قصة حب و اقعية

Part (1)

زينب
اليوم كباقي الأيام استيقظت على صوت أمي و كانت الساعة 10 صباحا
أمي : زنوبة كومي اتأخرتي على دوامج لج كومي.
زينب : بس نص ساعة ماما و اكوم و داعتج.
أمي : زينب كتلج كومي.
زينب : يلا خلص كمت ماما .

زينب
غسلت وجهي و رحت أخذت حمام و فطرت (اتريكت) بعدين خابرتني بنين صديقتي
بنين : الو هلو زنوبة
زينب :الو هلوو حبي
بنين : راح أجي فد شوية الكاج مبدلة اوكي
زينب : اوكي افتهمت
بنين : بااااااي ام كفشة
زينب : باااااي جكمة

محمد
الناس تكعد على صوت فيروز على ام كلثوم اني كعدت على صوت مينا(أخت محمد الصغيرة)
مينا: كوم بابا يريدك بالشركة .
محمد: اي يلا اجيت ، يلا روحي.
مينا : اوكي ، يلا رايحة قابل أضل مكابلتك.
محمد : نزلت لكيت أمي بست راسة و غسلت وجهي و شربت شاي و أخذت الفون مالتي و بدلت ورحت للشركة.

بنين
كعدت الصبح كالعاده على صوت الخدامة مالتنة
غسلت وجهي و خابرت زينب و كتلهة راح اجي فد شوية و رحت اخذت حمام و أكلت و بدلت و رحت لزينب و لكيتهة طالعة كيكة.
بنين : شطالعة اليوم تخبلين.
زينب : صدووووك ، انتي الاحلى حياتي.
بنين : اي والله ، شكرا و كافي رسميات عوبة.
ثم توجهنا إلى المدرسة

علي
بديت صباحي وي احلى ضلع رأفت (صديق علي) نسيت اكول الكم اني ساكن بالعراق بس هسة اني ماليزيا دا ادرس و بعدين ارجع للعراق الصبح اكعد العب رياضة اني و رأفت و هسة خلصنا كمت سويتلنة أكل و أكلت اني و رأفت .
علي : رأفت عرس أخوي بعد اسبوع تجي لو لا.
رأفت : اي أكيد ابو عروبة اجي .
علي : اوكي لعد راح احجز الك .
رأفت : اوكي.
علي : يلا رأفت كافي تفيكات راح نتأخر و تدري بدكتور جون ميدخلنة اذا اتأخرنة دقيقة.
رأفت : يلا عيني سندس خلصت كافي تحجي.
توجهنا الى الجامعة

زينب
كنا ذاهبين الى المدرسة و فجأة جاءت سيارة مسرعة تذهب بأتجاهنا فكنت انا لم انتبه ثم انزلقت رجلي و وقعت امام السيارة.
صاحب السيارة : يابنية انت بخير.
زينب : الحمدلله مابية شي بس نصيحة مني الك اعتبرني أختك الصغيرة لا تسوق السيارة مسريع مفهوم أخي.
صاحب السيارة : شكرا على النصيحة و راح اخذهة بعين الاعتبار و آسفة كولش.
زينب : لا عادي .
بعد أن ذهب ذلك الشاب
بنين : لج شفتي يخبل.
زينب : و هسة تريدين.
بنين : ما أريد سلامتج.

محمد
كنت مسرعا في قيادتي و اصدمت بفتاة جميلة جدا غريبة غير باقي الفتيات انها هادئة و مؤدبة رغم غضبها إلا انها كانت هادئة و قدمت الي النصيحة بشكل جميل انها طفلة لكنها كبير .

زينب و بنين
بنين : بعدج تحبينه.
زينب : أكيد مو حابة اموت علية.
بنين : لازم تنسينة.
زينب : ما اكدر حب الطفولة و المراهقة و الكبر بس كوليلي شلون انسى اذا اني ما يمر يوم و ما اتذكرة.
بنين : علاوي ميفيدج هو أكبر منج بهوواي و ثاني شي صديق اخوج و ثالث شي اصلا و لا معبرج.
زينب : دمعت عيناي لكن هذه الحقيقة ثم نظرت لي بنين و حضنتني.
بنين : شعندي غيرج ليش ما نتزوج مو احسن هههههه.
زينب : هههههه فكرة حلوة بس و سجاد (حبيب بنين).
بنين : خل يطير يجي بمعزتج انت عمري و صديقت طفولتي احبج ضلعتي.
زينب : و اني هم عمري انت .

