الرواية دي للناس الكبار طبعا يعني above سن ال 18
ودايرة زول م بيخاف
وهي عبارة عن خليط من عالمنا والعالم الاخر
الي هو العالم السفلي
طيب نبدا بعالمنا
#
امها بتنادي ي جييييمي وين انتي تعالي ساعديني في النظافة شوية
وجيمي كالعادة في المرايا
تعالوا نعمل تعارف سريع كدة جيمي دي اسمها جميلة وهي في عمر ال 19 سنة كدة جميلة بمعنى الكلمة وفيها جسم ماشاء الله وفيها عيون واسعة وكحيلة وذات عدسات بنية تشوفها تقول "سبحان رب الكون الفي العيون ابدع"وشعرها اسود وطويييييل منسدل ع ضهرها وبيضاء اللون ودلوووعة حد الكفا ودا بيعكس وضعهم المادي الجيد �
وامها تهاني ام بمعنى كلمة ام بتمثل الام والاخت والاخ والاب لانو ابوهم في غربة وانسانة متعلمة معاها بكلاريوس اقتصاد وانسانة جميلة برضها ماشاء الله واخوها الصغير وائل انسان لذيذ مهضوم الشخصية شقي خاالص ومعذب امه عمره 13 سنة وعندو غرفة جميلة كدة وشوية غريبة والاغرب انو سريرو ع شكل عربية وابوهم محمد في السعودية لانو زي م عارفين ظروف المعيشة في السودان بقت صعبة واغلب الناس بتهاجر خارج السودان
نرجع لجيمي
جيمي في المرايا بتسرح في شعرها وكالعادة لابسة ضيق ☹وعاجباها روحها
"حتى لو كنا جملين ي جماعة وفينا حاجات عاجبانا نقول ماشاء الله صعبة دي "لا
طيب عندنا مراااااقب مسهي في الجمال الرباني دا يلا المراقب دا كان من العالم الاخر واسمو الجن العاشق
# يلا تفتكروا سبب التسمية بالجن العاشق شنو
لانو بيعشق البني ادم اي بيحبو وبيميل ليه وبياذى اي زول يحاول يحبو من الجنس الاخر
طيب نرجع لخالتو تهاني :
جييييمي
ي بت انتي وين انا تعبت
وائل :ماما م تتعبي نفسك ساااي اسع تلقيها واقفة قدام المرايا
جات خالتو تهاني لجيمي في غرفتا انتي ي جميلة انا يوم بكسر ليك المرايا دي ☹م معقولة كل وقتك في المرايا ☹بنادي ليك كم مرة ولا كاني بنده ليك
امشي قدامي
جيمي :ياماما يعني م اسرح شعري
امها :انتي اصلك في اليوم بتسرحي كم مرة ارح قدامي ي ماما طيب اوزن الفيونكة دي
امها ي بت ارح قدامي قبل م اكسرها عمايل الاممهات ديك طبعا جيمي بزعل يوووه حاااضر
وطلعلت جيمي تساعد امها(تغسل العدة وكدة ) ووائل يضحك وجيمي تشيل وتحمر ليهاصبر لي انت
بوريك ليه الليلة بوريك ي وائل
يتبع...
