الظلم في شرع الحبيب عدالة

Part 19

طلع من القبو وهو مصدوم ، وش السبب الي خلى وائل يقتل سيدرا ، فتح باب غرفة وائل وشافه جالس، دخل واغلق الباب ، وائل : وش صاير
اسمر بهدوء: ليه؟
تنهد وائل بعد مافهم قصد اسمر ، اردف بعد ان نفث الدخان من سيجارته : كانت تستاهل الموت
صرخ اسمر : محد يستاهل الموت الا انت!!!!! وش سوت عشان تقتلها!!!!! وش سوت
وائل : لاتصارخ
وقف وائل واردف : اهدى واذا هديت نحكي
لكمه اسمر واردف بغضب ؛ انت قتلتها وانت تدري اني
قاطعه وائل بعصبيه : انك متعلق فيها! عارف ، وهالشي خلاني افكر مليون مره بس هي استحقت تموت
اسمر : وش سوت؟؟؟ علمني
تنهد وائل ؛ انا وانت عارفين وش جزاة الخاين
ضحك بسخريه : خاين؟؟؟ ليه هي وش سوت؟ هي ماتطلع من هالمكان اصلا
اخرج هاتفه وشغل على تسجيل سيدرا ، وهي تعترف بانها سلمت دالي لتوماس مقابل يهربها ، اسمر كان يسمع ومصدوم ، جلس عالارض بانهيار ، حس انها خذلته حتى وهي ميته ، بقانونه هو ووائل اي شخص يخون يستحق الموت ، رجع يسمع التسجيل مره ومرتين وثلاث ، اردف بضيق : هي السبب بحالة دالي
وائل : عشان كذا قتلتها ، ودالي ماتعرف انتبه تتكلم قدامها ان سيدرا سوت كذا
اسمر : وبتخليها تتهمك انك بايعها والي باعتها صاحبتها
وائل : مو وقته الحين ، انت بخير
ابتسم اسمر بقهر : بخير ، بس مقهور ، ليه تخون صاحبتها؟ هي مو بس خانت دالي خانتنا كلنا ياوائل
وائل اردف بهدوء : استجمع نفسك ،
قام اسمر وغسل وجهه وهو يحاول يستوعب الي سمعه ، ماتوقع سيدرا تكون بهالدناءة ، هو للحين زعلان على موتها لكنه شعر بالاشمئزاز وقت عرف الي سوته بصديقة طفولتها ، بس هو يبيها ، بلع ريقه وفتح على صورها ، كان يصورها دايم بدون ماتنتبه له ، نزلت دموعه واردف بهدوء : ليه كذا سويتي
طلع من الفيلا متجه لمكان ما دفنوا سيدرا ، وصل بعد وقت ونزل ، جلس امام قبرها واردف وكانها تسمعه : قلتي لي اول ان دالي ضحت باشياء كثير عشانك ، بس انتي ضحيتي فيها باول فرصه جت لك ،، كان يعاتبها وكانها امامه ،، وقف وهو يناظر القبر ، للحين مو مستوعب كيف تسوي كذا
~~~~

~~~~~
" ميرال "
نزلت من الغرفه وشافت امها وهاني و اوس بالصالة
ابتسمت : عمو هاني عمو اوس قيموا الاوتفت بسرعه
ابتسم اوس ، وقف وتقدم لها ، مسك يدها و دورها ،
اوس : عروس عروس
ابتسم هاني واردف : انتبهي لنفسك
نزل فادي وهو مجهز نفسه ، سحر : وين مجهز نفسك
ابتسم : على نفس الحفلة الي رايحة لها ميرال
ميرال : انا تاخرت بطلع للسواق
اوس : روحي مع فادي
هاني : صحيح ، روحوا مع بعض ولاتتاخرون
ابتسم فادي : استناك بالسياره
طلعت وراه وركبت بالخلف ، مشى فادي بدون ما يتكلم
وقف السياره امام مكان الحفله ونزلت ميرال ، اخذت نفس ودخلت ، ابتسمت فريده لما شافتها واتجهت تستقبلها ، ابتسمت ميرال وتوجهت قمر لها ، اعطتها هديتها واردفت قمر : ليه متعبه نفسك
ميرال : لا تعب ولا شي اتمنى تعجبك
وقفت على الطاوله مع بعض صحباتهم بالمدرسه ، كانت تدور بعيونها على الياس ، شافته واقف مع تولين ويسولف معها ويضحك ، صدت عنه وشربت كاسة العصير ، ابتسم ابراهيم : اووووه ميرال
ابتسمت ميرال : وحشتنا وين هالغيبه
دخل فادي والتفت الياس ، اخذ نفس بقهر وفادي ابتسم له ، الياس شاف ميرال واقفه مع ابراهيم ، تقدمت اسيل لهم وسلمت على ميرال ، فادي وقف بجانب ابراهيم
وميرال صدت ، شافت تولين والياس متقدمين لهم ،
تولين : ميرال اهلين
ميرال : اهلًا
دخل جابر وتقدم يسلم عليهم ، جابر : ميرال كيفك
ميرال : بخير
الياس ناظر جابر ، جابر وقف جنبه واردف : شلونك
الياس : كويس
تولين : الياس تعال نرقص
الياس : لا روحـ
تولين مسكت يده : لا تردني بليز
الياس ابتسم : يلا
ميرال : شلونك جابر
جابر : بخير ،
تنهدت ميرال بملل ، مر الوقت ومرت ساعة ونصف ، ميرال انتبهت لضحك الياس مع تولين ، همست : عشان كذا ناسيني ، ابتسمت بسخريه وحملت حقيبتها واتجهت لقمر ، قمر : بدري
ميرال : تعبانه شوي . اشوفك مره ثانيه
انتبه الياس لميرال الي خرجت من الحفل ، رغم ان الوقت ماتاخر كثير! لحقها ورجع ياخذ مظلته لان الجو ممطر ، مشى وراها ونادى بصوت عالي : ميرال
التفتت ميرال وتقدم لها ، كانت ترجف من البرد ،
الياس : تعالي اوصلك⁩