الحب الذى غيرنى

البارت التاسع عشر

    - برغم من رغبة بيبرس الشديده في ان يرتبط صديقه الاقرب بفتاه مثل حياة الاانه صعق من سرعة يحيي ورغبته المفاجأه في الزواج منها ..
بيبرس فاغرا شفتيه : اا انت واعي للي بتقوله ؟!
- ملس يحيي ع شعره الغزير حيث اختفت اصابعه داخل شعره ثم اسند ظهره ع الكرسي وتنهد بهدوء ثم...
يحيي : واعي جدا ... انت في عندك مانع
بيبرس : بتحبها ولا بتنتقم !!؟
يحيي : ........
بيبرس : لا ابوس ايدك مش وقت سرحان وسكوت لو بتحبها انا نفسي هساعدك انها تكون ليك انما لو عايز تنتقم من حد تاني يبقي لا..لالالا حرام عليك تظلم انسانه معملتش حاجه ليك غير انها حب....
يحيي بدهشه : كمل سكت ليه ... بتحبني ؟
بيبرس بضيق : ايوة
يحيي باابتسامه : كنت حاسس واللهي .. بس انت عرفت ازاي ؟
بيبرس : كانت بتكلم مع حنين مرة وانا سمعت بالصدفه والمفروض اني مكنتش اقولك حاجه اصلا
يحيي : ليه متقوليش .. ده كويس قوي انك قولتلي
بيبرس : مرديتش ع سؤالي
يحيي بتنهيده : بص يابيبرس .. انا مش هوقف حياتي عليها ( صافي ) ولا هقولك اتعقدت من الحب ومن الستات والكلام الفاضي ده لاني مقتنع 100% انهم مش زي بعض .. كل اللي اقدر اقوله اني حاسس وانا جنبها بحاجه حلوة ببقي عايزها متسيبنيش تبقي جمبي ع طول لدرجه اني فكرت اتجوزها قبل ما اسافر سويسرا واخدها معايا
بيبرس : افهم من كده انك ابتديت تحبها ؟
يحيي : ممكن اكون فعلا ابتديت احبها بس اللي متأكد منه اني محتاجلها ومحتاج وجودها جمبي بأي شكل ..هي دي الانسانه المناسبه ليا
وعمري طبعا ما هظلمها ولا اجرحها بالعكس دي الانسانه الوحيده اللي وقفت جمبي بجد وانا هعيشها ف سعاده مكنتش تحلم بيها بس قول يارب
بيبرس : يااااااااااارب .... طب انا عايز اتجوز بقي
يحيي : ههههههههههههه هو انت متجوزتش
بيبرس بحنق : كان عندي دم واستنيت لما تقوم بالسلامه عشان اعمل لحنون اجمل فرح
يحيي : مممم ... فكرتني بحكاية الفرح دي ؟
عايزك تجيبلي اسم القاعه اللي عمل فيها علي فرحه واسعارها
بيبرس بنصف عين : ليه ؟؟
يحيي بخبث : بعدين هتعرف ...
------------
صفوان بضيق : ابقي اسألي امك .. انا داخل انام
حياة : في ايه ياماما اللي حصل ؟
نوال بتنهيده : واحد صاحبه جابله شغل في السعوديه وهو قرر في يوم وليله يوافق
حياة : بس دي اول مرة اسمع ان مراد عايز يسافر ولا بيفكر ف كده حتي
نوال : حنين ورجوعها تاني وجوازها ... كل ده السبب
حياة : كنت متأكده انه مش هيعديها كده
انس : سيبك انتي من النكد ده .. هو الواد المز رجع من المانيا
نوال : ولددد ايه الالفاظ دي ؟
انس بضيق : ايه ياماما بقي متقوليليش ولد
انا قايمه اشوف ابوكوا كتكوا الهم جيل يسد النفس
حياة : طيب ياماما ...
