بجنوب العراق اكو عائلة عراقية بسيطه عاديه عايشة بهدوء
الساعه 7:30 الصبح اجت ام علي
_كومي يما كومي وراج دوام
_ريا : يما الله يخليج شوي انامم
_ يما شنو تنامين وراج دوام يلا احضر الريوك كعدي اخوج ورا شغل ونزلي
كعدت رحت اكعد علي اخوي وراي دوام وورا شغل طبيت لغرفته اكعده
_ كوم اكعد يلاا
_علي: كعدتت كعدت يمعوده
رحت غسلت وبدلت وعلي هماتين نزلنه لكينه الريوك حاضر .
_ علي : صباح الخير يمه
_ صباح النور وليدي ، يلا وليداتي كعدو اكلو وراكم دوام
كملنه اكل ورحت طلعت اني وعلي وصلني لمدرستي وراح لشغله
دخلت لكيت صديقتي ريما وتصير كذالك بت صديق ابوي
_ ريما : صباح الخير رياا
_صباح الخير كليبي
سولفنه شوي واجت المدرسه وبعدين خلص اليوم الدراسي ورجعنا للبيت
_ ريا : شونج يماا
_ أم علي : هلا بيج حبيتي ، موجود صاحب ابوج بدلي وحضري الغده وياي .
_ تمام يما ابدل وصلي وجيج
كملت ونزلت لكيت ولد يسلم علي امي (ليو) دخلت اشوف منو هاذ لان فضوليه مو بيدي
_ اجيت يما
_ ليو : سلام عليكم اختي
_وعليكم السلام خويه
توترت حيل وشردت للمطبخ احضر غده لأبوي وصديق ابوي(ابو ليو) وليو
جنت احضر الغده من دخل ليو للمطبخ
_ ليو : بلا زحمه خويه محتاج ماي
توترت حيل لان امي مو يمي وبس انه وهو بلمطبخ وافرك بأيدي ومادري شكول صنتت دقيقة تقريبا
_ ليو : خويه؟
_ ريا : هاا خويه اي تدلل لحضه شوي .
رحت طيته دولكه ماي وراح واني ميته توترت
سمعت امي تصيحلي ورحت بسرعه
_ أم علي : يما ابوج وابو ليو تفقو على طلعه كلنه أم ليو وخواته وحنه همينه كلنه
_ يمته ؟
_ باجر ب 5:00 الفجر نروح نخيم بلبر وبليل نجي
_ تمام يمه
تحمست ليش مادري بس عادي تجاهلت الشعور ورحت ارتاح لان اليوم خميس وماخذه راحتي
*يوم الجمعه الساعه 4:00 فجرا
كعدت وحاسه بحماس رحت اتوضى
_ أم علي : صباح الخير يما يمته كعدتي
ريا : صباح العافيه امي توني كعدت
_ يلا روحي صلي وكعدي خوانج يكملون نطلع ب5 ونص .
_ تمام يما .
رحت توضيت جيت فرشت سجادتي وصليت كملت رحت اكعد علي وخواتي
