قصر القيود

PART 12

أريج: انا اريد زلمة ما ادور رجال جيبة متروس. و اشوفج من خذيتي رجلج جان جيبة مطفح فلوس بحيث تطيح الفلوس من عندة

سُهيلة: انا ادور مصلحتج

أريج: تدورين مصلحتج انتِ. انتِ عميمتي ترى اعرفج و اعرف نواياج الله يعلم مرة حماج شمسوية و تردين تستعمليني وسيلة علمود تاخذين حقج منها ما شاء الله.

سُهيلة: شيطانة انتِ

أريج: عمة كرامتج ممدة ب الكاع بس كومي لميها و روحي فدوة اروحلج مالنا خلك ولله

سُهيلة: بسيطة انا ألج. لا عبالج خلصتي وراج وراج و اخليج تاخذينة

أريج: خوش هسه كومي تسرسحي

هزت راسها راصة على سنونها حيل و معصبة. و انا باردة كدامها. بسرعة طلعت من البيت غميتها و كلت بداخلي سبع حجارات..

دخلت للبيت محتارة اذا اكول للتميم لو لا. ب نفس الوقت اريد اكلة لان هوه ب حكم أخوي لازم يعرف هيج شي و ب نفس الوقت ما أريد احجي اخاف يأذونة و تصير مشاكل و هوة ما عايزة..

ضليت بين نارين محتارة ل حد ما شفت مودة كعدت تفرك ب عيونها. راحت غسلت و اجت كعدت يمي تسألني..

مودة: شكو شبيج محتارة شو

أريج: اليوم عميمة أجت

سولفت الها كلشي ب الحرف الواحد. ضلت خايفة و مستغربة ما تعرف شتكول و شتسوي..

مودة: انا اكول الأحسن تكولين ل تميم سبع هوه ما تهمة هل أمور..

أريج: ولج والله انقهر عليه. هوه بروحه تعبان و حال الضيم حالة

مودة: لا. اصلا راح يضوج و ينقهر لان ما كتيلة لان ب هيج موقف ما تكليلة راح يحسج مستصغرتة و ما معتبرتة سند..

اقتنعت بكلامها و اتفقنا نكول ل تميم بس يجي. كعدت انس و ديمة علمود يكومون يدرسون و مودة حضرت كتبها و كعدت تدرس..

ضلو كاعدين يدرسون للساعة ب ٨ تميم بعدة ما جاي. ثواني و اندكت الباب كام انس فتحة. و اجة تميم بيدة علاليك و اول ما شافتة ديمة شبكتة..

تميم: جبتلج هديية

ديمة: لعااابة

ضل يضحك و طلعلها لعابتها. كللللش جبيرة و جنها طفلة حقيقة تخبل كارتون طويل و تجي وياي حفاضات و ممية و ستوتات و كل مستحضرات اللعابة..

طارت بيها من الفرح و تميم يشاقيها و يبوسها.

تميم: مودة كومي جيبيلي ماي

كامت مودة بسرعة جابتلة ماي مكاسر لان هون ما يحب الماي بارد يحبة دافي و اي شي بارد يكرها. كعدت مودة يمي..