He Who Owns Me DLC 1

Kabanata 20

Kabanata 20

Miss

Hapon na ng umuwi sila. Dinala siya ni Lutian sa kwarto nito. Naiwan siyang nakahiga sa kama at tinitingnan ang mga kuha nilang litrato. Dumiretso kasi ito sa bathroom para magshower. Mas maarte pa sa kanya ang mokong, tsk.

Nakatuon ang kanyang atensiyon sa mga pictures nang bumukas ang pinto ng bathroom. Naaamoy niya ang mabangong sabon na ginamit nito. Hindi niya ito nilingon.

Naramdaman na lang ni Queennie na may humaplos sa kanyang binti pataas sa kanyang hita. Halos nanindig ang lahat ng mga balahibo niya sa katawan. Pero pinilit niyang huwag itong pansinin ngunit nadidistract siya sa bango nito. Tinapunan niya ng inis na tingin si Lutian. Ngumisi lang ang mokong sa kanya.

Umayos ito ng tayo at halos mabitawan niya ang hawak na camera nang mapagtantong nakatapis lang ito ng towel sa pang-ibabang parte ng katawan. Naghuhumindik sa abs ang katawan nito at parang nang-aakit sa kanya upang mahawakan. Ang daming pandesal, kape na lang ang kulang.

Pasimple siyang nag-iwas ng tingin dahil feeling niya ay pulang-pula na ang kanyang mukha.

"M-agbihis ka nga! Baka may biglang pumasok na kasambahay at makita ka pang nakaganyan, tss..." pagalit na sambit niya. "Dapat ako lang ang makakakita niyan," dagdag ng kanyang malanding isipan.

Nakahinga siya ng maayos nang pumasok na ito sa walk in closet para magbihis. Sandali lang ito at lumabas na. Dumiretso si Lutian sa may cabinet malapit sa kama at binuksan ang drawer. May kinuha ito at tumabi sa kanya. Umayos siya ng upo at sumandal sa headboard. Inabot nito ang kinuha sa may drawer.

"Ano to?"

"Just opened it."

Binuksan niya ang box at tumambad sa kanya ang touch screen na cellphone.

"Para saan 'to?" nakakunot noong tanong niya.

Imbis na sagutin siya ay may kinuha ito sa mesa ng lamp shade at ipinakita sa kanya ang cellphone. Magkaparehas ito ng unit at disenyo. Ano 'to couple phone?

"Hindi ko naman kailangan ito eh. May cellphone naman ako diba."

"Kahit na. I want you to have it for some purposes. Itapon mo na 'yang lumang cellphone mo. May gumagamit pa ba niyan ngayon?" tudyo nito at binigyan siya nito ng nakakalokong ngiti.

"Tss, yabang nito. O sige na. Tatanggapin ko na po ito mahal na hari," sarkastikong sagot niya.

"That's My Queen," natatawang sambit nito sabay gulo nito sa buhok niya.

Wala siyang nagawa at tinanggap ang cellphone. Tinuruan siya nito kung paanot ito gamitin. Madali lang pala kahit na first time niyang magkaroon ng ganitong cellphone.

"Pupunta ako ng Manila sa susunod na linggo," pahayag nito.

Napatingin tuloy siya dito. Kahit na may parte sa kanya na ayaw niyang umalis si Lutian pero baka kailangan talaga.

"Tsk, look at your face. Hindi pa nga ako umaalis ay malungkot ka na. Hindi na lang kaya ako tutuloy, hmmm?" Kinurot nito ang pisngi niya.

"Aray! Ano ka ba. Hindi ako malungkot no! Para namang hindi ka na babalik, tss..."

Hinawi niya ang kamay nito sa kanyang pisngi at nag-iwas siya ng tingin. Hindi niya alam kung bakit biglang sumikip ang dibdib niya sa isiping iyon. Kinabig siya ni Lutian at niyakap mula sa likod. He rested his chin on her shoulder. Ipinulupot nito ang braso sa kanyang tiyan para mayakap siya ng mahigpit. Mabilis siya nitong hinagkan sa pisngi

Napangiti siya ng wala sa oras. Nakayakap parin ito sa kanya mula sa likod.

She loved it when he hugged her from the back. It gave her so much comfort and contentment. Feeling niya na kahit anong mangyari ay palagi lang itong nasa likuran niya upang umalalay. Falling for him was somehow worth it.