السلام عليكم. اعرفكم على نفسي اني دامس راح اكتبلكم قصتي مع بنيتي وحبيبتي ليان اني شغلي ضابط عمري 28 طولي 192 وبشرتي حنطاويه.. احجيلكم القصة بشكل مختصر حتى تفتهمون. صديقي مطلك مرته وهو ربا بنته وحده يوم من الايام اتمرض صديقي بمرض خبيث فا خلاها يمي أمانة وبعد فتره مات الله يرحمه. وجان عمر بنته 4 سنوات.. دائماً جنت اروح على صديقي فا شفتها وكلش حبيتها وتعلقت بيها حتى هيه متعلقه بيه جان ابوها يغار لان تكعد بحضني وما تروح علي.
بنت هادئة ومؤدبة وكلش حلوه وبريئه . ناعمة كلش ومدبدبه تخبل اريد اكلها..
فا ورا وفات ابوها الله يرحمه. اخذتها واشتريتلها ملابس وكلشي تحتاجه طبعاً هيه طفله ما تفتهم فا كتلها ابوج مسافر ان شاء الله من تكبر اكول الها. اخذتها للبيت حجيت ل امي عن قصتها رحبت بيها وحبتها. طبعاً عندي اخواني اثنين اصغر مني عمار و امير. عمار متزوج وعنده ولد ايهم. واني وامير اصغر واحد عزابيه. صعدت فوك شلتها وخذتها للغرفة دخلت حطيت الاغراض على جهة بعدين ارتبهن. طلعت ملابس مريحه الها حتى ترتاح وتنام لبستها وكعدت على الجرباية وخليتها بحضني ضليت اطب على ظهرها الى ان نامت. خليتها بالفراش وكمت نزلت جوة رحت للمطبخ شفت امي تسوي مقلوبة. الله يساعدج يمة كعدت على الكرسي.
مريم: ويساعدك. وينها ليان هسه اصب الاكل.
دامس: نايمة
مريم: خلي تاكل وبعدين تنام مو زين وهم ما راح يجيها نوم باليل
دامس: عود من تكملين الاكل اكعدها عوفيها هسه تعبانة كاعده من الصبح
مريم: براحتك. روح شوف امير وين لي هسه نايم ما يشبع نوم
دامس: اي يمة هسه اشوفه، كمت صعدت فوك لغرفة امير. دخلت شفته نايم على بطنه رحت كعدت يمة حطيت ايدي على راسه أمير اكعد لي هسه نايم يلا كافي نوم كوم حتى تاكل كعد يفرك بعيونه ما مستوعب.
أمير: صباح الخير
دامس: يا صباح ابني الدنيا ليل
امير: هاا
دامس: وجعا ابني هسه يلا كوم ما شبعت نوم
امير: اي كايم. جوعان امي شنو مسويه اكل
دامس: مقلوبة
امير: الله شكد احبها انت انزل اسبح وانزل وراك
دامس: تمام. طلعت من الغرفه. ورحت لغرفتي اشوف ليان كعدت. دخلت على الغرفة لكيتها تبجي رحت عليها بسرعه كعدت على الجرباية واخذتها لحضني ضميتها بقوة كلبي وجعني عليها ما اتحمل اشوفها تبجي، شبيج بوية حبيبتي ليش تبجين اشش اني يمج. تشهك وترجف حضنتها حيلل بوية شبيج لا توجعين كلبي
ليان: اني اهاف وانت عفتني وحدي
دامس: لا لاتخافين اني يمج ما عفتج بس خليتج تنامين هسه اني يمج ما اعوفج. يلا بنيتي كومي اكلي ما جوعانة
ليان: دوعانه هواي
دامس: يبعد روحي يخسى الجوع. امشي حتى ناكل شلتها ونزلت شفتهم كاعدين كعدت وكعدت ليان بحضني. امي ومرت اخوي جابوا الاكل. كمت اكل و اوكلها اكلت لكمتين وما قبلت تاكل بعد اكلي بوية ما اكلتي شي يلا فتحي حلكج
ليان: ما اليد
دامس: ليش بابا انتي ما اكلتي اليوم كله يوجعج شي. قربت حلكها من اذني تشاورني. نزلت راسي عليها شنو تريد تكول
ليان: اليد هليب
رفعت راسي باوعت عليها تدللين بوية من عيوني الحمدلله سفرة دايما.
مريم: اكل يمة ما اكلت شي
دامس: لا يمة الحمدلله شبعت رحت للمطبخ سويت حليب خليته بكلاص بعدين اشتري ممة الها اخذت الحليب وشلتها وصعدت كعدت على الجرباية وكعدتها على رجلي. اشربي بابا كامت تشرب بسرعه مبينه جوعانة شربته كله عوافي بنيتي. شلت الاكلاص ورحت تمددت وخليتها بحضني اباوع عليها وجها ابيض ومدور وخدودها ورديه مال عض عيونها العسلية ارموشها الطوال شفتها صغيرة جنها كرز بست راسها باوعت عليه ومدت ايدها تتلمس وجهي وتلعب بشواربي بست ايدها مدت ايدها على عيوني تتلمس ارموشي
ليان: عمو ارموشك هلوات
دامس: مو احلى منج بوية. ليونه كليلي بابا
ليان: بس انت مو بابا
دامس: عادي اصير ابوج وكلشي الج
ليان: بابا
دامس يبعد بابا كولي...
.
.
.
.
.
.
.
.
.
.
.
.
.
.
