سحر
"ولج يمة... اكعدي، كافي نوم، راح يروح عليج الامتحان."
وصلني صوت أمي وأنا بعدني غاركة بالنوم، سحبت
الغطا أكثر على وجهي وحاولت أتجاهلها.
سحر: يمّه... خمس دقايق بس.
ما كملت كلمتي إلا حسيت المخدة انسحبت من تحتي، فتحت عيوني بسرعة وباوعتلها بضوج.
سحر: يااا عزا... ولج يمة غير تكعديني من وكت خرب؟
حطت إيديها على خصرها وباوعتلي بنظرة كلها
تهديد.
الأم: بت الجلاب، صار ساعة أكعد بيج وإنتِ مثل الجثة، يلا بدلي لا أبنعال.
نفخت بضوج وعدلت كعدتي.
سحر: ماشية... أخ يا نومهههه.
ابتسمت أمي غصب عنها.
الأم: ها... مسلتي لو بعدج؟
سحر: منو راح يوصلني للمركز اليوم؟
الأم: أبوج، نذر علي طالع من الصبح عنده شغل.
هزيت راسي.
سحر: آها... هنا الحچي.
كضيت ملابسي بسرعة، غسلت وجهي، ولميت شعري بذيل حصان، وبعدها طلعت للصالة.
لكيت أبوي كاعد على السفرة يشرب استكان الجاي،
وأول ما باوعلي ابتسم.
الأب: صباح الخير بابا.
ابتسمت ورحت بوسته.
سحر: صباح النور.
الأب: يلا امشينا حتى لا نتأخر.
أخذت جنطتي وطلعنا.
ركبنا السيارة، وطول الطريق أني أباوع من الجام للشارع. الشمس من الصبح مولعة، والناس تركض حتى تلحق دواماتها.
تنهدت.
سحر: بابا... والله هذا الحر يكتل، تمنيت لو عايشين بالشمال.
ضحك بخفة.
الأب: كل سنة تكولين نفس الحچي.
ابتسمت.
بعد لحظات باوعلي وهو يسوق.
الأب: ركزي بالامتحان، وإذا لكيتي سؤال صعب لا توقفين عليه، روحي للي بعده وارجعيله.
سحر: حاضر.
وصلنا المدرسة، نزلت من السيارة، ولوحتله.
الأب: الله يوفقج.
سحر: آمين.
دخلت للمدرسة، ومن بعيد شفت البنات متجمعات.
ابتسمت ورحت إلهم.
سحر: شلونجن؟
رقية: لا تسأليني... داخلة على الله.
ضحكت.
سحر: شبيج؟
رقية: الكيمياء ذبحتني، لا انحفظ ولا انفهم.
مريم: ههههه... إنتِ بكل امتحان تكولين نفس الحچي.
باوعتلها وابتسمت بمكر.
سحر: خاب سكتي، مو إنتِ البارحة متصلة تبجين وتكولين: "سحر، الكيمياء قتلني."
حطت إيدها على حلكة.
مريم: ولج فضحتيني.
انفجرنا ضحك.
رقية: هي أصلاً من يوم يومها مفضوحة.
YOU ARE READING
شظايا
Actionخمس فتيات... خمس حكايات... وجعٌ واحد يجمعهن. خطف، إجبار، فقدان، خيانة، وأسرار دفنتها الأيام، لكن القدر قرر يكشفها كلها. لكل واحدة منهن شظايا روح، وحين تتقاطع الطرق... تبدأ الحقيقة، ويبدأ الألم. في رواية "شظايا"... ليس كل ناجٍ قد نجا، وليس كل مكسور ا...