In His Paradise (Completed)

Kabanata 29

*****

Sa paglipas ng araw, akala ko ay wala nang weweirdo pa sa mga pangyayari sa akin. Hindi ko alam na may ilalala pa pala.

Alas diez ng gabi ng biyernes ay hindi ako makatulog. Paikot ikot lang ako sa kama. Hindi ako mapakali at parang may gustong gawin. I want to bake cookies.

Kahit ako ay hindi ko maintindihan ang sarili ko. These past days lagi akong random kung mag isip. At hindi ko mapigil ang sarili sa pag gawa ng kung anong gustuhin ko. And now I was dying to bake cookies late at night.

Bumaba ako sa kusina at isinuot ang pink apron ko. Inilagay ko sa mesa ang lahat ng mga kailangan ko. Good thing mayroon ako nung mga ingredients kung hindi ay baka saniban na naman ako ng kung anong espirito at maisipang mag grocery kahit sarado na ang mga marts.

Nagsimula ako sa paghahalo ng mga ingredients.. Wheat flour, vegetable oil, salt, corn starch, milk powder, butter, etc.. Hindi ko nilagyan ng asukal. No, I just didn't feel like making it sweet.

Pasado ala una ng madaling araw nang matapos ako at nilagay ang product ko sa ref. Dumiretso ako sa kama at agad na nakatulog.

Kinaumagahan ay nakaginhawa ako dahil hindi ako nagsuka. Siguro ay may nakain nga lang akong masama nitong mga nakaraang araw kaya ganoon.

But either way, I'm still planning to make it to a doctor. Para na rin makasigurado kung healthy pa ba ako o may sakit na.

Pumunta ako sa agency bitbit ang cookies na binake ko. I planned to give it to them.

Pagpasok ko ay naroon na ang co models ko na kasama sa shoot. Wala si Amber at si Melissa ang naroon. Narito rin si Crane. Kinawayan ako kaagad ni Candy kaya lumapit ako sa kanila at nilahad ang kahon ng cookies.

Niyakap ako ni Candy bilang pagbati. Nalanghap ko ang matamis niyang pabango at nagdulot iyon ng pagbaliktad ng sikmura ko.

Napabitaw ako sa yakap at diretso sa banyo. Narinig ko ang pagsunod niya kasama si Crane.

"Hala bakla! Okay ka lang?!" Si Candy. May humaplos sa likod ko at nakapagpagaan iyon sa nararamdaman ko.

"Hey.. Emp? You alright?" Si Crane at mukhang siya ang humahaplos sa likod ko. Hindi ako makasagot dahil tuloy tuloy ang pagsuka ko.

Pwe! Ang pangit ng lasa!

Nang mahimasmasan ako ay nagmumog ako. Hindi masyadong naalis ang pait at asim sa lalamunan ko.

"Water.." Kinuha ko ang inaabot na bote ni Crane. Nilagok ko iyon at nakaginhawa.

"Kaloka kang babae ka! Bakit bigla bigla ka na lang nasuka pagyakap ko sayo? Mabango naman ako ah!" Talak ni Candy habang inaalalayan ako ni Crane paupo.

"Hindi Candy.. May sakit lang ako nitong mga nakaraang araw.. Pupunta ako sa doctor mamaya," wika ko.

"I'll go with you," ani Crane. Tumango na lang ako.

"Tikman niyo 'to. I baked it," wika ko at binuksan ang box ng cookies.

"Wow! Thanks!" Ani Candy sabay dukot sa cookies. Ganoon rin ang ginawa ni Crane.

I looked at them expectantly.. Waiting for the two of them to utter a compliment.

Napanuod ko kung paano nagbago ang mukha ni Candy samantalang ganoon pa rin ang reaksyon ni Crane, nakangiti.

"Girl! Naubusan ka ba ng stock ng asukal? O nakalimutan mo lang? Kung ang mga walang love life bitter, ikaw naman matabang!" Komento ni Candy na nagpangiwi sa akin.

"Hindi ba masarap?" Disappointed na tanong ko.

"It's delicious!" Ani Crane at kumuha pa ng isa habang nginingitian ako. Ngumiti din ako.