نبدي بسم الله الرحمن
البارت التاسع عشر : ريب أسود
بقلمي : مرج البحرين
لا تنسون التفاعل والتعليق بين الفقرات
أحبكم بگد المجرات 🐣🖤.
عشت من بَعد بُعدك نعم ..
لكن عشت دمعة بوسط عين اليخافون
اليفز بليلة ويتگلب أعلى الصوب
يعلى ونينة ويريد الموت
شتفيدة الـ إسم الله وهوا
بلا وطن و تابوت !
- مرج البحرين
𓄯 𓄯 𓄯 𓄯 𓄯 𓄯 𓄯
.
هدية..
التفت حوالية أريد أشوف شي
مااگدر الدخان بكل مكان وريحة
الحرگ جايتني من قريب ماكو شي
ينشاف غمضت ورجعت فتحت عيوني
مفزوعة اباوع على عُميرة الدايحاول
يفتح الباب بس ما يگدر مقفول من برا
وصاير ناار جمر ما ينلزم الأيد تحترگ
صرخت بصوت عالي واني الطم
على وجهي من القهر وخوفي
على روحي وجهالي
راحح نمووت محرووگين على أيدة !
هدية- سواها بُرهام سواها
وحرگ علينا البيت .
عُميرة- لاااا ماما لاا تعااي ساعديني عفيية
زينة ما تگدررر بس تعاايي لا تلطمييين .
.- ولك شساااعدك يمةةة شساااعدك
البيييت احترگ بينا والغرفة مقفوولة
شلوون نطلع غادرنا أبوك غدرنا وحرگنا .
هز راسة رافض يستوعب الفكرة
ويقتنع بيها رجع يحاول ويا الباب يريد
يفتحة بس حار ما ينلزم مجرد ما يلزمة
بسرعة يوخر أيدة تحترگ ما يتحمل
حرارتها تلسع شهگت ابچي خايفة
مفجوعة بجهالي شسوي وشلون
اخلصهم حاضنة زينة وبقية أطفالي لگلبي
عُميرة ادري بي خايف بس يكابر
الغرفة متروسة دخان بعد مانگدر نتنفس
صارت عيني على بطل ألمي الموجود عدنا
وانتبه عليه عُمرية وياي أثنينا ركضنا عليه
طلعت تيشرتات من الصندوك مال جهال
نگعت بقع من التيشيرتات حطيتها
على خشومهم يساعد شوية ورحت ويا ابني
ندفع الباب نريد نكسرة لو نفتحة
ماادري شلون ومنين اجتنا هاي القوة
بلحظتها ، لكن بمجرد ما دفرنا
الباب مع بعض بنفس اللحظة انفتح
مكسور وياليتنا ما فتحناه
النار وجت بوجهنا وصارت تاكل
من الغرفة هم خفت نموت مخنوگين
وتاليتنا راح نموت محروگين !
اندفعت لورا واگعة على ظهري ازحف
أريد ارجع ابتعد عن النار وعيوني
يباوعون عليها بصدمة و انجذاب غريب
رغم اني خايفة منها بس أحس بيها شي
يجذبني يقربني إلها صحيت على روحي
ابتعد عنها واني اصرخ بعد ما عتني عُميرة
من كتفي بقوة ينبهني ويصرخ علية
.- وييين رااايحةةة ماما وييين .
BẠN ĐANG ĐỌC
ريب أسود
Bí ẩn / Giật gânإنهُ عالمٌ مشبوه وصاحِبهُ لَـمجنون كونو معنا وشاهدوا ماذا حلَّ في البيتِ المسكون وكيف ماتَ المُشردون . بِقلمي مرج البحرين .
