- [ ] مقتنع ابنتج ومردنه نكسر خاطره ونوكف بوجه سعادته اما اذا على هاي الشروط فأحنه اسفين مثل ماابنتج غاليه اني هم ابني غالي
- [ ] ام ساره:ماشي براحتكم عيني وكولشي قسمه ونصيب واني اگـول الابوها واردلكم الخبر بأذن الله
- [ ] ام محمد:واحنه هم بأنتظار ردكم.
- [ ] _خرجت ام محمد من منزل ساره وهي غاضبه من طريقه كلام والدتها
- [ ] ام ساره:ساره هاي شنو جايبتلي هالناس تعيرني بابنها وتكولي اريده البنت عمه يعني دتگولي غصب جايه اني
- [ ] ساره:ماما اعرف اهله وامه متريدني مبين
- [ ] ام ساره:انتي تريدين الولد؟
- [ ] ساره:بصراحه ضجت من اسلوب امه
- [ ] ام ساره:حبيبتي اني اهم شي عندي سعادتج واذا تريدي اقنع ابوج حتى لو مقتنع بمهند اخلي يغير رأيه واذا ع امه اني هم يمكن حجيت وياها بتعالي شويه
- [ ] ساره:لا ماما مااتحمل اعيش وياهم ومهند خوش ولد اني حجيت ويا واقتنعت بي
- [ ] ام ساره:لعد ليش خليتيهم يجون اذا انتي مقتنعه بمهند
- [ ] ساره:لان محمد لح عليه وهو يحبني ،وگلت هم اشوف امه بلكي تطلع حبابه بس واضح انو ابد مو هينه
- [ ] ام ساره:خوش ماما براحتج واللي يريحج سوي
- [ ] ساره:بس شايله هم لمحمد مااريد ينجرح متصورين شكد يحبني واني هم بصراحه مام كنت استطلفه واحس احبه بس من مهند صارحني اتغير كولشي بداخلي ،ماما اني بدوامه ومااحس اكو احد ديفهمني ابد متلخبطه وضايعه،احس اريد مهند ومقتنعه بي اكثر،بس هم خايفه من رد فعل محمد ،واخاف اعوفه هم واندم،ماعندي غيرج ماما يفهمني وينصحني حتخبل والله
- [ ] _بدأت ساره بالبكاء والندم لانها ستكسر قلب محمد بقرارها هذا فأخذتها امها بحضنها وقالت
- [ ] ام ساره:حبيبتي بما انو انتي تريدين مهند ومقتنعه بي لتخافين بعدين الولد حباب وابن عائله وحالته زينه ومثقف ,ومحمد يتزوج وينسى وكولشي بالقسمه اذا مهند قسمتج فهو الج واذا محمد قسمتج هم حيصير الُـج ريحي نفسج ولتفكرين هوايه واتعبين روحج
- [ ] ساره:الله كريم ماما
- [ ] _رجعت ام محمد الى المنزل وكان محمد بانتظارها على احر م̷ـن الجمر
- [ ] محمد:ها يوم بشري وليش اخابرج متجاوبين ردت اجي اخذج بس شفتج رايحه بسيارتج بشري شصار
- [ ] ام محمد:مسمعت التلفون وبعدين عادي حجينه وكالت امها نردلكم خبر والله كريم
- [ ] محمد:زين ليش ضايجه احجيلي الصار بالتفصيل
- [ ] ام محمد:امها تريدك تاخذ بيت بصفهم وتكعد بي انت وبتها لان متكدر تفارق بنتها وتريد حاظر وغايب ٥٠بـ ٥٠ وتحجي بخشم عالي ،كتلها ابني يكعد يمي وبانيله مشتمل يمنه وانتي بهاي طلباتج دتطردينه
- [ ] محمد:وشكالت هي
- [ ] ام محمد:مبينه تريد تنطي بنتها الواحد دكتور ودتحجي هيج حتى تهزمنه منها
