EMPIRE OF SHADOWS

1.||THE BEINGING OF SHADOWS

Har taaj sirf sona nahi hota... kabhi-kabhi uspar khoon ke daag bhi hote hain.Har muskurahat khushi ki nishani nahi hoti... kuch muskurahatein sirf duniya ko dhokha dene ke liye hoti hain.Aur har mohabbat mukammal nahi hoti... kuch mohabbatein sirf jung banne ke liye likhi jaati hain."

Tokyo...

Ek aisa sheher jo kbhi sota nhi tha ..Subah ki pehli kiran se lekar raat ke aakhri lamhe tak, yahan har cheez apni raftaar se chalti rehti thi. Neon lights se jagmagati sadkein, aasman ko chhooti skyscrapers, har signal par rukti aur phir hawa se baatein karti luxury cars... sab kuch itna perfect tha jaise kisi ne iss sheher ko sapno se tarasha ho.Duniya ke liye Tokyo technology ka sheher tha..Discipline ka sheher.Success ka sheher.Lekin har roshni ke peeche ek andhera bhi hota hai..Aur Tokyo ka woh andhera itna gehra tha ki uske baare mein sirf kuch hi log jaante the.Din mein yahan billion-dollar deals sign hoti thi.Raat hote hi wahi sheher power, khauf aur khoon ki zubaan samajhne lagta tha.Yahan sirf companies hi nahi chalti thi..Yahan empires chalte the.Aur un empires ke peeche hote the kuch aise naam...Jinhe duniya businessman ke naam se jaanti thi...Lekin underworld unhe hukmaran maanta tha.Tokyo ke financial district ke beech ek building aasman ko chhooti hui khadi thi.Black glass se bani woh assi manzilon ki imarat door se hi apni alag pehchaan bana leti thi.Subah ki dhoop uske sheeshon par padkar poore skyline ko chamka rahi thi.Entrance ke dono taraf perfectly maintained gardens, beech mein Italian fountain aur uske saamne lahrata hua Rajvansh International ka flag...Har cheez sirf ek baat bayan kar rahithi...Power.Building ke bahar imported luxury cars ki line lagi hui thi.Black Mercedes.Rolls-Royce.Bentley.Lamborghini.
Ek ke baad ek gaadi entrance par rukti...Aur unmein se nikalte businessmen, foreign delegates aur executives seedhe building ke andar chale jaate.Reception lobby kisi five-star palace se kam nahi lag rahi thi.White Italian marble flooring.Golden chandeliers.Crystal décor.Aur har kone mein khade security officers...Jinki nazar building mein aane wale har insaan par thi.Reception desk ke peeche bade silver letters mein sirf teen shabd likhe the...Rajvansh International Group.Asia ke sabse bade business empires mein se ek.Hazaaron employees.Dozens of countries.Aur billion-dollar net worth.Business magazines har mahine is company ke baare mein likhti thi.News channels ise Asia ka fastest-growing multinational empire kehte the.Investors is company mein paisa lagane ko apni kismat samajhte the.Lekin ye sirf duniya ko dikhne wala sach tha.Asli sach...Kabhi kisi magazine ka hissa nahi bana.Kabhi kisi interview mein nahi bola gaya.Aur kabhi kisi file mein likha hi nahi gaya.Kyuki kuch sach...Sach rehne ke liye nahi hote.Unhe raaz banakar rakha jaata hai.Building ki lift bina kisi floor par ruke seedha 80th Floor par jaakar rukti thi.Wahi floor...Jahan aam employees ko aane ki ijazat nahi thi.Wahi floor...jahan sirf kuch chuninda log hi kadam rakh sakte the.Aur wahi tha...

Chairman's Office.

Dark walnut wood se bana woh darwaza apne aap mein ek alag hi shaan rakhta tha. Darwaze ke beech sirf ek chhoti si silver nameplate lagi thi.

Chairman

Bas itna hi..Naam likhne ki zarurat kabhi padi hi nahi.Kyuki poora Tokyo jaanta tha...Iss office ka malik kaun hai.Darwaza khulte hi ek alag hi duniya saamne aa jaati thi.Floor-to-ceiling glass windows se poora Tokyo ek hi nazar mein dikhai deta tha.Black marble flooring.Italian leather furniture.Ek taraf rare books se bhari hui bookshelf.Doosri taraf duniya ka ek enormous digital map, jisme Rajvansh International ke har global office ki location live display ho rahi thi.Beech mein black ebony wood ka handcrafted desk...Jis par ek bhi file be-tarteeb nahi rakhi thi.Har cheez apni jagah par.Har detail perfect.Jaise is office ka malik perfection ke alawa kuch maanta hi na ho.Yeh sirf ek office nahi tha...Yeh ek empire ka control room tha.Yahin se billion-dollar deals decide hoti thi.Yahin se multinational companies ke future likhe jaate the.Aur...Kabhi-kabhi...Yahin se kuch logon ki taqdeer bhi.

Subah ke exactly 8:00 AM baj rahe the.Poore 80th floor par ek ajeeb si khamoshi thi.Employees dheemi awaaz mein baat kar rahe the.Assistants apne tablets lekar idhar-udhar chal rahe the.Security officers har movement par nazar rakhe hue the.Sab apna kaam kar rahe the...Lekin har kisi ki nazar baar-baar ek hi direction mein uth jaati thi.