انس : قولي بقي يايوو رجع ولا ايه
حياة بابتسامه : اه رجع ووقف ع رجله كمان
انس مضيقا عينيه : طب وفرحانه قوي كده ليه
حياة باضطراب : هه فرحانه .. ايه الكلام الفارغ ده ياولد
انس بتذمر : لا بقي .. هو خلاص مفيش احترام ليا ولا ايه انا داخل اتخمد انا كمان
حياة : هههههههههههه ياجومانجي استني .. هههههههههههههه
----------------
( منزل يحيي )
شريفه بلهفه : حبيبي يابني الف حمدالله ع سلامتك
يحيي مقبلا يدها : وحشتيني ياماما
شريفه : انت كمان واحشني قووي قووي ياحبيبي الحمد لله والشكر لله انك قومت بالسلامه ورجعت تنور البيت تاني
مهيب : الحمد لله الفترة اللي فاتت كانت صعبه ع الكل
يحيي : الحمد لله ... انا عايزكوا ف موضوع ياجماعه
شريفه : خير ياحبيبي
يحيي ناظرا لمهيب : انا قررت اتجوز
مهيب : طب مس تشوف شغلك اللي اتبهدل الاول
شريفه : وماله يامهيب سيبه .. الشغل هيتصلح برده ان شاء الله .. والعروسه موجوده ومستنيه
يحيي عاقدا حاجبيه : عروسه مين اللي مستنيه ؟
شريفه بابتسامه : شيرين ياحبيبي .. بنت كلاسيك وشيك ومتربيه وجميله يعني الزوجه المناسبه
يحيي باامتغاض : بس انا مقصدتش شيرين .. انا في حد تاني ف دماغي
شريفه بحنق : ودي مين بقي ان شاااء الله ؟
مهيب بابتسامه من زاوية فمه : انا عارف مين
يحيي وقد اتسعت عينيه : قصدك مين ياعمي ؟
مهيب : حياة صفوان .....
شريفه عاقده حاجبيها : مين حياة صفو.... قصدك البت الممرضه
يحيي بضيق : لا دي دكتورة مش ممرضه
شريفه : لااااا ع جثتي البت دي تتجوزها
يحيي : ماما بقي انا....
مهيب : استني يايحيي ... ليه معترضه ياشريفه هانم
شريفه : عشان مش من مستوانا وكان باين اوووي انها بترسم عليه من الاول
مهيب : بصراحه البنت مكنتش بترسم وبعدين انا اعرفها واعرف اهلها كويس ياشريفه هانم يعني مفيش قلق
شريغه : تعرفها !!! ازاي
يحيي : وتعرف اهلها منين ياعمي
مهيب : ابوها كان لواء في القوات المسلحه واستاذي يعني قمه ف الاحترام وانا بصراحه شايفها الزوجه المناسبه
شريفه : بس انا مش مستريحه .. ولا حابه البنت دي
يحيي : وانا بقولك مستريح وبح..... بحبها
مهيب : متأكد يايحيي ؟
يحيي : اه ياعمي متأكد
مهيب : لو عايز تنسي حد بيها انا مش هسمح ليك بكده ولو ....
يحيي : اؤكد ليك ياعمي اني مش بفكر بالطريقه دي
مهيب : انا كده اقدر اقولك مبروك واختيارك سليم
شريفه : يعني اخبط راسي ف الحيط
- نهض يحيي من مكانه وجلس نصف جلسه عند قدميها ووضع كفيها بين يديه وقال ....
يحيي : ماما .. اؤؤكد ليكي انك لما تعرفيها كويس هتحبيها انتي لسه متعملتيش معاها وانا مش عايز ارتبط تاني وانتي مش موافقه
شريفه : ياحبيبي انا تهمني راحتك .. بس...
يحيي : بس ايه بقي ياست الكل .. قولي مبروك وفرحيني
شريفه مملسه ع شعره : مبروك يايحيي مبروك ياحبيبي
يحيي مبتسما : يبارك فيكي ياحبيبة قلبي
يحيي في نفسه : مرحبا بالمعاااااااارك
-----------------
( في المشفي )
سلمي : حبيبتي .. وحشاني موت
حمدالله ع سلامتك وصلتي امتي ؟
حياة : لسه واصله اول امبارح ياسمسمه .. انتي عامله ايه
سلمي : الحمد لله ياقلبي كويسه .. احكيلي عملتي ايه ؟
علاء يدخل : ياااااه اهلا وسهلا يادكتورة .. انا قولت انتي خلاص عجبتك المانيا
حياة بضيق : اهلا بيك يادكتور
علاء بسخريه : ياتري جيبتيلي معاكي هديه
من المانيا
حياة بتهكم: ليه هو حد قال لحضرتك اني كنت بتفسح ولا ايه ... انا كنت مسافرة ف شغل
سلمي : فطرتي يايوو ولا اجيب فطار ليا انا وانتي
حياة بضيق : ماليش نفس ياسمسم
..... : صباح الخير ... مش ده قسم العلاج الطبيعي
علاء : ايوة هو .. خير حضرتك ؟
..... : طيب فين دكتورة حياة صفوان ؟
حياة بدهشه : انا حياة صفوان
..... : الورد ده لحضرتك 
حياة بصدمه : لل ليا اناا
علاء : من مين الورد ده ياحضرت
سلمي بحده : واحنا مالنا يادكتور من مين
حياة : طيب شكرا يااستاذ .. هاته
( قرئت حياة الكارت المرافق بباقة الورد " وحشتيني ياللي هتكملي معايا حياتي فأنتي حياة قلبي ... من معشوقك يحيي " ) وكانت باقة الورد من البنفسج المغلفه ومربوطه بشريط حريري من اللون البينك ...
