الجزء 43 🍷
★احيانا تكون الحقيقة اكثر غرابة من الخيال لاكن ليس بالطريقة ★
ـــــــــــ ★أصبحنا وأصبح الملك لله ★ـــــــــــ
فاقت على صوت تيليفون كيصوني جوبات بلاما تعرف شكون بصوت نعسان
ريتال : الو
مرد عليها حد كتسمع في صوت انفاس شي شخص
ريتال : الو شكون معايا ؟
مجاوبها حد ستغربات ورجعات تنعس عندوا هو لي بايت ليل كلوا كيتقلب نعس شي شوية وضرباتوا لفيقة صونا ليها لاكن منطقش غي جاوبات وقطع بقا ساهي في سقف ليوم جمعة واليوم غايخرجوا تحاليل وغايبان كلشي شي لي خالعوا شوية منه
في لفيلا بعد شوي ناضت ريتال وهي باقا على حالة لبارح مشات لبالكوا بقات واقفة شحال وهي كاتنفس داك لهوا لعل وا عسى ديك لخنقة لي فيها تمشي بقات ساهية شوي وهي تخرج دوشات ولبسات عليها سيرفيط تاع دار وهبطات لجردة كان تقريبا باقي لحال هي لي فيقها غي داك صونيط لي معطاتوش اهتمام على بالها شي حد غلط في نمرة لاكن لي بيها شي حاجة شاطناها هي براسها معارفاش فحال شي حاجة غاتوقع
ليوم هو دكرى المولد النبوي الشريف بدات الحركة كدور لتحت وبداو كيحطوا لفطور في جردة المساعدات غادين جايين على ريتال وهي مرفوعة ساهية حطو الحلوى كيك مسمن بطبوط بغرير الفطور المغربي بإمتياز وبضبط داك لفطور لي كايكون فتقاليد المغاربة كلهم نهار العيد ونهار دكرى المولد النبوي
بداو كيهبطوا كانت ساهية عينيها تابتين على نقطة وحدة تاتحطت ايد على كتفها غير شافت شكون خنزرت فيه كان ارسلان لي جا هو وجود وسيف باش يشاركوا عائلتهم فهاد لجو وهي على بالها بلي كيف لعادة غايتناقشوا لاكن هضر معاها بهدوء
ارسلان : فاش ساهية نوضي جلسي في طبلة تفطري
ريتال : بلا مبالات ) نتا شنو مشا ليك
ارسلان : والوا انا غي قلت ليك (مشا جلس في طبلة لي كان باقي مجلسش كلشي فيها وهو كيشوف فيها وهي كدلك ستغربات من تصرفوا معاها وناضت جلست فوق طبلة ساكتة
كم ان في طبلة غي ارسلان وجود وسيف وهي بقا جود وسيف كيشوفو فيها ويشوفوا في ارسلان ليوم غاتخرج نتيجة ادن شنو لمصير واش هي ولا لا
في بيت ريماس ناضت من لفراش حيت فاتها الحال دوشات وعطرات راسها وصوبات شعرها لاكن مدارت والوا في وجها رغم انها شافت ديك صفورية لي فيه مبغاتش دير شي حاجة ( مطبقة متل علاش نضرق شمس بلغربال ) يالله غاتخرج وهي تحل ريهام لباب وتمات داخلة عندها
ريهام : صباح الخير
ريماس قلبات وجها : صباح الخير بعدي على لباب باغا نخرج
ريهام شدات في ايديها : وصافي غاتبقاي مقلقة عليا عارفة راسي غلطت سمحي ليا
ريماس : كيسحاب ليك كلمة سمحي ليا كتعالج اي حاجة راك غالطة
ريهام : فعلا انا متسرعة والله راك نتي عارفاني غالي جات على فمي كنقولها وصافي راك ختي زعما بلاما نبقاو مخاصمين بليييز
ESTÁS LEYENDO
🍷مـادا لـو كـان نـفـس الـشـعـور🍷
Romance🌊حصريا رواية مغربية 🌊 الكاتبة : douaa bslhm 🎀❄️ لا أحلل النشر نهائيا ❌❌❌❌❌❌ رواية كتشمل كل من الهوس / الدراما / الرومانسية/ الغدر / الخيانة / الأكشن/ الوفاء/ العائلة/ الماضي / الأسرار 💦💨✨ قصة لي معاها اتحسوا براسكم عايشين وسطها وسط جو مغريبش...
