لقد انتهى الصراع وبدأت مرحلة الرعاية والحب الصامتة
سهام دخلت للمطبخ تسوي عشا لجمر يوم كامل مو كامله
غيدق: خليها نايمة لا تكعديها
سهام: يمة ماماكله شلون؟
غيدق: هي بحاجة النوم خليها للصبح
سهام: طردها مو؟
غيدق: تكلفت بمسؤليتها
سهام: أنتَ غيدق ؟؟
غيدق: اي أنة جمر مسؤوليتي صارت
سهام: عفية وليدي أنة اعرف راح تكون كدها وتعوضها
تقدمت بايسته بچتفه فرحانة لتصرفه لان تعرف غيدق انسان كفوو
غيدق: اي فـ لا تضغطين عليها ولا عاد تجيبين طاري عمها جدامها
سهام: من عيوني يمة
غيدق: ام الخير اريد منج تفهمينها اي شي تحتاجه تجي ليمي وحت اذا ردتي تاخذيلها شي بلغني
سهام: كلنا مانقصر وياها أن شاء الله
غيدق: رايح انام
سهام: تصبح ع خير يابعد امك
دعاء: من غيدق موجود احظر ازاد اخذ حذري لا ينتهي امري و وقت هو نازل نوقت تلفوناتنا ع8 ضبط للصبح وكعدنا
منى: مدري شخبار جمر بالي يمها
دعاء: هسة ننزل نفتهم
نزلنا ثلاثتنا واكيد لبسنا محتشم لان غيدق اذا شافنة مو محتشمات ومقتم موجود راح تكون نهايتنا
سهام: هم زين كعدتن توني جيت اكعدجن
دعاء: ليش ؟؟
سهام: غيدق شافني اسوي ريوك وحدي وكال وينه
جنات:يمااا
منى: توهي ب8 ضبط
دعاء: ماما اخبار جمر؟؟
سهام: نايمة فوك
جنات: اااامااانةةةة
غيدق:صوووتجج!
جنات: اسفة مو قصدي
غيدق: للمرة المليون انبهج تصريخين هيج
جنات: ماتنعاد خويه
دعاء: ويا صرخت جنات طلع غيدق من المطبخ غلط بيها لان صرخت وهو دائماً ينبها ع صوته طلع متعصب وملابس بس البجامة ورا ماخلسنة صعد فوك
سهام: وتالي وياج انتي
جنات: ماما صرخة فرح هاي
سهام: تأدبي واحسبي حساب لابوج واخوتج وهم هذا الولد يمنا شيكول عليجن
دخلنا للمطبخ نساعده بالريوگ
سهام: كملن وحطم الريوك رايحة أكعد جمر هم يصير عدها نشاط وهم تأخذ علاجها
،،،،
كعدت ع صوت خالتي شبعانة نوم بس خلك ماعندي
سهام: جمر حبيبتي اكعدي جثير نمتي
جمر: امم كعدت
سهام: اخخ زعلانة عليه ولج
كالتها وكأن كالتلي ابچي شهكت باجي وأيدي ع عيوني
سهام: آسفة يمة ولله مو قصدي اضربج جنت مااريدج تطلعين
جمر': تعبت اني خاله شنو مسويه تا هيجذان اتجازة
سهام: لا حبيبتي لا تحجين هيج كلشي مامسويه وهذا بيتج وهنا تخلصين عمرج منا لما نصيبج يمشي واكون امج لاخر يوم بعمري