-فعلي وجهها صدمه ممتزجه بفرحه ممتزجه بابتسامه ممتزجه بتوتر .. مجموعه من المشاعر المختلطه التي لم تعرف سببها فلاحظ علاء ذلك عليها ...
علاء بخبث : واضح ان البوكيه من حد عزيز عليكي قوي
حياة بانتباه : هه ... تقصد ايه ؟
علاء : ولا حاجه .. عن اذنكوا
سلمي بصوت خافت: غور ياشيخ كتك البلي
حياة : هو الكائن ده مش هيحل عننا بقي
سلمي : ده انا كنت مستحملاه بالعافيه واللهي طول ماانتي مش موجوده .. بس قوليلي من مين مين البوكيه الغالي قوي ده
حياة باابتسامه : ده دده من .... يحيي
سلمي : ايووه بقي .. الحب ولع ف الدره يايووو
حياة بخجل : لمي نفسم .. ده اكيد شكر يعني ع اللي عملته مش اكتر
سلمي بنصف عين : ايييي لا ياااااشيخه عليا انا برده
حياة : تؤ بس بقي ... انا رايحه اشوف شغلي
--------------
( في الشركه )
يحيي : يعني خلصت كل الورق والتراخيص
بيبرس : كده كله تمام ياكوتش
يحيي : تمام .. انا عايزك تكلم صاحب شركه النهضه وتحدد معاه معاد بس لما ارجع من السفر
بيبرس : حاضر .. كويس انك قولت من دلوقتي عشان الحق اخد منه معاد
   - رفع يحيي سماعه الهاتف المجاور وطلب السكرتيره الهاصه بمكتبه ..
يحيي : ايووه.. تعاليلي حالا لو سمحتي
بيبرس : كده جدول الاعمال النهارده مفيهوش حاجه تاني
السكرتيره : أوامرك يافندم ؟
يحيي : عايزك تعرفيلي مواعيد رحلات السفر لسويسرا واقرب رحله طالعه امتي وفيها اماكن فاضيه ولا لأ
السكرتيره : حاضر يافندم .. تؤمر بأي حاجه تاني ؟
يحيي : لا اتفضلي انتي ...
بيبرس : انت خلاص نويت ؟
يحيي : ان شاء الله قريب
بيبرس : طب ياريت يبقي بعد الفرح لو سمحت
يحيي : انت حددت معاد فرحك ؟
بيبرس : ان شاء الله كمان اسبوع
يحيي بدهشه : طب ومستعجل ليه ؟
يحيي : انا روحت اتفرجت ع قاعات انا وحنين وبصراحه دي عجبتنا اووي ومكنش في اماكن قبل 3 شهور وكله محجوز ماعدا يوم واحد كان محجوز وصاحبه اعتذر ولغي الحجز فخدناه احنا
يحيي باابتسامه واسعه : مبروك ياعريييييس
بيبرس : الله يبارك فيك ياكبير عقبالك بقي
يحيي بثقه : قريب ... قريب ان شاء الله هتسمع الخبر اللي يفرحك
بيبرس : يارب يااخي
يحيي : المهم نخلص عشان ورايا مشوار مهم كمان ساعتين
بيبرس غامزا : مشوار ايه بقي ؟؟
يحيي : هههههههههه مالكش فيه واخلع منها عشان شكلك وووووووحش
بيبرس : احم... ايه الاحراج ده طيب انا هقوم بقي
يحيي : سكة السلامه يابيسو
..............................
