زفاف العشق

الفصل التانى

اللقاء الثانى فى حفل اكتشاف المواهب لعزف الكمان

ملك:الله يا ساره انا بعشق المقطوعه دى 

لفت انتباه نور صوتها 

خالد:مالك يا نور تنحت فجاة ليه

نور:الصوت ده انا سمعته فين قبل كده ....دى هى 

خالد:هى مين ؟؟؟

نور:ثوانى وجيلك 

خالد: ده ماله ده

راح نور لحد الطربيزة بتاعتها

نور: يا انسة

بصت ساره وملك

ملك:ايه ده ... انتا؟؟

نور:ايوه انا ... ممكن كلمة بس لو سمحت 

ملك:ثوانى يا ساره وهرجعلك

وطلعو برا عند باب قاعة الحفله

ملك:اظن المره دى اخدت بالى وموقعتش عليك حاجه

نور بابتسامة خجل:انا عايزك عشان كده .... ورفع عنيه فى عينها

انا اسف اوى

اختفى تعبير الحزن من على وشها واتبدل بابتسامه خفيفه: خلاص محصلش حاجه

نور:انتى باين عليكى طيبه اوى 

ملك:وانتا باين عليك انسان كويس

نور بضحك:والله انا غلبان اوى بس الناس فهمانى غلط

وبدأو الاتنين فى الضحك

ملك: اهلا بيك انا ملك مؤلفه اغانى وبشتغل مع مطربين الجيل الجديد

نور: نور مهندس معمارى على قد حالى 

ملك:هههههههههههه دمك خفيف اوى يا نور

نور: وانتى كمان ابتسامتك جميله اوى 

ملك بكسوف:شكرا ده من ذؤك

واستمر الحديث لحد نهاية الحفله 

------------------------------------------------------------------------

بعد الحفله

نور: هو ممكن اخد رقم تليفونك اصل انا عندى صاحبى مطرب جديد بردو 

لسه فى بداية طريقه وممكن تعملى شغل معاه

ملك:اه طبعا انا بشجع المواهب الجديده جدا 

وفضلو ماشيين لحد ما وصلها بيتها بعربيته

ملك:متشكره اوى على تعبك معايا 

نور: لا ابدا انا مبسوط اوى بالكلام معاكى واتشرفت جدا بمعرفتك

ملك:وانا كمان ... تصبح على خير 

نور:وانتى من اهله 

وفضل باصص عليها لحد ما طلعت لشقتها وحتى بعد ما وصلت فضل نظره ثابت على البيت

مش عارف ليه ... بس كل اللى عرفه انه عايز يقابل البنت دى ويكلمها تانى 

----------------------------------------------------------------------------------

تانى يوم فى الشغل عند نور

ليلى:اخبار الحفله ايه يا معلم

نور:والله يا لولا كانت عايزاكى الحفله دى 

العزف فيها كان حلو اوى 

ليلي:كان لازم اخلصلك شغلك معايا

نور:ايه؟؟؟

ليه يا بنتى كده حرام عليكى نفسك ده كان شغل بالهبل

ليلى:خوفت المدير يفتش على الشغل ميلاقيش انك خلصت فيزعلك

نور:يا ستى لسه بدرى على معاد تسليم الشغل ... ليه كده يا ليلي

ليلى بنبره كلها حب:مفيش حاجه تغلى عليك 

قصدى يعنى مش احنا صحاب انتيم ولازم نساعد بعض

نور:ماشى يا اجدع صاحب ليا 

ليلي..............................

ليلي زميلة نور من ايام الثانوى دخلو الكليه سوا واشتغلو فى نفس الشركه كمان 

وتحولت الصداقه والزماله دى بالنسبه لـ ليلي الى حب بدون حدود .... هيفضل حب من طرف واحد

ولا هيجى اليوم ويبقي حب كامل

هنتابع مع بعض 

--------------------------------------------------------------------------