အချစ်၏ လက်ယာဘက်တွင်ရှိသော

အပိုင်း(၁)

(Zaw)

သင်တို့တွေ ဘဝမှာ တစ်ခါကြိမ်တစ်ခါတော့ အငိုက်မိ ခဲ့ဖူးလား ။

ဟုတ်ကဲ့ ။

ကျွန်တော် ဒိုဂျောင်ဆူး ဘဝမှာ အဆိုးရွားဆုံး အငိုက်မိခဲ့ဖူးတယ် ။

~~~~~~~~~~~~~~ ***********~~~~~~~~~~~~

" တောက်!!!.."

ကား ဘရိတ်အုပ်သံနှင့်အတူ  ကားနောက်ခန်းတွင် မိန့်မိန့်ကြီး ထိုင်နေသည့်  ကျွန်တော့်ရဲ့  ကိုယ်နေဟန်ထား အနည်းငယ် ပျက်ယွင်းသွား၍ ကျွန်တော် စိတ်တိုလာကာ တောက် တစ်ချက် ခေါက်လိုက်သည် ။ ကျွန်တော့် တောက် ခေါက်သံ ကျယ်ကျယ်နှင့်အတူ ကားမောင်းသည့် နေရာမှ ဒရိုင်ဘာက ကျွန်တော် ထိုင်နေရာ ကားအနောက်ခန်းသို့ ခေါင်းလေးငဲ့ပြီး ကျွန်တော့် မျက်နာကို မဝင့်မရဲ ကြည့်လာသည် ။

" တောင်းပန်ပါတယ် ... သ..."

" ကား တံခါး ဖွင့်တော့..."

ကျွန်တော် လက်တစ်ဖက်ကို ကာပြီး ထို ဒရိုင်ဘာရဲ့ စကားလုံးကို ဖြတ်လိုက်သည် ။ နားညီးတယ် ။ ဒီတောင်းပန်ပါတယ် ဆိုသည့် စကားလုံးတွေကို နေ့စဉ်ရက်ဆက် ကြားနေရသည်မှာ ကျွန်တော့် အတွက် ငြီးငွေ့လွန်းလှသည် ။ ကျွန်တော့် အမိန့်သံဆန်ဆန် စကားကြောင့် ဒရိုင်ဘာဆိုသူက ကားပေါ်မှ ဆင်းကာ ကျွန်တော် ထိုင်နေသည့် ကားနောက်ခန်း တံခါးကို အလျင်အမြန် ဖွင့်ပေးလေသည် ။ ကျွန်တော် ဘေးတွင် ချထားသည့် ကျောပိုးအိတ်ကို ပုခုံးတစ်ဖက်တွင် လွယ်ပြီး ဒရိုင်ဘာ ဖွင့်ထားသည့် ကားနောက်ခန်းမှ ဆင်းလိုက်သည် ။

ကားတံခါးပြန်ပိတ်သံ ကျယ်ကျယ်နှင့်အတူ ဒရိုင်ဘာ၏ တောင်းပန်သည့် စကားသံ တိုးတိုးက ထွက်ကျလာပြန်သည် ။ ကျွန်တော် ဘောင်းဘီအိတ်ထဲ လက်နှစ်ဖက် ထည့်ကာ လှည့်ကြည့်လိုက်သည် ။ ကျွန်တော့်ကို မကြည့်ဘဲ ခေါင်းလေးငုံ့ထားသည့် ဒရိုင်ဘာက ကျွန်တော် စိတ်အထင် အသက် ၃၀ ဝန်းကျင်လောက်ပင် ဖြစ်နိုင်လောက်မည် ။ ကျွန်တော့် အိမ်တွင် အလုပ်လုပ်တာ မည်မျှ ကြာပြီလဲ ကျွန်တော် မမှတ်မိ ။ မဟုတ်ဘူး ။ ကျွန်တော် သတိမထားမိတာပါ ။

" နာမည် ဘယ်လို ခေါ်လဲ ။ "

" ဗျာ ..."

မျက်လုံး ပြူးကာ ကြောက်လန့်တကြား ကြည့်လာသည့် ထိုလူကို ကျွန်တော် စိတ်ပျက်စွာ စုတ်တစ်ချက်ထိုးလိုက်သည် ။ စိတ်ပျက်စရာ ပဲ ။ ကျွန်တော့် ဘဝမှာ စကားကို နှစ်ခါပြောရသည်ကို အမုန်းဆုံးပင် ဖြစ်သည် ။ ဒီနေ့ တစ်မနက်လုံး စိတ်တိုင်းကျတယ် မရှိပါလား ။ ကျွန်တော် ထိုလူနား နီးကပ်စွာ ရပ်လိုက်တော့ ထိုလူဆီက အပေါစား ရေမွှေးနံက နှာခေါင်း ထဲ စူးခနဲ ဝင်လာတော့ ကျွန်တော် စိတ်ပျက်စွာ ထိုလူကို စိုက်ကြည့်လိုက်သည် ။ အခုလို အပေါစား အသုံးအဆောင်တွေကို ကျွန်တော် ရွံတယ် ။