قصر القيود

PART 12

ضلينا ساكتين محد فتح موضوع تميم طلع تلفونة و كعد يكلب بية.

أريج: اكلك

تميم: همم

أريج: ءءء.. شسمة اريد احاجيك

تميم: احجي

أريج: مو هنا

تميم: هسه عوفي لعد بعدين من ارجع نحجي راح اطلع

أريج: وين رااايح مو ستوك جايي

تميم: مودة كومي طلعي حذائي الرياضي الأبيض البيجي و قميصي النيلي. حسن يريد ملابس راح يطلع خل اوديهن إلة

تأفأت ضايجة هسه مو وكتة ابد يطلع من البيت. كامت مودة و حضرت الملابس مسحت الحذاء و كوت القميص..

أخذهم تميم و راح. بقيت وحدي ألوب انتضرة يجي..

**

الاء: صدمة احتلتنا كلنا خلتنا نتراجف. مرة جبيرة كاعدة على الكرسي و وراها وحدة ملامحها مو كلش جبيرة كاضة ب الكرسي..

ب نفس اللحظة بس شافت شهرزاد بجت و طاحن دموعها. كالت المرة الجبيرة :

- ولج رميدة هاي شويشة مو؟

رُميدة: اي يمة

- ولج شويشة ما تذكريني؟ انا نانتج شويشة يممة

بسرعة شهرزاد نزلن دموعها و وجهها صار احمررر. شبكت المرة حيييل و تهتز جتافها. بسرعة ركض ابوي دفع شهرزاد و شبك المرة..

سعد: يمممة حبيبتي..

- وخر عني سعد جلمة منك ما أريد اسمع!

سعد: دخلي يممة دخلي

- طبعا أدخل منزل حفيدي

ابو الحسن: هاي جدتي؟

جمانة: اي

بسرعة حسن ركض متفاجأ. فتحت ايديها جدة علمود تحضنة بسرعة ركض عليها و جدتي كامت تبجي..

-اخخخ يممة يا رويحتكم يا احفادي.

ابتعد حسن عنها مسح وجهه احمر. الكل رحب بيها و شبكها حتى اخواتي لكن انا الوحيدة إلي ما رحبت بيها ولا سلمت لا ما اعرفها منو مجرد جدتي..

رحنا كلنا كعدنا ب الصالة الجبير و الصغير متجمع هنا..

رجب: شجابج هنا انتِ هاي الأدبسز شمصخمة

أديبة: تلكاها نايمة يم واحد و أجت تستر روحها يمكم

ب نفس اللحظة عمتي دارت عليها فاكة عيونها حيييل وجهها احمر تبجي. كال عمي جواد بصوت عالي..