زينب
سوف أتحدث عن قصة علي هو صديق أخي من عمري سنة و أنا احبه لحد هذا اليوم أحبه بس هو أكبر مني بحوالي 11سنة و هو يعتبرني أخت له و مع هذا فأنا أحبه و أتذكر عندما كان عمري 13سنة جاء الى بيتنا و عطرهه ملأ الغرفة عندما خرج بقيت نائمة في الغرفة و بعد أسبوع عرس اخيه سوف اذهب إلى هناك مع بنين سوف تتفاجئون لكن زوجت اخ بنين تكون ابن خالت علي و هي تعرف عني لهذا سوف تحضر بنين و غفران (أخت بنين)

بعد أسبوع
بنين : اليوم يومج يا زوبة اليوم تلعبين طوبة.
زينب : هههههه لج اسكتي هسة تجي المدرسة و تفصلنة.
بنين : اليوم فرحانة ، حضري نفسج زين مو تطلعين جنج انيسة الونيسة ههههه .
زينب : دنجبي لج قابل اني مثلج انت جنج طاوة محتركة ههههه.
بنين : هههههه فديتج اعبج.
زينب : ههههه اموت عليج .
بعد أن إنتهى الدوام

زينب
لمن رجعت اكلت و أخذ حمام و طلعت لبست فستان من الصدر مخطط ابيض و اسود و فيه حزام سادة اسود و التنورة لون أحمر لبستة مع كعب اسود و حجاب اسود و شنطة سودا فيها أحمر قليل خرجت مع أخي الكبير و الصغير و أمي و كان السائق صديق أخي و امهة كنت جالسة خلف صديق أخي و كان ينظر آلية و عيونهة لم تفارق المرأة نظرت إلى نفسي
كنت اتكلم بيني وبين نفسي هذا شبي انحول خبيب حضي و بعد أن وصلنا إلى القاعة كانت نساء فقط و جلست و كان شخص أغمض عيني
زينب : منو؟؟؟.
بنين : شدعوة ما عرفتينة.
زينب : بنونة حبي مو .
بنين : اي صح ، شبيج مو على بعضج .
زينب : لج صديق اخوية الي جابنة بس يباوع علية .
بنين : اي عيني حقه يباوع اذا انتي طالعة كيكة قابل يغمض .
زينب : هههه دنجبي ، ما شفتي علاوي.
بنين : لا بعدني بس يكولون لابس قاط اسود و فيونكة لون أحمر.
زينب : صدووك والله يعني منسق وياي فديت .
بنين : ديلا اسكتي كبر عوبة .
بعد نص ساعة
بنين : خل نكوم نركص.
زينب : اوكي بس بمكان وحدنة .
بنين : اوكي تعالي يم الطاولات.
زينب : خلو أغنية يمة حميد يمة و ضلين نركص جان إجت بنية ممكن اركص وياكم لان ضايجة اي تعالي حبي و تعرفنة عليهة و كتلهة علية و حجيتلهة على بنين و سجاد و هي هم كامت تحجي على نفسهة و نسيت اكولكم اسمهة تارا.
ام تارا : يلا تارا تعالي راح يجون العريس و العروس .
تارا : يلا بنات خل نوكف و نصفك .
بنين &تارا : زينب سوينة الج مفاجأة راح يجي علاوي و تشوفينة يركص.
زينب : صدووك بنات احبج والله .

دخل العروسين و كانو في غاية الجمال
دخل بعدهم علاوي
يارا& بنونة : اجة حبيب الكلب اجة يمة الحب يمة ❤ .
زينب : اسكتن خل اباوع يمة كلبي يدك سريع صاير حلو اووف ربي كون هسة اني زوجتة شيصير.
بنين : لا غلطانة يصير عندكم اطفال غبية .
تارا & زينب : ههههههه مخبلة بنين .

زينب
اجة علاوي و دكات كلبي تزيد ياربي شسوي و كام يركص راح اموت شوفو البنات الملطلطات شلون يباوعن اخ والله إلا الزمهن اموتهن بعد ما طلع علاوي و قدمو الهداياا و حنو العروس راح العريس يم الولد .
زينب
جان اني واكفة صديقاتي يطكن صور لاحظت وجودة فاشغلو اغنية هذا حبيبي احبة كولش هو ضل يباوع و صديقاتي يراقبن لان اني عود ما منتبهة و كالت آلية يارة سيلفي سويت أيدي هيج✌ و اخذنة و ضل يباوع لحد ما صاحو و طلع و بيهة صديقاتي ماتو من الضحك .
بعد ان انتهت الحفلة سلمت على الجميع أمي ما زالت في الأعلى و أنا زلت من الدرج و كأني أميرة لانني فرحانة بوجود علي فجأة رفعت رأسي و وجدت علي قال لي ؟؟؟؟

_____\/_____\/_____\/_____

حبايب هسة خلصت البارت و نزلتة فديتكم ادعموني أول رواية الية أحبكم 😘😍❤

ZOZO-QUEEN : الكاتبة