     - كان علي في حاله من الثورة والغضب بعد ما علم برجوع يحيي سالما وكلاماته التي توحي بالتحدي فظل ذاهبا في غرفته ذهابا وايابا بينما ظلت صافي محدقه النظر به ولا تعلم سر ثورته ...
صافي : ماانا لو اعرف مالك بس بقالك يومين ؟
علي بحده : قولتلك ماليش هي حدوته
صافي بضيق : انت ازاي تكلمني كده ياعلي
علي بغضب شديد : الله الله هو انتي كمان هتعلميني ازاي اتكلم ولا ايه ؟
صافي : مش قصدي .. بس اول مرة تتعصب كده عليا وتكلمني بالاسلوب ده وانا don't love it
علي : دي طريقتي لو كان عاجبك ياهانم ..
ليكي عندي خبر بمليون جنيه .. يحيي الحبيب الاولاني رجع من المانيا زي الحصان وواقف ع رجله
صافي بصدمه : يي ي يحيي !!
علي والنيران تتطاير من عينيه : ايوه سي زفت
صافي : طط طب وانت زعلان ليه .. مالناش دعوة
علي : ده انا هدمره .. يااما يسيب الشركه ويفضها يااما مش هيشوف يوم عدل في حياته
صافي بحزن : علي انت بقيت عصبي اوي  ...
علي ممسكا بمعصمها : انتي مبقاش ف بوقك غير الكلمتين دول انت اتغيرت انت بقيت عصبي انت وانت وانت.. انتي ايه مبتزهقيش
صافي بتألم : اااااه دراعي ياعلي اااه
علي دافعا اياها : غووووري من وشي
صافي بدموع : ..........
( يرن هاتفه )
علي ف نفسه : وده عايز ايه ده كمان الزفت ده؟
علي : ايووووه  ... نعمين يااخويا .... مالكش عندي فلوس ... اللي عندك اعمله .... انت معملتش اللي اتفقنا عليه .... ها ها ها انا مبتهددش واخبط راسك ف الحيط ... لو كان راح ولا جراله حاجه كان هايبقي في كلام تاني....غور كتك الارف ..............
------------------
( في المشفي )
حياة : تعبت قوي النهارده
سلمي : معلش يايوو.. فاضل بالضبط 5 دقايق ونبقي براءه
حياة : انا هقوم اقلع البالطوا وارجع الم حاجتي عشان اول ما الساعه تيجي 9 همشي
سلمي : طيب
   - بعد ان انتهت حياة توجهت لاغراضها وجمعتهم ف عجاله واخذت حقيبتها وامسكت بباقة الورد باابتسامه وانطلقت للخارج فتفاجأت ب.....
    - كان يحيي يستند ع سيارته واقفا امام المشفي وحين رأها اعتدل ف جلسته واتسعت شفتيه ف ابتسامه واسعه فصدمت بوجوده وارتسم ع وجهها علامات الضيق والحنق..
يحيي : مساءك بلون البنفسج
حياة باامتغاض :  اهلا... ممكن اعرف ايه اللي حضرتك بعته النهارده ده ؟
يحيي بابتسامه واضعا يده ف بنطاله : ده هديه متواضعه جدااااااا
حياة ممده يديها بالورد : اسفه مش هقدر اقبل منك الورد ده
يحيي عاقدا حاجبيه : نعم !!
حياة : متعودتش اني اقبل حاجه من حد معرفوش قصدي مفيش سبب اقبل عشانه هديتك
يحيي بثقه : بس هايبقي في
حياة بعدم فهم : لو سمحت اتكلم بطريقه مباشرة وبلاش لف ودوران
يحيي : انا ولا بلف ولا بدور .. بب بصراحه كده انااا.....انااااا
حياة : انت ايه يااستاذ يحيي .. مينفعش الاسلوب ده والوقفه دي عن اذنك
يحيي ماسكا يديها : استني بس ياحياة انا....
علاء : الله الله ... ايه اللي انا شايفه ده ؟
حياة بقلق : فف في ايه يادكتور علاء
يحيي : في حاجه يااستاذ ؟
علاء : ايه اللي انتي بتعمليه ده يادكتورة ورد وحب وسفر ... وكمان وقفه قدام المستشفي
حياة بشده : اانت بتقول ايه انت اتجننت انا  ...