- [ ] محمد:اي بس هسه اكيد ساره تحاجيها وتقنعها لان البنيه تحبني وامها هم مترفضلها طلب فمن تشوف بنتها متمسكه بيه حتتنازل عن هذا كلامها
- [ ] ام محمد:الله كريم يمه المكتوب الك ميصير الغيرك
- [ ] محمد:حروح اخابر ساره اشوف شسوت ويه اهلها
- [ ] _صعد محمد ليتصل بساره لكن خطها كان مشغول ،وبعد حوالي ربع ساعه عاودت ساره الاتصال بمحمد
- [ ] محمد:الو
- [ ] ساره:هلو محمد
- [ ] محمد:خطج صار ربع ساعه اخابر مشغول ويه منو جنتي تحجين
- [ ] ساره:خابرتني سرى دتطمن شصار من اجتي امك
- [ ] محمد:اهاا سرى ،اي زين بَس المفروض اني قبل سرى تخابريني وتكوليلي شصار مو صح
- [ ] ساره:ليش محجتلك امك عن الصار
- [ ] محمد:اي حجتلي وشنو هاي طلبات امج التعجيزيه وتعرفين اني بغير بيت اهلي مااكعد لان همه ماعدهم غيري واحنه بس اربع نفرات ورغم كولشي بيتنه حيصير وحد فشنو هالطلبات اللي مالها داعي
- [ ] ساره:والله عاد هاي طلبات اهلي شسوي اني ،بعدين امك جابت طاري شمس وامي كولش انقهرت وضاجت تكول مبين امه متريدج وجايه غصب عنها
- [ ] محمد:ليش امي شكالت ع شمس
- [ ] ساره:تكول والله ابني الف وحده تتمنى وبنت عمه صيدلانيه واني اريدها اله بس هو رايد بنتج بربك هذا حجي
- [ ] محمد:خرررب وامج شكالت
- [ ] ساره:امي انقهرت وگالت اني طلبت هيج حتى اضمن مستقبلج بس مو معناها هيج تحاجيني وماطول هيج حجت تنسين محمد
- [ ] محمد:مو بكيفها ساره انتي متصيرين الغيري فاهمه
- [ ] ساره:محمد فدوه لتصعب الوضع اكثر خلي كل واحد يرضه بقسمته ونبعد اني هم احبك واريدك بس ماكو شي بيدي اكدر اسوي
- [ ] محمد:يعني شنو حتتخلين عن كولشي وتستسلمين بهالسهوله وين وعدج وكلامج شو كله راح
- [ ] ساره:محمد افهمني ماطول شمس وامك موجوده احنه محنعيش بسلام لان امك حتى لو صرت الك حتبقى محاربتني طول الوقت واني اهلي صعبين هم
- [ ] محمد:ساره اني احس انتي تريدين تبعدين ولگيتيها حجه شغله امي،لان كلامج ونبره صوتج متغيره ؤٌيَّآيه صار تقريباً شهر ع هالحاله ،من صارحج مهند تغيرتي مو
- [ ] ساره:هاي انت شدتخربط شوف محمد لو ذابحني ولا شاك بيه هيج قصدك انو من عرفت مهند اتغيرت عليك بس ناقص
- [ ] تكولي عندج علاقه بي
- [ ] محمد:وليش هيج اتنرفزتي ودتعيطين ،بعدين اني هذا احساسي وممطلعه من جيبي بس شوفي طريقه كلامج ؤٌيَّآيه وشكد متغيره
- [ ] ساره:خوش لعد اذا هذا احساسك اني حطلع من حياتك نهائي لان مااتحمل هالشك الفاضي مالتك ولتلومني اذا سويت اي شي روح محمد شوف حياتك وخليني بحالي اني بعد مااتحمل هذا اسلوبك وشكك بيه
- [ ] محمد:هااا اي والله حقج تعبتج هوايه اسف ست ساره
