الاب / اريد اكوللكم شغلة مهمة اتخص الشركة ولارا
الام / شكو حبيبي اشصاير
الاب / طبعا اني ردت انو يكون عندي ابن علمود يساعدني وهسه اجتني طلبيه مالت الشركة لازم اسافر اوابني الجبير يسافر لتركيا علمود اتم الصفقة لانه راح نحصل على هواااي ارباح بهاي الصفقة وبما انه محمد بعدهه اصغير هو ورقية بعدهم ممكملين هاي السنه الدراسية الا انه هذا جان اخر امتحان ال لارا واني ما اكدر اترك الشركة بيد الموظفين لانه ايجوز يردون توقيعي او يحتاجوني بشي فقررت انه لارا لازم اتسافر لتركيا .....
الام / ان شاء الله لارا بنتي على كد هاي المسؤلية
لارا / ان شاء الله بابا من عيوني بس بيا يوم اسافر
الاب / بنتي بعد يومين
لارا / اوك بابا ورحت شلت المواعين وغسلت والكل راح بغرفته وناموا واني صعدت بغرفتي وتعبت ونمت
** بعد يومين في صباح جديد **
الاب / بينتي ديري بالج عن نفسج و نست اكولج راح اتكون الثفقة وية الاستاذ مهند
الام / بنتي الله يوفقج و يرجعج بالاسلامه
رقية ومحمد / راح نشتاقلج لارا
لارا / واني اكثر وحضنت الكل وودعتهم
السائق / انسة لارا وصلنه لتركيا
لارا / اشكرك ونزل السائق الجنط ورحنه للفندق واستقبلنه شاب انيق لون بشرته ابيض ثلج وعيونه بنيه وابو عضلات سلم عليه وكلي انتي الانسة لارا وائل
لارا / نعم انت الاستاذ مهند
مهند / نعم اني تفضلي اشوفج الغرفة مالتج ورحت للغرفة وكلي لاتنسين انسة لارا باجر المقابلة وية اشخاص يلي راح اتم الصفقة وياهم باجر الصفقة الساعة 8 ونص
لارا / نعم شكراً استاذ مهند راح اجي على الوقت بالضبط
** في صباح اليوم التالي **
رن المنبه عل الساعة 7 الصبح اخذت شاور وفرشت اسناني وبدلت جينز اسود و تيشيرت احمر و بيهه وردة جبيرة بالون الابيض وجنطة بالون الاحمر وحذاء كعب عالي بالون الاحمر وفتحت شعري وسويت تسريحة بسيطة وحلوة وحطيت مكياج خفيف وطلعت وشفت الكل كاعدين بالصالة ومنتظريني
مهند / للحظة شفت الملاك الي نزل من الدرج حسيت اكو شعور ابداخلي انهز من مكانه وكلت اهلا وسهلا انسة لارا
لارا / اهلا استاذ مهند
مهند / تفضلي خلي نحجي بالصفقة
لارا / بدينه نحجي على موضوع الصفقة وللحظة شفت مهند ديباوع عليه بنظرة غريبة وانتهى الاجتماع وكل شخص راح لشغله وباوع عليه مهند من فوك ليجوة وكلتله محتاج شيء
مهند / لالاالالا اسف
لارا / ولو
لارا / رحت على غرفتي وجنت كل ساع اظل افكر ب مهند ومراح من بالي لحد منمت
مهند / بعد من مراحت الملاك لارا رحت لغرفتي وضليت افكر ب لارا لحد ماجفوني ثكلت ونمت
وخلص البارت ان شاء الله عجبكم شتتوقعون معقولة
صارت مشاعر بين مهند ولارا
تابعوا البارت الجاي