يحيي بحده وصوت اجش مخيف: استني انتي انا واقف .... انت ازاي تتكلم معاها او عنها كده انت اتجننت ولا في حاجه مخك
علاء ببرود : انا بتكلم عن اللي شايفه بعيني عن الدكتورة المحترمه
حياة بدموع : محترمه غصب عنك ياحيوان انت....
   - رفع علاء يده وكاد ان يهجم ع حياة كالحيوان المفترس ولكن امسك يحيي به ف اخر لحظه ....
حياة برعب : هاااااااااا
يحيي ممسكا بيده : لاااا انت كده لعبت ف عداد عمرك النهارده ..... بووووووووووووووم
- انقض يحيي ع علاء باللكمات الموجعه حتي نزف فمه كثيرا ...
حياة بصراخ : بسسسسسسسس بس بقي بسسسس سيبه هيموت ف ايدك يالهوي حد يلحقهم ياناس
   - خرج امن المشفي اثر استغاثات وضراخ حياة وبالفعل فضوا التشابك القائم بينهما
علاء واضعا يده ع وجهه : واللهي لاندمك واندمها ..
يحيي بغضب  : لو فكرت تيجي جمبها ولا تمسها بكلمه هندمك ع اليوم اللي شوفتني فيه يازباله
علاء : انا هعرفك واعرفها مين اللي زباله
يحيي : غور من وشي بدل ما اعمل معاك الصح دلوقتي
علاء : سلام يا...... يادكتورة
حياة ببكاء : ايه اللي عملته ده .. ليه مسبتنيش انا اللي ارد عليه كنت حليت الموقف ف هدوء
يحيي : ممكن تهدي ومتعيطيش وبعدين نكمل كلام
حياة : مفيش كلام هيكمل .. عن اذنك
يحيي : حياة انا اانا اسف بس مقدرش اشوف حد بيتعرض ليكي ولا حتي بكلمه تزعلك واقف اتفرج
حياة : اعتقد كفايه اللي حصل ولو سمحت تمشي ومتجيش ورايا
يحيي : طب تعالي اوصلك
حياة : لاااااا انا اعرف بيتي كويس
    - انطلقت حياة واستقلت سيارة للاجره بينما ظلت دموعها تنسال من عينيها بغزاره بدون اي صوت بينما ظل يحيي واقفا ف مكانه للحظات ثم عدل هندامه واستقل سيارته وانطلق بسرعه ...
( منزل حياة )
صفوان : مالك ياحياة .. عنيكي منفوخه وحمرا كأنك معيطه
حياة : مفيش يابابا انا كويسه بس محتاجه ارتاح
صفوان : متقلقنيش عليكي يابنتي .. قولي لبابا حبيبك مالك فيكي ايه
حياة : مش عايزة اتكلم دلوقتي يابابا لو سمحت .. ممكن نتكلم بعدين ؟
صفوان : طيب ياحبيبتي ادخلي غيري هدومك وخدي حمام بارد كده عشان تفوقي
حياة بتنهيده : حاضر
..................
( منزل بيبرس )
بيبرس : حنين حنين حنين حنين حنين ...
حنين : ايييييييه وطي صوتك ماما مايسه نايمه
بيبرس بصدمه : ايه اللي ف وشك ده ياحنين ... رز باللبن
حنين : ده ماسك بالزبادي والعسل
بيبرس رافعا حاجبيه : اااه وده لزمته ايه بقي ؟
حنين : لااا ده ليه فوايد كتير بص ياسيدي ...استني هنا انت كنت بتنده كل ده ليه.
بيبرس باابتسامه : ليكي عندي مفاجأه هتجننك بس والنبي شيلي البتاع اللي ع وشك ده عشان نفسي تتفتح ع الكلام
حنين عاقده حاجبيها : مممم طيب ثواني وجايه
.............
