"Sim Jaeyun..em em thin che hian,dar 11 a ri tawh a...Blanket nena lo la mut te chu a!!Tun ang khawlumah leh nghal.Eng ang taksa nge maw i neih bik em em le?I flight i nan hman loh chuan min mawhpuh hlek suh...Zanrei tak tak birthday lawm kha a tullo ka ti reng a ni",ka nuin tih hlak hlak paha ka puan sin a rawn phih thlak chuan peihlo zetin ka thu chhuak a.Ka room a tih fel mawlh mawlh lai chuan ka lo ham bui bui thung,"Awi!Awi!Awi! Va inbual rang rawh,ka hlap zawt hma che hian",tih paha a slipper phelh a tum chuan ka tho rang lutuk.."Yes,sir"tih leh a bianga fawh ka ruala,thil dang a sawi hma chuan bathroom lamah ka lut nghal nal nal,ka nu âng hi chu ngaiah ka nei tawh,a rilru erawh a chhe miahlo nu taima rum rut mai hi a ni ve a...Insurance company-ah a thawk a,ka pa hian Sydney Australia-ah school neiin principal a ni nghe nghe...Fa mal ka ni bawk nen kan khawsak a harsa teh chiamlo....
Australia-ah kum naupangte ka nihin ka nu leh pate hna vel vangin kan pem a,high school chhunzawm turin Korea-ah ka let dawn bawk a..Dik taka sawi chuan ka let chak vak lo,ka nu leh paten Korea a zirna chhunzawm a ka pi leh pute bula awm turin min duh em a,ka hnial hran lo.Kum 17 ka ni a chuan a pawimawh ber chu Sim Jaeyun ka ni a..Ka thiante chuan Jake tiin min ko mai a,lehkha lamah chuan topper chu ka ni ve thin.
(Korea)
"Kan thleng ta e",Ka pu chuan tiin driver chuan ka luggage chu a hung a..." A nawm dawn hi",tiin ka nui suk a..Ka room tura kan indah fel hnu chuan shower neiin inhnuai lamah ka chhuk thla a,ka pi leh pute chuan rawng an lo bawl dun a...ka nu leh pate ai pawn an inhmangaih zawk hrim hrim ang...An nupa chauh pawn an hlim ve em em tho a,an awh awm thin ngawt ang.
"Jaeyun dawhkanah khan bibimbap a awm a tram hnêmah lo ei rawh",ka piin bawlhlo vel ban rak rak paha a tih chuan chair-ah ka thu thla a,ka pu erawh chuan chawhmeh a chan mek thung.Ka pi leh pute hian Video call-ah pawh khawihmunah pawh nise Jaeyun min ti mai a,Australia-ah erawh ka sawi tawh ang khan Jake tiin min ko a bakah ka pi leh pute hian hnam dang tawng te leh thil vel hi an ngaina teh chiamlo."Pu,chawhmeh chan te pawh chu i van hnehsawh reng reng ve a?",tih pah chuan bibimpap chu ka ei a..."Chef ka ni tih i theihnghilh ani maw?",nuih huah huah paha tiin,"Ni dawn tak...I rawng bawl lai hi ka la hmu ngailo alawm,"ka ti ve bawk.Ka pi pawh chu a lo nui ve bawk a.
Ni chu hmang liamin zanriah ei kham chuan ka room lamah ka bungrua tih fel loh tlem azawng rem fel turin ka chho hmaa....Ka kawr vel ka khai lai chuan ka tukverh zawnah motor ri hriain ka hawi thlaa,mipa 1 helmet khum a bike a chuang kai chiah chu ka zuk hmu,a hnungah hmeichhe sam sei hi a chuang ve nghal bawk a...An incheidan atang chuan club an kal dawn tih ka hre nghal mai...Australia-ah pawh khan kar tawpah ka kal ve fo a,mite ang em em chuan ka huau huau ve ngai lem lo.
Ka uniform thar tur inkhai chu ka en a,ka nui suk naktuk chu ni duhawm tak ni ngei se la ka duh khawp mai.Mu hmain a tuk zingah chuan shower te neiin ka insiam a breakfast te eiin ka pu chuan company a kal pahin min thlah kawi a.Class tur chu zawng kualin mite chuan mithar ka nih vang nge min thlir duh lutuk chu ka awm an tinuamlo lek lek thei ka zah vang erawh a ni hauhlo.
Class tur ka hmuh mai loh avangin office ka hmu fuh bawk nen ka lut ta rawih a..Ka hming te sawiin ka class tur nen transfer thar ka nih thu ka sawi a...Kan class teacher bulah min hruaiin mipa hleitling tawk tak,vun ngo vur leh mithmul a tawk chiah a chhah,meng no lem lo zet chu a lo awm ve a."I kal thei ang",teacher in a tih chuan chiang fahrana min melhin a chhuak nghal vut.
