عراقية في دبي

Part6...:

فقاطعها ذالك الصوت الرجولي ذو البحة القوية ليهتز جسد مريم من الصدمة

فرات:اسم الله اخترعتي

نظرت مريم لفرات واثر الصدمة وقع الكتاب من بين يديها

#مريم...:
عزة عزة عزة عزة هذا اشجابة هنا...وشلون عرف رقم مقعدي...واني شلون ما حسيت هو كعد يمي...جان هو يباوعلي ابتسامة واصلة لاذاناتة واني ملامحي توحي لاكبر كمية من صدمة...بعد دقائق معدودة قررت اتصرف بشكل طبيعي...دنكت واخذت الكتاب وخليت رجل على رجل وكملت قرايتي للكتاب

بعد رد فعل مريم المتناقظ اختفت ابتسامة فرات العريضة فسحب الكتاب من بين يديها

فرات:هاي شدتقرين...كتاب وان دايركشن 2014...لعد انتي تشترين كتاب ل2014 واحنة بعد شكم شهر ندخل ب2015...عن شنو يحجي هذا الكتاب...هاري:انا لا اعرف لما الفتيات ينجذبن الي...الشباب يلقبوا لويس بأبو المقالب لانه يصنع المقالب للفتيان...هذا شنو الكتاب مال حقائق

سحبت مريم الكتاب من بين يدين فرات بسرعة ووضعته في حقيبتها

مريم:مالك دخل اني شقرة اوك يلة اكرمني بسكوتك ولتحجي وياي

فرات:اوك هسة اني ملاح اسكت لان هاي اكبر فرصة عدنة ساعتين للتفاهم وملاح تكدرين اشردين مثل ما سويتي بالمطعم ولا تبدلين سترتج بسترة البنية الي جانت كاعدة يمج وتفلتين من ادي...مريم اني اعتذر وادري الحجاية الي كلتها جبيرة بس اني من اعصب بعد ما اسيطر على نفسي وما اعرف شكول

مريم:اعتذارك مرفوض وخلص

فرات:لا ما خلصنة...شنو سبب رفضج لاعتذاري

مريم:هيج لان كيفي

فرات:بهل مسئلة ماكو شي اسمة كيفي

مريم:لا اكو عندك مانع

فرات:اي

مريم:وجعي<بغضب>

فرات:احترمي نفسج<بصراخ وغضب>

مريم:احترم الي اريدة اوك عيوني<بصراخ اعلى من صراخ فرات>

فرات:اسمعي ولج اني تاج راسج وغصباً عليج<بصراخ>

مريم:ههاي انت تاج راسي خليني ساكتة عيني <بصراخ>

بدأ صراخ مريم وفرات يعلوا في الطائرة وقف فرات ومريم واصواتهم تعلوا وجميع من في الطائرة يسمع الجدال

اتت المضيفات وفكوا النزاع وفرقوا مريم وفرات لكن فرات رفض وقال ان المشكلة انتهت...جلست مريم وهي غاضبة

وفرات وهو يقضب حاجباه والغضب يتطاير من عيناه والناس ينظران اليهما

#مريم...:
سخيف شلون فور دمي...والله شنو يسبني ويجي يعتذر بكل ثقة...جان اكو مرية جبيرة كاعدة كدامي اشرتلي واني ادنيت الها