بعد ذالك ذهبت سماح لمساعدتهم بالعشاء
الام:شبيج سماح
سماح:مابيه شي
الام:سماح شوفي اناي مو متعوده كلشي تردي يجيج هذا زواج
سماح:خلص ماما
ذهبت سماح وقامت بمحادثه ريم
سماح:ها ريم ماكو اخبار عن مروان
ريم:اي ولد خالي لكو مسوي حادث
سماح:شنو شدتحجين وصار بي شي
ريم:لا الحمد لله مابي شي بس جروح خفيفه
سماح:اي الحمدلله شوكت يرجع
ريم :فد شويه
سماح:ريم اني لازم اروح لان باجر مدرسه من يجي سلميلي عليه
ريم :يوصل ان شاء الله
ذهبت سماح في اليوم التالي الى المدرسه ورأت صديقاتها وقامو بالتحدث عن العطله وعن احداثها فقط سماح كانت طول الجلسه صامته لا تتكلم
ليان (صديقه سماح):شو ساكته سموح احجي
سماح:لا مابيه شي
ليان:اي بس كلتي هاي احلى عطله
سماح:هههه لا والله اسوء عطله
ليان :خير ليش
سماح قصت لهم قصتها مع مروان وكم هي تحبه وجميع صديقاتها نصف من ايدها ونصف من حذرها
عادت سماح الى البيت وهي تفكر بمروان وبعد ان اكملت طعامها ذهبت للحديث مع مروان
سماح:هلو حبيبي شونك
مروان:هلو عمري الحمدلله انتي شونج
سماح:الحمدلله
شون صرت
مروان:احسن
سماح:مروان انت ليش هيج سويت
مروان:لان اهلج رفضو
سماح:بس اني احبك ومستعده اسوي اي شي علمودك حتى لو انهزم
مروان:لا سماح مااريد توصل السالفه اني وياج ننهزم لازم نقنع اهلج
سماح:مروان اني احبك ومااكدر اعيش لحظه بدونك
مروان:خلص حياتي انتي بس ديري بالج على نفسج
سماح:اوك حبي اني اروح ادرس
مروان :اوكي حياتي الله وياج وابقه احبج للموت يا سموحتي وحياتي وقلبي وعقلي
ذهبت سماح وبدأت بقرائه دروسها حتى الليل ومن ثم ذهبت للنوم