Kan class teacher nen class room lam panin introduction te ka nei a,tlar hnung ber dawttua thutna awlah chuan min thut tirin min en hrek hrek hlawmin ka hria,nichina teachers common room a ka hmuh pa pawh kha ka hmu a,ka hma chiaha a thu...Ka thutna bul dawhkan erawh a ruak huaia...Break anih chuan zirlai thenkhat chuan min rawn pan sap sap a,"Jake..maw i nih?,"hmeichhe 1 in rawn tiin ",Aw nie," tiin ka nui suk a...,"Bialnu i nei em?,"lai ang reng taka a tih chuan ka neih loh thu ka sawi ve mai bawk.",School i lo thlen khan Jh food corporation neitupa khan a thlah che kha kan lo hmu a,i pu a mi?",mipa 1 in a tih chuan ka bu nghut a...Ka hmaa thupa lah kha a chhuak daih a,midang lah chuan min be reng bawk a,"I thutpui pa chu a tawrhhlelh awm dawn khawp mai,"mipa 1 in tih paha ka dara a ben thak thak chuan hrethiamlo takin ka melh a,zawh chian ka tum chuan dar a ri hman a,an thutna lamah an let leh nghal sap sap...Eng nge a sawi awmzia kha le?
School ban chuan driver chuan gate bulah min lo nghak a,dawr 1 kawtah chuan ding datin,"Mr.Sim khan a haw hma khan lei theihnghilh a nei a,ka va lei lawk ange,"tiin driver chu a chhuak a,ka pu chu a va haw hma ve a...kawng sira intibuai thawm ka hriat chuan ka hawi chhuak a,kan school form ha mi 3 leh school dang form ha mi 3 hi an lo intibuai a...An zinga 1 erawh chu kawng sir thutthlengah thuin ciggarette a pak khu ham ham a,a thiante a ngaihsak vak hmel loh...Thawveng hmel ve hle mai maw...Chutia school dang ami 1 in a thianpa 1 a hnek chuan rang zetin a hawi chhuak a...An lamah kalin a hnektu pa chu a back kick nghal thuai anih chu.A ciggarette chu paih zuiin an insual ani nghal mai,dan tumna ka nei hranlo an duh a an insual miau a ka inrawlh chhan tur ka hrelo.Driver chu rawn letin a tlan zui nghal a..."Khang naupang ho kha hetilai area-ah hian an tam thei riau a,fimkhur angai teh ania,mahnia kal vak na chi pawh a nilo,"driver chuan a ti nghal zat a."Pate,mipa lawm kan nih le..Mahni a kal hlauhawm nachhan tur a awm hleinem,"nuih paha ka tih chuan,"tunlai naupang ho tak hi chu aw,"a ti sep ringawt...Tih ngaihna min hriat loh hmel ngang mai...
In kan thlen chuan ka pi leh pute chu TV en pahin thei an lo ei a..."I lo thleng maw?Zanin chu eichhuak ila ka tideuh a"ka puin a tih chuan a pawi loh thu ka sawi a,"Mahse pu..I van haw hma ve a,"ka tih chuan,"Nia...I patea te kutah company chu ka dah deuh tawp tawh a,hna vak ka nei tawh hleinem,"a ti nui var var a,a hlim hmel lutuk a mood a fuh hmel hle mai...Inbualin ka inthlak a...Zanriah ei tur chuan kan chhuak ho a,
Jh restaurant kan thlen chuan a lian ngang mai,"Pu hei hi i ta maw?,"ka tih chuan,"nie,nakina i ta la ni mai tur,"a tih chuan ka nui suk ringawt awmdan thiam a har lek lek alawm le..Zanriah ei hma chuan restroom-ah ka lut phawt a,ka zun zawh chuan kut silin chhuak ka tum chuan mipa 1 hmanhmawh zeta rawn lutin banga min nawr beh leh min fawh a rual,ka hamhaih lutuk chu chet mai nachang pawh ka hrelo...Mipa 1 dang hmanhmawh zeta rawn lutin min hmuh dun chuan rang lutukin a chhuak lehnghal.."Hetah a lutin ka hria,"tih thawm chu ka hre zui,"Mipa 1 in sawi lama a tlan thu a sawi a,"pakhat chu ti lehin an kal zui ta mawni...tawng thawm a awm tawh lo.
Min fawp mek tu chu ka hnek her nghal sawk a...Rawn hawi chhuak in a kam sir chu a khawih a,a nui suk duh chauh lawkin hepa hi vawiin insual ka hmuha ciggarette zu ka hmuh pa kha,kan school form a ha bawk a...."Zahna i tlachham hle mai,"tichang fakin ka melh no lo khawp mai,"Khatiang khan tumah ti tawh ngai suh,"tia kal ka tum chuan ka banah a vuan a.."Vawiinah car chhunga chuang ka hmuh kha i ni,"a ti zawi sup a,a mitmeng te mai mai chu a rui emaw ni,a ni chian hi a rim atang hian tunge hai ang le."Chuan eng nge?,"tia ka ban phih thlak leh kal ka rual.
End of Chapter 1
ŞİMDİ OKUDUĞUN
SACRIFICE(BL)
Hayran KurguKa tihlim zo lo che anih chuan nang tihnat tal che hi ka la duh.Ka kianga i hlim theilo anih chuan tukiangah mah i hlim ka phal ngai lo ang,I nui ri min hriat tir lo mahla i tap ri erawh hriat ka phu...Khawvel hmawr tawpah pawh awm mahla,ka zawng ch...
