ذهبنا الى حفل الخطوبة
كانت جميلة لكنها ليست اجمل من حفل خطوبتي ارتديت فستان ابيض من الشيفرن ذو كمين وحجاب احمر يلائم الحزام في الفستان وحذاء احمر كعب واكسسوارات من الذهب الابيض
اما علي فقد ارتدى بنطلون سكيني جوزي وقميص بيج وحذاء جوزي وساعة روليكس ذهبي لقد كان حبيبي في غاية الوسامة ((فديت امة الي جابتة 😘))
باركنا لـ محمد بمناسبة خطوبته
بينما كنا نتحدث الى محمد اتت ... سارة (الحقيرة) وهي تبتسم ابتسامتها الغبية
سلمت على محمد ثم سلمت علينا
سارة : شلونك علي شخبارك
علي : الحمد لله زين
سارة : شنو اشو ما سمعنة عن زواجك يمتة حتتزوج لو بس حاجزها للبنية
فرددت انا مع ابتسامة : ههههههه حبيبتي كم يوم وتوصلج البطاقة حنتزوج بهالشهر
سارة وقد تغيرت ملامح وجهها : اي زين مبروك هسة اني حروح صديقتي منتضرتني
علي : براحتج ..تفضلي
بعد ان ذهبت ..ذهبت ورائها وقلت لعلي اني ذاهبة للحمام
تبعتها حتى وصلت الى نهاية القاعة
ناديتها فالتفتت الي قلت : شخبار حبيبج الي عافج وحيخطب
سارة وهي متضايقة : يا حبيب هههه على شنو تحجين
انا : هههههه بهالسرعة نسيتي لو ضيعتي بين الاعداد الكبيرة الي عافوج
سارة : عن شنو تحجين
زينب : تعرفين كلش زين عن شنو احجي محمد وعلي تعوفيهم واذا كنتي لسة ناوية انج تنتقمين من محمد عن طريق علي او تخلي يغار فأنت تحلمين لان محمد يحب شيخة وبعد اسبوع خطبتهم
انهيت كلامي واتجهت عائدة الى حيث علي ومحمد
بعد انتهاء الحفلة ذهبنا انا وعلي الى المطعم وتعشينا ثم ذهبنا الى الكورنيش لكي تكون تلك فترة نقاهة بعد ما عانيناه في اخر شهر
عندما عدنا للبيت كان الجميع نائم والاضواء مطفئة الا قليل من الاضاءة الخافتة دخلنا الى المنزل ونحن نسير على اطراف اصابعنا سحبني علي الى تحت الدرج وحاوطني بذراعيه قائلاً
: اي ؟
زينب : شنو ؟
علي : صدگ قررتي انو نتزوج بعد كم اسبوع
زينب : اي علمود احر هاي الحقيرة
علي : يعني مو علمودي اني زعلت
زينب : اكيد لا وليش علمودك مثلاً
علي : فكرتج انج متشوقة نكون تحت سقف واحد سوى
زينب : هههههه مو هياتنة تحت سقف واحد
علي : لا يختلف ههههههه تعرفين شنو اقصد
زينب : اششششش جم مرة اني گايلتلك لازم تخلي عندك شوية مستحة
علي : هههههه انة رجال وهذا عادي لعد مثلج اوي دادا خجولة
زينب : اني مو خجولة بس عيب
علي : ثبتيلي
زينب : شنو ؟
علي : انج مو خجولة
زينب : ههههه تستهبل
علي : لا احجي جد
زينب : ماشي
اقتربت منه وطبعت قبلة خفيفة على شفتاه وانا ابتسم واقول له : ههههه ما استحيت شفت
علي : يلة على الاقل اثبتي شوي من جرأتج
زينب : هسة ممكن لو سمحت تخليني انام
علي : تفضلي سيدتي بس اليوم لازم نجرب شي اني وياج يدل على اننا مخطوبين
زينب : عزا العزاك شنو
علي : ههههههه لا تفهمين غلط بس احنا خطبنا بس ولا مرة خابرنا بالليل مثل المخطوبين
زينب : اوك باجر نجرب
ذهبت الى الغرفة استبدلت ثيابي بملابس النوم وغطيت في نوم عميييييق الى ابعد الحدود
أنت تقرأ
to gether for ever مهما فرقنا القدر
Romanceعندما يبدأ الربيع يبدأ معه الحب حيث تتفتح ازهار قلوبنا ويحل الربيع في كل زاوية من قلوبنا لطالما كانت مضلمة قبل هذا الربيع
