الجـــزء الـسادس :) "انا بحاول اطول فـ الاجزاء علشان تقروا اكتر"
يا رب يعجبكوا
" الحلقـة السـادسة "
ونزلت اسراء وراحت النادى ولقت باسم قعد مستنييها و مشيت ناحية الترابيزة اللى هو قاعد عليها وراحت شدت الكرسى وقعدت ..
بـاسم : ازيـك يا اسراء
اسراء : انا مش جاية اسلم
باسم بـ استغراب : امال انتى جاية لية !
اسراء : بص انا مش هقولك اللى جوايا عشان انا زهقت
باسم : اتفضلى ..
اسراء : بص يا ابن الناس انا وانت زمان اما كنا مع بعض كنا اطفاال وانت سبتنى ومكملتش معايا للاخر وزى ما انت سبتنى وخلتنى نسيتك وبعدت انا كمان دلوقتى بعيدة ومش عايزاك فـ خلى عندك دم وكرامة وملكش دعوة بيا وابعد عنى بقى كفاية قلبت اخويا عليا وطريقته معايا بسببك وحوار انك بترقبنى وحيات امى يا باسم لو سمعت حاجة من طرفك تانى .. مش هقولك انا هعمل اية .. والجامعة بتاعتى جزمتك متخشهاش .. ماشى؟
باسم : اية الاسلوب اللى انتى بتتكلمى بيه ده ما تتكلمى عدل شوية ده انا برده اكبر منك ..
اسراء : طب كويس انك عارف انك اكبر منى فـ كبر دماغك بقى وبلاش شغل اطفال ^^
باسم : عايزة اية انتى دلوقتى؟
اسراء : يا نهار اسووود :@
باسم بصصلها بـ استفزاز
اسراء : ممكن تطلع من حياتى و ولا اكنك شوفتنى فـ حيـاتك؟
باسم : مش هقدر انا بحبك
اسراء : هو انت مصدق نفسك!
باسم : مش فاهمك
اسراء : مصدق نفسك انك بتحبنى؟ هو فيه حد بيحب حد بيعمل معاه كده؟
باسم : يا اسراء انا عايزك معايا
اسراء : وانا مش عايزاك انت مبتفهمش؟
باسم : طب هو فيه حد تانى فـ حياتك
اسراء : والله حاجة ملكش فيها
باسم : متتكلمى عدل بقى وكفاية كده
اسراء : انا مش هتكلم خالص اخر جملة هقولهالك ..
لـو راجـل .. " مش عايـزة اشوفـك فـ حيـاتى تـانى "
وقـامت اسـراء سبته ومشيـت مستنتش منـه رد ..
وبعديهـا كلمــت سمـر عشـان هتروح تبيت عنددهـا ^^
وفعلا راحتلهـا ..
سمـر : ايـة عاملة اية ؟؟
اسراء : تمام وانتى؟؟
سمر : الحمدلله
مـامت سمـر : ازيـك يا اسراء عاملة اية يا حبيبتى
