سر القلاده

النهاية.

رجعت بسرعه الغرفه وقلت في نفسي .. ليش ابويه يسوي كذا ليش يتعاقد مع شخص مو من عالمنا ..فجأه سمعته يهمس في اذني ويقول :تحكم فيني .. واخذت نصف روحه .. لا تحاولين تجمعين القطع .... انقطع صوته| كملت اقرا الكتاب وكنت احاول اعرف وش قصته .. وصلت الحرف الاخير وهو (ع) .. كنت اقرا بتركيز شديد وحاولت اركب الجمل وفجأه قريت (القلاده تستطيع التحكم بجكزعوس ) وانا اقرا كنت ابكي من القهر .. وش باقي لي في الحياه .. سرق اهلي وحياتي وسعادتي ..وهنا عرفت ليش صار كل هذا .. تعاقد مع ابويه ياخذ جزء من القلاده لأنه تحكمت فيه بس غدر ب ابويه و اخذ نصف روحه .. ما تمالكت اعصابي ورحت ادور القطعه ..كنت اناديه واصرخ واكرر اسم جكزعوس .. فجأه حسيت بنفس بارد عند رقبتي .. لفيت ولقيته بجنبي ويناظرني وعلى وجهه ابتسامه خبيثه ويقول: استدعيتيني !!؟ مو خايفه مني؟ .. صرخت وقلت رجع القطعه .. قال:طلباتك أوامر .. اعطاني القطعه وكنت منصدمه من اللي صار .. اخذتها ورحت الغرفه بسرعه وجلست وكنت خايفه منه .. بس حسيت اني ما بخسر شي بعد اللي صار .. حطيت القطعه جنب القلاده وكنت اناظر فيها وافكر وش بيصير اذا ركبتها .. هل صدق بياخذ روحي؟! تشجعت وركبتها ..فجأه اغمى علي .. صحيت ولقيت نفسي في غرفه بيضاء لها باب ضيق والقلاده مو موجوده .. وقفت بسرعه وكنت ادور عليها ولا لقيتها.. رحت عند الباب كنت ابغا اخرج بس كان مقفل .. جلست شويه وقلت انا فين؟ .. دقيت الباب ولا احد سمع كنت اصرخ واقول (افتحوا) واكررها ولا احد سمعني .. لفيت ادور على اي شي ولقيت قلم و كتاب صغير .. و كان فاضي مسكت القلم وبديت اكتب معاناتي و انا ابكي وكنت اناظر يدي وكانت بيضاااء وشاحبه .. بس لحظه تعرفون مين انا.. انا روح البنت اللي لابسه القلاده .. بتستغربون وتقولون فين انا و وين جسمي .. انا سجينة ملك الجن (جكزعوس) في عالمه ..وجسمي ما صار لي| مشاعري داخلي محبوسه في قلبي واحس زي الناس العاديين بس الحين الفرق الوحيد اني روح مسجونه في عالم مظلم والسبب هو فضولي بسر القلاده .
.
.
.
.
اذا عندك الشجاعه الكامله .. اتحداك تقول (جكزعوس) بصوت عالي ثلاث مرات وتكون وحدك في غرفه مقفل عليك
..
..
اتمنى تكتبون وش الاحساس اللي شعرتوا به اذا جربتوها 😇