قصر القيود.. ⛓️
بقلمي؛ روان الهاشمي
_ _ _ _ _ _ _ _ _ _ _ _ _ _ _ _ _ _ _
مِثل ساعَة بقصِر مَهجور محَد باوَع لتَعبي !!!
¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿
أريج: تصنمت ب مكاني ضليت فاكة حلكي و عيوني مبحلكة. عمتي سُهيلة كدامي!
سُهيلة: شنو ما راح تدخلينة نبقى واكفين ب الباب؟
اريج: تفضلي
دخلت هيه و كعبها يجق وراها. رحت وراها كعدنا ب الصالة..
أريج: خير؟ شرايدة شو اليوم عرفتينا
سُهيلة: كبرانة و صاير لسانج طويل
أريج: كولي عميمة شرايدة؟
سُهيلة: جاية اخطبنج
نفسي صعد ل راسي حسيت الهوه بعد ب الكوه أجره. بس ما بينت الها هذا الشي و بعدني اريد احجي سبقتني..
سُهيلة: اخطبنج اي. و ثقي بالله اذا ما رضيتي ل افصم ضهيرج يا أريج
أريج: لو تطكين رجل ب السما و رجل ب الكاع ما أرضى بواحد من سلفكم. اخوي و خياي ب ضهري ما تخوفني امثالج و يلا طلعي برا بيتي ما يشرفج!
سُهيلة: انتِ و اخوج و علي ابن ابي طالب اسوي بيكم الأكثر ولله
أريج: شتردين تسوين بعد؟ لج كومي طلعي كومي
سُهيلة: سويت قبل و ارجع اسوي ان ما سمعتي جلمتي
استسلمت للأمر الواقع. بس مستحيل أرضى لكن الفضول تملكني اريد اعرف ل منو تخطبني و شنو تريد مني و شنو الغاية..
أريج: ل يا جلب تردين تزوجيني؟
سُهيلة: ابن حماي
أريج: يا هوه هذا
سُهيلة: مسوية روحج ما تعرفينة
أريج: ولعباس ما اعرفة
سُهيلة: ابن حماي إلي عاشكج
و هنا الصدمة. ضليت ساكتة كملت حجيها.
سُهيلة: من الطفولة عاشكج و رايدج هوه بس انتِ**** بسرعة خذيتي اخوج و شردتي من القبيلة
أريج: أوزني جلامج. تردينة نضل على ضلمكم؟
سُهيلة: اششش. من اليوم أخابر اخوج ترجعون للقبيلة
أريج: لو تموتين تميم بعد ما يرجع
سُهيلة: هسه هاي سهلة. الولد ما بية شي يشتغل ب أمور السيارات مدري شني هاي مال تصليح و بس يومية ١٢ مليون و فوك. أرضي بية لا بعدين يجيج واحد فلس ما بجيبة..
YOU ARE READING
قصر القيود
Romanceقصر القيود... ليس مجرد جدران وحجارة، بل عالم يختبئ خلفه الظلام، أسرار مكتومة، وقلوب تكافح من أجل الحرية. هنا، تختلط الغموض بالخطر، والحقيقة تختبئ بين همسات الماضي وصرخات الحاضر. كل زواية في القصر تحكي قصة عن الأسر، عن القوة، وعن أولئك الذين تحدوا قي...
