الجازي تبكي:لاتروح انت ومازن
مازن بحزن:مشعل صادق نحن تركنى كل شي هناك...وجينا هنا...جامعتي ..كل شي
الجازي تبكي:وتتركوني لوحدي
مازن:لا مب لوحدك معاك احمد...وخالاتي
الجازي:بس انا مابي احمد ولا خالاتي ..ابيكم انتووا
جلند :اوعدك كل اسبوعبن ازورك
بكت الجازي بحضن اخوها:ارجوك جلند لاتروح ...لاتتركني هنا بروحي
طالع جلند ف مازن ...وش يسوي مابيده شي
وقف جلند وباس راسها ..وطلع مع مازن...وقلبهم مع اختهم
بعد ماخرجوا اخوان الجازي....بقت الجازي ساكته ماتتكلم ....وش تقول اهلها تخلوا عنها...وهذا كان بنظرها
اقترب احمد منها وبدى يعالجها ويحقنها بالابر....والجازي ساكته بس تتالم من الابر
بعد ما انتهى احمد مسح ع شعر الجازي...وقال
احمد:الجازي...بقى ع امتحانات شهر وانتي بعدك ماذاكرتي شي
الجازي لفت واعطته ضهرها:.......................
عرف احمد الجواب تركها احمد بعد ماباس راسها...تركها لانه يحس ان الجازي محتاجه تجلس بروحها تفكر
**بعد يومين من الاحداث السابقه**
الجازي:احمد....مليت من الغرفه ابي اطلع اتنفس هواء
احمد جالس ع الكرسي ومسكر اعيونه بتعب من الشغل:ما اقدر ...انتي بعدك تعبانه
الجازي انقهرت:تعب تعب تعب...كل مابي منك شي تقول تعب...والله انا ماحس بشي
فتح احمد اعيونه:نعم ماتحسي بشي....ومناحه كل يوم احمد ساعدني راح اموت
الجازي:بس انا تعبت من هل مكان ...كل شي يجيب لي الضيق...تكفى خرجني ...ولو شوي
وقف احمد:لا
الجازي مدت البوز:ليش
احمد:لانك ياهل وماتسمعي الكلام....لي يومين وانا ماشوفك تذاكرين
الجازي:الامتحانات الشهر الجاي..يعني مطولين
رفع احمد حاجب:وراح تقدري تخلصي كل يوم كتاب
الجازي:اووووووف.....تكفى احمد خرجني شوي
احمد:لا
ومشى للباب تارك الجازي
مرت الايام والجازي عايشه ف دوامه...وبدت تتقبل احمد مو تحبه متقبلته...اقتربت
الامتحانات...وزادت الالم الجازي ...بدى المرض يشتد عليها...وصارت تتتعب كثير..واحمد طوال الوقت معها...ولا شخص من اهل الجازي زاروها وهذا سبب ثاني ف حاله الجازي
الجازي وعيونها تدمع:تعبت احمد ...خلاص راح اموت
احمد يمسح ع شعرها:ماعليه اصبري اهوا البدايه كذا وبعدها راح ترتاحي
الجازي تشد ع يده وتصارخ:بس يالم...بطني احس كنها تتقطع بالسكاكين
احمد يكلم الممرضه:اعطيها مهدء للالم
الجازي وعيونها تدمع وتضغط ع شفايفها :مابي مابي
احمد :عيل وش تبين
الجازي:تعبت من النوم
احمد:وراح تستحملي الالم
الجازي تبلع ريقها:ايوه بس انت كون معاي
احمد للممرضه:ممكن تروحي
خرجت الممرضه وجلس احمد بجانب الجازي حضنها واهي تبكي
احمد يمسح دموعها:اصبري كلها كمن يوم وانشاء الله تشفين
الجازي:هذا موت ...احس روحي باتطلع...احس بحرقان داخل بطني...يمه ...ابي امي...اهئ اهئ...احمد تكفى جيب لي امي....انا ماقدر اجلس اكثر من كذا
احمد:الجازي حبيبتي هذا مفعول الدواء...بعدها راح ترتاحي
الجازي تشد بيده المحاوطه ع كتافه:يارب يارب صبرني
تقطع قلب احمد واهووا يشوف حبيبته تتعذب كذا...باس راسها..وشد من حضنها ليحسسها انه معها
هذا حال الجازي كل يوم ...واحمد واقف معها بكل خطوه ...لين بدت تتعافى
دخل احمد:ها وش فيك متصله....لا تقولي اشتقتي لي
الجازي بغرور:ما اتصلت لسواد اعيونك...كنت محتاجه تشرح لي هذا الدرس مافهمت شي منه
احمد رفع حاجب:احلفي....انتي متى تعدلين اسلوبك
الجازي بدلع:متى ما بغيت
احمد مطنش دلعها:ماعليه مصيرك ف يوم تجي لعندي وتتمنين مني نظره
الجازي:هههههه واثق مره....تعال تعال اشرح وخلصني وراي امتحان باكر
اقترب احمد منها ولمن شاف الدرس صارخ:الجازي لاتجننيني هذا الدرس المره الخامسه اشرحه لك
الجازي حكت شعرها وببراءه:وش اسوي مافهمت منه شي....والله انه صعب
مسك احمد ع راسه:تعرفي الحين اتصل ف وحده من البنات تجي وتشرح لك
الجازي مستغربه:أي بنت !!!
