بعد نص ساعة ورن الجرس المنزل وكانت ليلى وخذتها وصعدنا إلى غرفتي
ليلى:خير خوفتيني شكو شبيج احجي
وقالت لها وكل شيء من موضوع السيارة إلى حديث الصباح مع خالد
ليلى:أي وشنو الغريب بالموضوع هاي جانت نصيحة منه عادي مابيها شي
ندى:ولج ما افتهمتي الموضوع لج يمكن اني لبارحة إعترفت له بحبي وإني سكرانة
ليلى(بصدمة)شنو
ندى:أي ولج شسوي هسة شلون راح احط عيني بعينه
ليلى:هاي شبيج ليش خايفة اصلا مابيها شي هو لازم يعرف بالموضوع ليش تبقين ساكنة وتعذبين نفسج
ندى:ياربي ماكدر والله شلون اواجها شلون
ليلى:هاي شبيج يمعودة مابيها شي وبعدين حتى لو عرف بيكون احسن على أقل عرف انتي تحبيه وبعدين شمدريج عرف يجوز ماعرف شي ليش خايفة وانتي انتظري من يحجي يلا مو ترحين تخربطين لدنيا
ندى:هيج تتوقعين ياربي يكون صحيح
ليلى:أي هسة نشوف يلا اني لازم اروح تأخرت خربتي لعطلة علية هههههههه بأي
ندى:بأي حبي
ذهبت ليلى وانا طول اليوم في غرفتي
خادمة:انستي العشاء جاهز ممكن تنزلي
ندى:حسنا انا آتية اذهبي الان ..انتظري لحضة
خادمة:نعم انستي
ندى:هل خالد هنا
الخادمة: أجل انستي في الاسفل
ندى:اذهبي الان
ياربي هاي شلون ورطة أخذت نفس عميق اهدئي ندى هاي ليش مكبرة القصة واذا عرف عادي
نزلت إلى الاسفل وكان الكل جالسين على مائدة الطعام جالست أمام خالد كان ينظر لي عندما رأيته نزل رأسه بسرعة وصار يأكل احمد:خالد
خالد:نعم عمي تفضل
أحمد:بأجر رئيس شركة hp السيد علي يجي هو وبنته الكبيرة سارة مو تنسى الموضوع لكتلك عليه
خالد:لا عمي مانسيت اكيد
نظر لي وأنا بقيت صامتة ماهو الموضوع المهم وبعدين مو هاي سارة
أحمد:أي عفية ابني
ندى:يلا اني راح اصعد ادرس تصبحون على خير
الكل: وانتي بالف خير
ذهبت ادرس ولكن تفكيري كان مشوش منو هاي سارة وشنو الموضوع بقيت أفكر طول الليل إلى أن غفوت وفي الصباح غير ملابسي وذهبت إلى الجامعة كانت ليلى لم تأتي اليوم لجامعة كان يومي عادي رجعت إلى البيت
ندى:هلو ماما
رنا:هلو حبيبتي يلا غيري ملابسج وتعالي بسرعة لان راح يجي ابوج وعنده موضوع مهم ولازم الكل موجودين
ندى:خير شنو الموضوع
رنا:والله مادري من يجي نعرف
ندى:اوكي يلا شوية وجاية
صعدت غيرت ملابسي وأخذت حمام ساخن وخرجت امشط شعري
الخادمة:انستي السيد يريدك تنزلي الان
ندى:حسنا
نزلت كانوا الكل جالسين جلست جانب امي