حنين : انا جيييييت
بيبرس : منورة ياقلبي .. بس تصدقي وشك نور فعلا
حنين بخجل : ميرسي .. كنت عايزني ف ايه ؟
بيبرس : غمضي عنيكي ؟
حنين واضعه يدها ع عينيها : اهو
  - فتح بيبرس حقيبته الجلديه السوداء واخرج منها ملفا يحمل العديد من الاوراق واخرج منه عدة اوراق ووضعها بين يدي حنين
بيبرس : امسكي دول
حنين فاتحه عينيها : ايه ده ياحبيبي
بيبرس : اقري وانتي تفهمي ؟
حنين بدهشه : اا ا انا مش فاهمه حاجه .. ده ورق الجامعه بتاعي بس جيبته منين
بيبرس باابتسامه : انتي ان شاء الله هتكملي تعليمك انا خلصت كل الاجراءات وهاتبدي السنه الدراسيه الجايه دي يعني بعد 3 شهور
حنين بفرحه ممزوجه بدموع : ايييه هه ه هكمل تعليمي بب بجد احلف طيب
بيبرس : بجد فرحانه ؟
حنين ؛ انا انا فرحانه قوي قوووي
   - اقتربت حنين من بيبرس بسرعه واحتضنته بشده وتشبثت به بشده بينما حاوطها بذراعيه ومسد ع شعرها برفق
بيبرس : بحبك اوي اوووووووووي
حنين : انت بجد الفرحه اللي ربنا بعتها ليا عشان يعوضني عن كل حاجه
بيبرس : احلمي بس ... وانا عليا التنفيذ
ترررررررررررررن
بيبرس بضيق : يالهووووووووي ع الفصلان
حنين : ههههه طب رد
بيبرس :لالا خليكي ف حضني شويه ده انا ماصدقت
حنين : بس بقي ورد
بيبرس ناظرا لهاتفه : ربنا يهدك ياشيخ ..ده يحيي
بيبرس : الووو ايه يازفت عايز ايه .... عملت ايه ف ليلتك ... يخرب بيتك .... طب اوعي تمون عملتله عاهه ولا حاجه ..... انت ع طول متهور كده ...... طب اهدي ياعمنا شويه ..... انت اتجننت ولا ايه تروح فين ياعم انت دلوقتي
يابني انت ولا واخد معاد ولا حاجه.... براحتك يايحيي.... سلام ياعم الرومانسي
حنين : في ايه اللي حصل
بيبرس : هو احنا كنا بنقول ايه ؟
حنين :كنا بنقول اني داخله انام عشان الوقت اتأخر
بيبرس بضيق : طيب ياحنين .. تصبحي ع خير
حنين بصوت هامس : وانت من اهلي
بيبرس باابتسامه : تصبحي وانتي مراتي حبيبتي
........................
صفوان : المفروض مكنتيش تقفي تتكلمي معاه ياحياة او كنتي عملتي نفسك مش واخده بالك منه
حياة : اهو اللي حصل يابابا اعمل انا ايه دلوقتي
صفوان : واضح ان علاء ده مش كويس وهيعمل حاجات مش صالحك
حياة : هااااا طب والعمل
       - تن تن تن تن
صفوان : افتحي الباب وبعدين نكمل كلامنا
حياة : طيب
   - فتحت حياة الباب وع وجهها علامات الضيق فارتسمت ع وجهها علامات الصدمه والفزع ...
حياة : هااااااا انت بتعمل ايه هنا ؟
يحيي : ممكن اقابل استاذ صفوان
حياة : لو سمحت تمشي من هنا بقي وكفايه اللي حصل
يحيي : انا مش جاي عشانك.. انا جاي للاستاذ صفوان
حياة : وانا بقولك .....
صفوان : مين ياحيااة
حياة بتوتر : دد د ده
يحيي : ده انا حضرتك ..
صفوان بدهشه : مين حضرتك ياافندي
يحيي : انا يحيي مهاب .. اكيد سمعت عني
صفوان بضيق : خير يااستاذ يحيي
يحيي : انا جاي لحضرتك ف موضوع مهم
صفوان : طب ادخل يابني مش هنتكلم ع الباب ميصحش
يحيي : شكرا
صفوان : ادخلي اوضتك ياحياة وسيبيني مع الاستاذ
حياة : حاااضر
صفوان : قبل اي كلام حمدالله ع سلامتك
يحيي : الله يسلم حضرتك
صفوان بحده : تاني حاجهواللي حصل النهارده ده مكنش يصح يابني انت كده ....
يحيي : انا اسف اني هقاطع حضرتك ف الكلام بس انا مش جاي اتكلم ف حاجه انا كنت جاي ...... عشان اطلب من حضرتك ايد الانسه حياة بنت حضرتك
صفوان : ...هه........