وَلوذُ بالصمت إن ضاقَ البيانُ بهِ
الرُوح إن تعبتْ بالصمت تعتصمُ
وَفِي القُلوبِ ضَجيجٌ لَا نَبوحُ بهِ
بَعضُ الحروفِ بقلب الحُرّ تَشتَعلُ
بقملي جَمرة
________________________
يمرُ العُمر ويبقى
مَطلبي الوحيد
السكينة في كُل شيء
أقصده
في المكان والرفقه، أن
لا يمسني فزع
ولا شك ولا خيبة أن
تغُمر
الطمأنينة قلبي وتحوفه
كشيء يحميه
" جَمرة "
فتحت عيوني على أثر حركه يمي
ميلت راسي وشفت اختي سديل ابتسمت بحنان واني اشوفها تحاول تاخذ شي بدون متصدر صوت
جَمرة:شنو دا تسوين
فزت من صوتي والتفت الي وهيا مرتبكه شبكت ايديها واردفت بتوتر
سديل:اسفة كعدتج بس اريد ايبادج حتى ادرس بيه ايبادي شاشته انكسرت
سديل بزر الكعده احسها روحي مو اختي ربيتها من صغرها واهتميت بيها انطيتها الحنان الي فاقدته اذا تريد شي تترك الكُل وتجيني معتمده علي بكُلشي الوحيده علاقتي قويه بيها
عندي 3 اخوان(مُلهم،اباذࢪ،ازاد) مُلهم الكبير متزوج وعنده بنيه يشبهوني بيه لان هادئه نفسه يجينيه فقط بالمُناسبات، اباذࢪ الوسطاني عصبي على اقل شي يعصب لكن حنون ويهتم النه ازاد الصغير حنون ودوم يضحك
وعندي 3 خوات(سيلين،سديم،سديل) سيلين الكبيره متزوجه وسديم الوسطانيه وايضا متزوجه علاقتي بيهن بارده ما بينه كلام هواي سيلين عندها تؤام ولد وسديم عندها بنيه
فزيت من صفنتي على سديل وهيا تتقدم بأتجاهي والخوف ظاهر على وجهه
سديل:شنو بيج شي؟ شو وجهج تعبان
جَمرة:لا يعيوني الايباد تلكيه على الطاوله انتظريني علما اغسل واجي ادرسج يلا حبيبي
هزت راسها بدون كلام وطلعت، تنهدت واني اكوم اغسل
طلعت ورحت لغرفة اختي
فتحت الباب واني اشوفها كاعده على تلفونها اول ما شافتني تركته وابتسمت
كعدت يمها وهيا طلعت كتُبها بديت ادرسها وافهمها دروسها وامتحانها واراجع الها بنفس الوقت
استمريت ادرسها لساعتين لحد ما فهمت حضنتني وهيا تكول بنعاس
سديل:اريد انام تعبت
جَمرة: لا عمري الدنيا حتصير مغرب ميصير تنامين بهيج وقت بعدين نريد نروح لبيت جدو طلعتي ملابس؟
ابتعدت عني وهيا عاكده حواجبها كالت بحيره
سديل: لا مدا الاكي شي يعجبني
جَمرة:ليش مو عندج؟
سديل: اي بس مدا الاكي شي يعجبني
جَمرة: البسي فُستانج الوردي الي اشتريته الج قبل فترة
