The Red Assassin

Chapter 10

  Nakabandage na ang sugat ko sa kanan bahagi ng aking dibdib ngunit di ko gaano maigalaw ang kanan kong braso at kamay.

  "Kamusta ang pakiramdam Cassie?" Lumapit ito sa akin habang sinubukan kong maupo.

  "Ayos naman po kaya lang hindi ko magalaw ang kanan kong braso at kamay."  

"Normal lang yan Cassie tatagal yan ng isang linngo bago mo maigalaw ulit. Hindi  normal na bala ang tumama sayo."  

Kumunot ang noo ko. Hindi normal? "Ano pong ibig sabihin nyo?"  

"Paralyzed bullet ang tumama sayo uri ng poison ang bullet na iyon maaring galing sa cobra pero dahil may mga prevention kami mula sa mga bagay na yon nabigyan kita ng gamot para hindi maparalisa ang katawan mo at ikamatay mo." Umiiling si Dr. Priston habang sinasabi iyon.  

Tinignan ko ang sugat ko. Maswerte pa rin pala ako pero paano yon? Hindi naman ako kaliwete hindi ko alam kung magagawa ko ang pangalawang pagsubok.

  "Sino po ba yung umatake sa amin kanina?"

  "Kahapon, kahapon pa nangyare iyon Cassie. Ngayong gabi ka lang nagising. " nagulat ako sa sinabi nya. Kakagising ko lang pala pakiramdam ko kasi kanina lang nangyare. "Hindi pa nila alam kung sino ang umatake at kung ano ang pakay nila. Pero buti na lang at gising ka na maari ka ng sumama sa akin sa grand assembly na pinatawag ni General."

  Kung ganon magpapatawag pala ngayon si General ng assembly sa Mortal Brigade. Maaring nabahala din sya sa nangyare.

  Palakad na kami ni Dr. Priston papunta sa tinawag nito na General's Kingdom. Isa ata yon silid na ang magsasalita lamang ay ang general.  

Manhid ang kanan kong braso. Sinusubukan ko itong gumalaw pero ayaw talaga. Bumisita kaya sa akin si Vincent habang tulog ako? Nag aalala kaya sya sa akin? Naalala ko kung paano sya makipaglaban kahapon, sya nila Juliet, Bryan at General. Para silang mga action star.  

"Hmm may bumisita po ba sa akin habang tulog ako?"  

"Oo meron, si Mr. JT Trillanes, Mr. Elias Anderson at Miss Misty Muson. Pumunta sila agad matapos marinig ang nangyare sa iyo."  

Parte sakin nasiyahan na nag aalala sa akin sila Misty, JT at Elias atleast alam kong may kaibigan na rin pala akong maituturing pero di ko maiwasan malungkot ng hindi man lang bumisita sa akin si Vincent.  

Sa muling pagkakataon sya ulit nagligtas sa akin. Kailangan ko na atang mahiya sa kanya. Kailangan ko na siguro tumayo sa sarili kong paa.

  Huminto kami sa isang malaking pinto. Ngayon ko lang nakita ang pinto na ito. Automatic itong bumukas at tumambad sa akin ang malawak na silid. Nakahalera ang ilang mga assassin na nakasuot ng uniform nila. Ang daming tao halos malula ako.  

Sa gitna sa pinakadulo ay may isang upuan. Kulay pula ito na malaki. Parang upuan ng isang hari.  

Umikot ang paningin ko matapos makita ang Curse 12 sa gilid na naka tayo. Hindi nila ako napansin kasi malayo ang pwesto namin ni Dr. Priston.  

Seryoso ang lahat ramdam ko ang pagkatense nila at hindi ko alam kung bakit.

  Nakita ko si Vincent at ang squad nya malapit sa upuan na kulay pula. Seryoso ito na malalim ang tingin na parang malalim ang iniisip.    

Maya maya pa bigla bumukas ang pinto na pinasukan namin kanina at bigla silang tumayo at sumaludo.  

Niluwa nito ang seryosong General Topaz na nakalagay ang kamay sa likod. Matikas ang pagkakatindig at diretso ang tingin.   Lumakad ito papunta sa upuan na kulay pula.