ام حسام:ياستار قلبه مو
هاله:اي ،والمصيبه يريد يزوجني جايني واحـد طبيب ومقتنع بي،بس اني ماريد اتزوج غير حسام ولا اريد ابني يربى بعيد عنكم لان هذا يكول اخذها واسافر خارج العراق،خاله فدوه تعالي اقنعي بابا وگوليله لتزوج حبابه
ام حسام:اهدي ماما اهدي متزوجين هالولد لو مادري شيصير ،ولتخافين اني الگالي حل
هاله:شحتكوليله
ام حسام:ماعرف بس مستحيل اخلي ابن حسام يربى بعيد عن بيت ابو مستحيل
هاله:انتظر جيتج خاله واريد تقنعي لان اموت اذا اتزوجت هذا
ام حسام :الله كريم بنتي امسحي دموعج واطمني
_اغلقت ام حسام الخط وذهبت الى ابو حسام وفاتحته في موضوع بخصوص هاله وابنها،ابو حسام وافق وامرها بالذهاب الى بيت هاله...
_في اليوم التالي بيت هاله🕐
ام هاله:اهلا وسهلاً ام حسام اتفظلي
ام حسام:زاد فظلج حبيبتي ابو هاله وينه شلون صار
ام هاله:والله كل يوم حالته دتسوء ومن طبيب الطبيب الله يستر
ام حسام:لتخافين ان شٌــاآء الله يتحسن خلي ايمانج بالله قوي
ام هاله:هو ماعندي غير الله يباوع علينه ويرأف بحالته
ام حسام:اكدر اشوفه
ام هاله:اي اكيد تعالي هو نايم بالغرفه
_دخلت ام حسام الى غرفة ابو هاله
ام حسام:متشوف غير العافيه ابو هاله صدگ چذب كوم ع حيلك
ابو هاله:الله يسلمج ام حسام تعبتي روحج واجيتي
ام حسام :صدك جذب احنه مو غربه
ابو هاله:انتو اهل و ع الراس
ام حسام اللّـهہ. يسلم راسك ،ولو الوقت مو مناسب بس حبيت افاتحكم بموضوع
ابو هاله:گولي ام حسام
ام حسام:هاله بعدها صغيره واترملت وهي بهالعمر ،ادري انو هي من حقها تزوج وتأسس حياة جديده بس احنه منريد حفيدنه يتربى ابحضن غريب خصوصاً المرحوم حسام سوده عليه وصانة علي وكانت وصيته انو ابنه ميتربى بغير بيته ،بس بما انو احنه منريد نبعده عن امه ونخاف الله وهو ديجينه دائما فعفنى هنا يمكم،لكن اذا هاله اتزوجت غريب ماكو حل غير انو لو ناخذ الطفل لو انو نكسر وصية ابو ونخلي يتربى يم رجال غريب
ام هاله:بس انتي اكيد محتحرمين الطفل من امه ولا هاله حتبقى هيج لان هي مثل مگلتي بعدها صغيره
ام حسام:اكو حل يرضي جميع الاطراف
ابو هاله:اللي هو؟
ام حسام:اني جايه اطلب ايد هاله الابني همام
ام هاله:شنو😳
ام حسام:ماكو غير حل بهالحاله حتكونون مأمنين ع بنتكم واحنه حيتربى حفيدنه بحضنه مثل مراد ابو بعدين انتو تعرفون اخلاق همام زين واكيد محيكون احن ع هاله وابنها من الغريب
ابو هاله:والله فاجئتيني ياام حسام اگول الهاله واشوف رأيها
ام حسام:ماشي واحنه ننتظر رأيكم ورأي هاله،يلا هسه اني اترخص ومايمك غير العافيه ابو هاله
_كانت هبه تستمع الى حديثهم فصعدت الى غرفتها وهي مصدومه وتبكي،ثم اتصل همام بها
هبه:الو استاذ همام
همام:الو حبيبي شلونج شبي صوتج😳
هبه:متعرف شبي صوتي مو،اذا انت تريد تزوج اختي شعندك دتخابرني بعد ها
همام:سالمين هبه هاي شدتخربطين شنو اتزوج اختج
هبه:ليش متدري انو امك اجتي هسه وخطبت هاله الك
همام:تحجين صدك انتي لو اتخبلتي
هبه:مااتوقع هالكلام بي شقه
همام:ماادري بهالموضوع اصبري اروح افهم شنو القصه باي
_صعدت ام هاله الى غرفة هاله
ام هاله:ها نام الحلو
هاله:اي شلع گلبي يلا نام
ام هاله:تدرين اجتي ام حسام
هاله:صدك خل انزللها
آم هاله:لا راحت هستوهه
هاله:سكد عيب ماما غير اتصيحيلي ،كنت ملتهيه انوم علي
ام هاله:هي متأخرت واجتي بخصوص موضوع
