(بعد النهاية||)After the end

Chp.8

سما: بس انا مش عايزه حد يعيش معانا هنا

حمزه: هي مش هتعيش معانا.. دي هتكون هنا بس و انا بره البيت.. و لما ارجع من الشغل هي هتمشي

سما: يا حمزه..

حمزه قاطعها: شششش انتي بترغي كتير ليه؟ قلتلك هي هتيجي يعني هتيجي..

(جرس الباب رن)

شكلها وصلت.. هروح افتحلها..

(فتح الباب و كانت الخدامه هي اللي بره.. دخلها المطبخ علشان يشرحلها اللي هي هتعمله.. )

حمزه: انتي اسمك ايه؟

.....: سمر يا بيه

حمزه: ماشي يا سمر.. المدام اللي ف الاوضه جوه دي سما مراتي..

انتي اللي مطلوب منك انك تنضفي البيت و تعملي الاكل..

و مش عايز المدام تقوم من ع السرير خالص..

و تاخد الادويه ف مواعيدها

سمر: حاضر

حمزه: لو عرفت انها قامت من ع السرير مش هيحصل كويس..

هي تعبانه و لو عملت اي مجهود حتي لو صغير ممكن يحصلها حاجه

سمر: ربنا يشفيها.. متقلقش يا بيه انا هشيلها علي كفوف الراحه

حمزه: تمام.. انا هرجع من شغلي ع الساعه 4 كده ممكن تمشي بعدها.. بس يكون الاكل جاهز

سمر: حاضر

حمزه: يلا سلامو عليكو..

(خرج حمزه من المطبخ و راح ل سما)

حمزه: سما البنت ف المطبخ دلوقتي.. انا هنزل اروح المكتب..

سما: اووك.. خلي بالك من نفسك

حمزه: اوك يا حببتي و انتي متتحركيش كتير علشان خاطري

سما: حاضر..

(حمزه باس راسها و بعدها نزل علي شغله...

دخلت سمر علي سما علشان تشوف اذا كانت محتاجه حاجه..

سمر: سلامو عليكو..

سما: عليكم السلام..

سمر: انا سمر الشغاله..

سما باستغراب: انتي عندك كام سنه؟

سمر: 17 سنه

سما: بس انتي صغيره اووي ع الشغل ده يا سمر

سمر: معلش بقي يا ست هانم اكل العيش مر..

سما: ربنا معاكي..

سمر: حضرتك عايزاني اعملك حاجه قبل ما ابدا تنضيف؟

سما: لا شكرا.. نضفي اللي تقدري عليه و الباقي بعدين

سمر: حاضر..

(خرجت سمر من اوضه سما و راحت علي المطبخ..)

•°•°•°•°•