احمد يطالع الجوال:بنت عمي
الجازي تطالع في الكتاب:وبنات عمك هذول طيبات ولا مغرورات ...ولا شريرات
احمد طالعها:نعم وش هل الكلام ع بنات عمي
الجازي رفعت اكتافها:مجرد سؤال بس
احمد:وليه هل السؤال بالذات
الجازي:لانكم عيال شيوخ فا اكيد نظرتكم لانا من فوق لفوق
احمد:اتركي عنك الكلام الفاضي....الو...هلا اصوله...كيف المذاكره معاك...انزين ابيك تجمعي المافيا ..وتجي ع المستشفى...مع كتابت طبعا...لاني ابيك تشرحي الدرس لزوجتي
الجازي من سمعت اسم زوجتي:مالت عليك...انا مب زوجتك
عطها نظره سكتتها:انا اكلم براء يجي ياخذكم...يالله لاتتاخروا
ولمن سكر:انتي متى تحترمي نفسك وتقدريني كازوج
الجازي ببرود:انا بعدني ماعترفت فيك كازوج حتى اقدرك
مسكها احمد من فكها بقوة:وانا مب ناطر حتى تعترفي فيني كازوج...لاني زوجك...فهمتي يا نونو
الجازي:انا مب نونو
احمد:انا اطالع...اسمعي لو بينتي لبنات عمي شي والله اني راح اقتلك
طلع احمد من عندها معصب ...وتركها نادت الجازي ع الخدامه تساعدها تاخذ شاور وتلبس...ولمن فتحت الدولاب مالقت لها لبس تقدر تلبسه...طالعت الخدامه وشويه وتبكي
الجازي:الحين شنو اسوي ماكو لبس حلو
الخدامه:خلي انا دور امكن يلقي
جلست الجازي ع الكنبه والخدامه كل شوي تطلع لها شي واهي مايعجبها...مع انه حلوات ...بس خافت مايعجب بنات عم احمد....خلاص ماقدرت تستحمل وبكت
الجازي:جيبي لي الجوال
جابت الخدامه جوالها ...واتصلت ف احمد ...بس الرجال زعلان ويتغلى...جلست تتصل فيه واهوا مايرد....لين رحمها
احمد:نعم
الجازي وصوتها ملينا بكى:احمد
خاف احمد:حبيبتي وش فيك
الجازي ميته من البكاء:تعال ساعدني اهئ اهئ
ركض احمد مثل المجنون خايف عليها...ولمن دخل الغرفه...شافها تبكي راح لها
احمد:حبيبتي وش فيك تبكين
الجازي رمت نفسها ع صدره:مامعي شي البسه لبنات عمك...اهئ اهئ...راح يضحكوا علي
معرف احمد وش يسوي ...يضربها...او ...يضحك...مسح ع شعرها...حس ان الجازي طفله طفله ومحتاجه حنان
ابتسم احمد:افا الجازي زوجه احمد مامعها شي تلبسه
الجازي تضربه ع صدره:لاتضحك علي انا من جدي اتكلم
احمد:الجازي تراك مره مكبرة الموضوع ...والله لو تجلسي معهن بالبجامه عادي...بنات عمي مره طيوبات
الجازي/حتى ولو اول مره يشوفوني
بعد احمد الجازي وفتح الدولاب...وخرج لها برموده جينس ضيقه وتمسك من الركبه...مع بلوزة عنابيه حرير من غير اكمام تمسك من الرقبه وبعدها واسعه وترجع تمسك من الخصر..ع نعال عنابي فلات كله كرستالات
احمد:انا اول مافتحت الدولاب جذبني الملابس الي فيها...بس انتي ماعندك ثقه بنفسك
الجازي تمسح دموعها:شكرا يجي منك اكثر
احمد رفع حاجبه:الحين يعني زعلتي...من المفروض يزعل انا ولا انتي
الجازي:انا
احمد :هـ هـ هـ...انا رايح عند كم شغله اخلصها واجي اشوف وش مسوين
الجازي بخوف:وتتركني بروحي معهن
احمد بطوال البال:انا رايح وللمره المليون البنات طيوبات وراح تحبيهن
راح احمد وتركها قبل لاتتكلم...بدلت الجازي ملابسها وكانت طالعها قمه ف الاناقه...وبعدها بنص ساعه دخل بنات عم احمد واخواته من الرضاعه
YOU ARE READING
تدري بأني أموت فيك وبقربك أصبح شخص غير
Romanceمذكرات الطبيب ومريضته ((قصه حب رائعه)) الكاتبه : منيه حنيني . طارق بصوت واطي مايسمعه الا احمدتريد تعرف ليش...انا اقولك...لان الجازي تعرضت لاغتصاب...ومن مين من دكتورها الي كانت تتعالج معاه بمنطقتها...ولمن علموا عليه الشرطه ..سجنوا وراح يحاكم قريب...و...