هاله:شنو الموضوع
ام هاله:اجتي تخطبج الابنها همام
هاله:شنو😳
ام هاله:مثل مسمعتي شنو رأيج
هاله:اكيد لا همام مثل اخويه وفوكاها اخو حسام هاي شبيكم
ام هاله:بعد ماعرف تكول انو اذا راحت الغريب معناها حفيدنه يتربى بغير مكان،تتزوج همام احسن ابنه يتربى يمنه وابوج يرتاح قلبه
هاله:زين واني اني شنو حذفتوني من كل هالقرارت رأي ماعندي،يعني فوك مراح حسام والقهر العايشه بي النوب قهركم حسو بيه شويه مو حموت والله حموت
ام هاله:كافي ياعمري لتبجين ،فكري بأبنج وبنفسج ابوج هم حقه ،واني اشوف لو توافقين ع همام احسن هالحل يرضي جميع الاطراف
هاله:ماما من رخصتج اريد ابقى وحدي
ام هاله:اوك بنتي بس فكري زين بنفسج وبينه كلنه
_نزلت ام هاله،فأخذت هاله الهاتف واتصلت بأم حسام
ام حسام:هلاو ماما هاله
هاله:خاله شنو هذا السمعته
ام حسام:عندج غير حل،اني مااگدر احرمج من ابنچ وبنفس الوقت مااريد ابن حسام يتربى بحضن غريب،فهميني شلون بله
هاله:خاله كتلج اقنعي ابويه انو مااتزوج مو تخطبيني الاخو رجلي
ام حسام:هاله شنو انطي اوامر للرجال اگوله لتزوج بنتك هسه يكولي اني حر وهو حقه يأمن عليج ،بعدين هالزواج اعتبري ع الورق وبس ابين ماالله يفرجها
هاله:مااگدر خاله صعبه والله صعبه
ام حسام:فكري بأبنج هاله وكلشي بدايته صعبه بعدين نتعود علي ،وهسه اني بعدني بالتكسي اوصل للبيت واخابرج يلا باي
_ضلت هاله تبكي ولا تعلم اي قرار مناسب ممكن ان تتخذه بحق نفسها واهلها وولدها ،اما هبه فجالسه تبكي في غرفتها بعد ان سمعت تلك الاخبار ،وهمام في صدمه وحيره من ما سمعه من هبه،بعدها فتحت وصلت ام حسام الى منزلها وفتح لها الباب همام
همام:ليش اخابرج الف مره متجاوبيني
ام حسام:لان اعرف بيا موضوع تريد تحجي وگلت اوصل ونتفاهم
همام:وهسه وصلتي ممكن اعرف هذا اللي سمعته صح لو غلط
ام حسام:اي صح
همام:شنو الصح يمه شنو الصح تريديني اتزوج المره اللي چان اخويه يموت بيها ويحچيلي عنها وعن حبه الها،وبالموت يلا صارت اله،وفوگ كل هذا تروحين تخطبيها واني اخر من يعلم هاي شبيج شنو دتحاربيني لو شنو
ام حسام:ماكو ام تحارب ابنها ،بعدين هالقرار مو بكيفي اخذته اكو ضروف جبرتني انو اتخذه ،وقررته عنك لان اعرف ومتأكده من انو ابني الوحيد اللي بقالي بهالدنيا محيكسر كلامي حتى لو الموضوع صعب وادري بي شكد صعب عليك وحتى ع هاله،بس تقبل انو وصية اخوك نكسرها ونخلي ابنه يتربى بحضن غريب
همام:حضن غريب شنو اكيد لا بس مو معناها انو اتزوج امه
ام حسام:اللي متعرفه انو ابو هاله مريض وحالته خطره وديريد يزوج هاله ،فأكيد لو حنحرم الطفل من امه وهذا مااقبل بي لان البنيه كافي اللي خسرته ،واذا اتزوجت يعني علي يروح من عدنه واضل اني لا حسام ولا ابنه ،وحسام وصاني ع ابنه ومرته
همام:زين واني حياتي شلون،وشلون اقبل اخون اخويه بتربته
ام حسام:هذا شرع الله ،الله محلله يعني ماكو اي خيانه بالموضوع ،بالعكس هيج حتريحه لان حتكون حافظت ع مرته و ع ابنه
همام:يمه بس اني احب..
ام حسام(قاطعت همام)يمه فدوه فكر بيه ولتحرگ قلبي ع علي مثل محترگ ع ابو ابوس ايدك اتزوج هاله والله ماعندي غيرك ومبقالي احد اتكل علي غير انت،حتى لو بس ع الورق المهم يعيش علي بأحضانه فدوه يمه
همام:كافي يمه كافي لتبچين اللي تريدي يصير
_في المساء اتصلت ام حسام بهاله
