التملك بل حبيب

صّدِفَُه حُلُوَُه

       سلام
نور:كعدت اليوم كلش تعبانه ومالي واهس اداوم بس شلون الامتحان بدلت ونزلت لكيت اهلي كاعدين يتريكون.
ام نور:صباح الخير نونه تعاي تريكي
نور:صباحو حياتي لا ماشتهي واني متاخره هم يله باي.
طلعت من البيت وصدت بل خط وصلت للكليه.

     ( حسام )
شفت نور نزلت من الخط حسيتي كلبي كلش يوجعني معقوله هيه مثل مكالت ساره لازم اليوم اروح اسال البنات عليه. رحت يم البنات جانن مسويات كروب سلمت عليهن وطلبت من سما انو احجي وياه على انفراد لان هيه كلشي تعرف عن البنات لان فضوليه وتحب تسال.
سما:خير حسام اكو شي.
حسام:سما اريد اسالج بس هاذه الشي بيناتنه يضل ومحد يعرف بي توعديني.
سما:احجي حسام خوفتني ولتخاف وعد محد يعرف.
حسام :اريد اسالج على نور اني معجب بيه شنو تعرفين عنه.
سما:اها نور خوش بنيه ومتحب تسوي علاقات ويه وللد وهدفه الدراسه واهله ناس محافضين اني وياه نفس المنطقه وسمعته مثل الذهب والله شاهد على كلامي.
حسام :اني اشكرج وتعبتج ويايه.
سما:وللو تدلل.
حسام:كلش ارتاحيت من سمعت كلام سما وبس الغريب ليش هيج تحجي ساره عليه. خلي اروح احجي ال احمد واخذ رائيه بل موضوع.
شفت احمد كاعد بل حديقه رحت عليه هلو حمودي شلونك.
احمد:هلو حسام بخير انته شلونك اليوم فرحان.
حسام:اي مو حجيت ويه سما وحجيتله الي صار كله.
احمد:شفت مو كتلك لتستعجل بل حكم على البنيه هسه شنو حتسوي .
حسام:مرح اعترفله هاي الفتره والله كريم.

        ((نور ))
خلصت الدوام واليوم ساره كلش ضايجه معرفت شبيه رجعت للبيت وشفت خالاتي يمنه سلمت عليهن جانن كاعدات يجهزن لان الحنه مال منى يوم الاحد والاثنين العرس مبقه بس 4ايام صعدت بدلت ونزلت يمهن ضلينه نسولف لحد مراحن لبيتهم ..
ثاني يوم رحت اني ومنى وعلي نختار البدلات واني اختار فستان اليه ضلينه نفتر بل سوك لحد مشفنه بدله حمره كلش عجبتنه ونازكه

هاي بدلت الحنه كلش عجبتنه

وهاي بدلت العرس خلصنه من العروسه ورحنه على محلات الرجاليه حته نشوف قاط ال علي.
علي:بنات خلي ننتضر هنا ابن خالي هسه يجي وندخل سوه.
منى ونور:اوكي خلي نكعد بمطعم ننتضره.
علي:ههههههههه اثنينجن سوه اوكي.
رحنه كعدنه بمطعم بس الصدفه انو اجه حسام سلم علينه.
علي:هاذه ابن خالي حسام منى تعرفه وهاي نور اخته.
منى:هلو حسام شلونك
حسام:هلو منى بخير وانتي
منى:تمام
حسام:شلونج نور صدفه حلوه طلعتي اخت منى .
نور:صح صدفه واني هم ماعرف انك كرايب علي.
منى وعلي:تعرفون بعض
نور:اي زميلي بل كليه
علي:اها
نور وحسام:اي
منى:يله خلي نروح
الكل يله ... رحنه نفتر بل محلات دخلنه محل اختارينه بدله للعلي دخل يلبسه وره شويه طلع جانت كلش حلوه وانيقه

هاي البدله مال علي وره مخلصنه راحو الشباب واني ومنى رحنه اختارينه فستان اليه

ملابس نور للحنه والعرس....
      
       ( يوم الحنه)
نور:كعدنه الصبح ومنى راحت للصالون وياه بنات خالتي اني ضليت اساعد ماما بل بيت وره مكملت تنضيف صعدت بدلت وسويت مكياجي ولبست الفستان الوردي ونزلت جوه شغلت الديجيل وجني البنات من الصالون ضلينه نركص اني والبنات الحد مسمعنه صوت المزيقه والجهال ضل يصيحون اجه العريس لبسنه العبايهات الاسلاميه (الجبه)والحجابات
دخل العريس وكرايبه وهو حناه ودخلو الولد ركصو شفت حسام جان بس يباوع عليه خجلت من نضراته غيرت مكاني وراه راحو وخلصت الحنه نضفنه اني والبنات وراه نمنه من التعب.....
         (يوم العرس )
كعدنه الصبح راحت العروس للصالون واحنه بدينه نرتب ونلبس ملابسنه حته نروح للقاعه ..اجتي منى من الصالون اخذنه صور وراه اجوي اهل العريس اجاني حسام كلي اصعدي ويايه بل سياره كتله لا اصعد ويه البنات حسيته انزعج عافني وراح صعدن البنات بقيت بس اني وماكو مكان جتني بنيه كلتلي تعاي اصعدي ويانه بل سياره مالت اخويه حسام رحت وياه واني خجلانه من حسام هو شافني ضحك وصلنه للقاعه وراه ركصو العرسان ودعت منى واني ابجي وهيه هم وصيت علي عليه وراه رجعت للبيت ..........................................
هلاو شلونكم لهنا وخلص البارت ان شاء الله عجبكم انطوني رايكم بي
#تْبّارَكِ الُْعبّيَدِيَ