخيل بأنه بعد إنقضاء الغد سوف تخلع ثوب الحياة بل سترتديه وأنت أول مؤيد .
تخيل ........................... تخيل بأنك في الغد سوف ترى شخصا فوق أكتف الحميع وقد كان بسمتهم .
لا تتخيل ..................... لا تتخيل بأن هذا الشخص سوف يحتضنك ويمسح ببسمته حزنهم .
تخيل .................... تخيل بأنه رحل للأبد ولن يعود .
ورقدت مع آخر جمله كتبتها وآخر دمعه ذرفتها فهاليوم الثقيل عليهم .

شو تتوقعون يستوي ؟

وهل بيغيب فلاح قريب ؟وإذا غاب شو اللي بيستوي فالبيت وخاصه فالريم اللي واجهت ألم غياب شخص غالي ماتقدر تعيش من دونه ؟